عَدَاوة بَالِية

14.

اهلاً..

قبل نبدأ بخاطري كلام، يعني اوكي لو أنا ألتزم بالتنزيل الأسبوعي ممكن انتوا من الناحية الثانية تقّدرون تعبي وقد أيش أنا قاعده انضغط عشان أكتب؟ وفعليًا أقل شيء ممكن تسوونه لي وتبردون خاطري فيه هو انكم تتفاعلون):

لذا لُطفًا، تفاعلوا بدون ما أحط شروط لأن لا أنا أحبها ولا انتوا تحبونها

أعتذر إذا طولت عليكم، اسّتمتعوا 🤍

__

كان ع السرير ومتكي بظهره ع راس السرير وجنبه أبوه وبوسطهم اللاب يدررون وظيفة لبراء..

أنس كان موجود بالغرفة واقف ويكلم وبين وقت ووقت يضحك ويبتسم بوسع

براء طول مكالمة الثاني م نزلت عيونه من عليه وكان يهز رجله بنرفزة..

عز همس : هد اللعب ترا واضح صاحبه مو حبيبته

براء عقد حواجبه وسوا نفسه مو فاهم : شتقصد؟

عز رد وهو للحين يطالع بالجهاز قدامه : أقصد أنس ونظراتك اللي شوي وتحرقه وهو حيّ..

براء قلب عيونه : وانا شدخلني هو مين يكلم؟ حتى لو إن شاءالله تكون حبيبته، مالي دخل بحياته..

عز همهم بتسليك وبسخرية : الله ع اللي مسوي لي فيها م أغار

براء ببرود : يبه أنا م أغار، أنتهى.

عز تنهد وسكت وكمل يدور بالجهاز وبراء هالمرة يطالع معاه

عز بهدوء : حتى لو تغار...

براء جاء بيقاطعه لكن عز رفع راسه له وخزه بنظراته وكمّل : حتى لو أنت زي م تقول م تغار، لكن لو حصل وغرت لا تكتم مشاعرك يا براء وخصوصًا الغيره، ولاّ بتاكلك وبتحرقك قبل يمديك تستوعبها، وبتوقف بطريق علاقتكم بأيام كثيره، لذا لا تكتمها

براء سكت وما رد

عز أبتسم بهدوء ورجع يطالع بالشاشة ونطق بسرعة كتغيير للموضوع : شرايك بهذي؟ تدريب كمساعد محامي وبعدها بأربع شهور تتوظف محامي بالشركة؟

براء م رد لفترة شبه طويله خلت عز يستغرب ويطالع فيه وحصله يتأمل أنس بملامح مو واضحه..

لكن الشيء الوحيد الواضح كان قد أيش عيونه مليانه حُب..

حس لوهله إنه براء كان واقع لأنس من سنين طويلة

لكن اللي م يعرفه عز؟ إنه هذا هو اللي فعلاً حاصل

لكن إثنينهم وبسبب عدواة أهاليهم، كانو يمثلون الكره والبغض لبعض..