عَدَاوة بَالِية

7.

أهلاً أهلا

صبااح الخيير

منزمان عن الدبل ابديت وأحس لعلي اشتقت لأيام كنت فاضية وكل شوي اسدح لكم بارت..

أحس اللحين بارتين ورا بعض كأني أعايد عليكم عيديه من العيار الثقيل (:

م علينا..

اسّتمتعوا 🤍

__

فتح عيونه بذبول وهو يحس بكمية خمول غير طبيعية..

أستوعب إنه مستند ع شخص وألتفت لورا وأنتبه ع ملامح أنس التعبانه واللي كان نايم ومتكي براسه ع الجدار وواضح نومته مو مريحه

ظل يتأمل بملامحه بسكون وبدون م يتحرك أو يغير وضعيته

تنهد بتعب وألتفت وهو مو قادر يتحرك أو يفكر عدل بسبب أعراض إنسحاب المخدرات من جسمه..

لكن هالشيء م منعه إنه يهمس بتعب بجملة "عساف تعبت"

غمض عيونه ومرت بباله ذكرى كان ناسي عنها وفجأة ضربت براسه..

__

قبل وفاة عساف بفترة..

كان منسدح ع سرير المستشفى ووجهه شاحب وواضح عليه تعابير الألم الشديدة بعد غسيل الكلى اللي مر فيه

دخل براء وهو مبتسم وبيده بوكس شكولاته كانت المفضلة لعساف

عساف أنتبه لأخوه الصغير وبادله الإبتسامه بس كانت شاحبة..

براء بحماس متصنع : كيفك عسافي؟

عساف بهدوء وببحة : الحمدالله حبيبي، كيفك أنت؟ بشرني حصلت وظيفة؟

براء عبس : لا ما حصلت شيء ناسبني للحين

عساف همهم بهدوء : بتحصل إن شاءالله..

براء سكت وجلس جنب عساف ونزل البوكس جنبه..

فجأة نطق بغصة : عساف.. أكره أبوي وأكره إنه راح وتركنا بهالحالة وماني قادر أخفف الحقد اللي بقلبي عليه

عساف تنهد ونطق بحنية : براء عيوني تعال لي شوي..

براء غمض عيونه وهز راسه بنفي

عساف بنفس الحنية : يلا ياعمري تعال؟

براء قام وقف وقرب لعساف اللي سحبه لحضنه وشد عليه : برائي، يا كل حياتي بقولك كلام وأبيك تتذكره دايم طيب؟ إذا مو عشانك ع الأقل لخاطري أنا؟