عَدَاوة بَالِية

12.

اهلاً

*م راجعت البارت لو فيه أي اخطاء املائية نبهوني عليها لطفًا..

م أطول عليكم، اسّتمتعوا🤍

____

الساعة ٣ الفجر، ببيت غيث

كان منسدح ع الكنبة ويطقطق بجواله بملل واضح

تأفف بصوت عالي ونطق : اهخ جوعااان

غيث تنهد : المطبخ عندك حبيبي سو لك اللي تبي

هتان قام وقف وقلب عيونه : كلزق

غيث أنصدم : شنو؟

هتان : وين حركات الدلع والحب وانك بتطبخ لي؟

غيث رفع حاجبه وما رد ورجع يطالع باللاب بحضنه

هتان رجع يتأفف وهو يمشى ناحية المطبخ وكان قادر يسمع صوت معدته من الجوع..

فتح الفريزر وسحب بطاطس مجمدة وذرة وفتح الثلاجة وأخذ كاتشب ومايونيز..

فتح الرف العلوي للدولاب وسحب حبة إندومي..

حط الذرة بقدر وعباه ماي وملح وغطاه وخلاه يطبخ، وبعدها حط البطاطس بالزيت وتركه ع جنب

سحب طاوه صغيره وحط فيها الاندومي وجلس يسويه

خلص الاندومي وحطه بصحن، ودقايق قبل يخلص البطاطس ويحطه بصحن ثاني ومعاه الكاتشب والمايونيز

جلس ع الكرسي وقدامه الاكل وجلس ياكل بهدوء ولذه واضحه

دخل غيث المطبخ وشهق بصدمة : معدتك بتتحمل ذا كله؟

هتان بأبتسامة فخورة : طبعًا

دخل اخر حبة بطاطس بفمه قبل يمص أصبعه ويقوم يوقف ويشيك ع الذرة

ابتسم بحماس : شوي وتخلص

غيث لا زال واقف بمكانه ومفجوع من تضارب الأكلات اللي قاعد يشوفها..

هتان لف لغيث ونطق ببراءة : تبي؟

غيث تحمحم : لا لا بالعافية عليك

هتان ابتسم بحماس : يسسس

غيث ضحك: شفيك؟

هتان بضحكة : كنت أسأل من باب الأحترام لكن م كنت بعطيك صدق وكنت اتمنى تقول لا..