> PJM's rock
' ម៉ 10:00 យប់
អ្នកកម្លោះរូបសង្ហារស្ថិតក្នុងអាវពណ៌ទឹកប៊ិចដៃវែងកឹបលែវមួយជួរកណ្តាលធម្មតាប្រឡេះលេវពីរគ្រាប់ខាងលេីតាមទម្លាប់ ទីនុយជាមួយនឹងខោពណ៌ខ្មៅជេីងវែង ស្បែកជេីងសកម៉ាកប្រេនមួយគូរ សក់សិតទៅក្រោយម្ខាង ម្ខាងទម្លាក់ចុះមកលេីថ្ងាសកំពុងតែបោះជំហានដ៏មាំសង្ហារដេីរចូលមកបរិវេណខាងក្នុងដែលមានភ្លេីងចម្រុះពណ៌កំពុងតែបាញ់ឆ្វាច អមជាមួយភ្លេងតន្រ្តីញាក់កន្ត្រាក់អារម្មណ៍ភ្ញៀវអោយឡេីងរាំ ។
Jungkook ក៏ដេីរចូលទាំងងាករេឆ្វេងស្តាំរកមេីលអ្នកដែលណាត់នាយមកទីនេះ ស្របពេលនោះដែរនាយក៏ក្រឡេកទៅប៉ះនឹងសកម្មភាពផ្សេងៗជាច្រេីនដែលធ្វេីអោយអ្នកកម្លោះលួចបេីកភ្នែកធំៗចំហមាត់ដោយសារតែមិនដែលបានឃើញអីបែបនេះពីមុនមកទេ ។ ក្នុងនោះដែរ មានដូចជាអ្នកដែលកំពុងតែអង្គុយជាគូៗល្អូកល្អឺននឹងគ្នាតាមតុ ឯខ្លះកំពុងរាំក្រឡែងត្រដុះខ្លួនប្រាណគ្នាទៅវិញទៅមកកណ្ដាលវាល តែអ្វីដែលធ្វើអោយនាយភ្ញាក់ផ្អេីលជាងគេ គឺអ្នកដែលកំពុងតែរាំលេីឆាក ។ ម្នាក់ៗស្លៀកពាក់សឹងតែបញ្ចេញរាងកាយមកទាំងដុល បិទបាំងតែកន្លែងសំខាន់ៗតែបន្តិច រាំក្រឡែងកាច់បង្ហាញរាងរៅស្រឡូនស្រឡៅ ។ Jungkook ឈរមេីលធ្វើភ្នែកភ្លឹះៗ ទឹកមុខបែបមិនសមៗព្រោះវាមិនដូចអ្វីដែលនាយបានរំពឹងទុកឡេីយ គឺលេីសពីការគិតពេករហូតដល់ធ្វើអោយនាយចង់ត្រឡប់ទៅផ្ទះវិញឆាប់ៗ ។ គួរកុំភ្លេចផងដែរថាទីតាំងដែលនាយកំពុងនៅគឺជាហ្គេយ៍ក្លឹប បានន័យថាទីនេះសម្បូរតែប្រុសៗប៉ុណ្ណោះ មនុស្សស្រីមានតែអ្នករត់តុខ្លះ ឫក៏ជា lesbian ប៉ុន្ដែមានប្រហែលតែ 10% អីតែប៉ុណ្ណឹង ។
« JK!!! » បន្ទាប់ពីឈររេរាៗមួយសន្ទុះមក Jungkook ក៏បានឮសម្លេងនរណាម្នាក់ដែលខ្លួនស្គាល់ច្បាស់ពីចម្ងាយមក បណ្តាលអោយនាយងាកទៅរកប្រភពសម្លេងហេីយក៏ឃេីញ Hoseok កំពុងតែបោយដៃដាក់ទាំងទឹកមុខញញឹមស្រស់អង្គុយនៅតុចុងខាងឆ្វេងដៃឯណោះ ដោយមិនអោយចាំយូរ នាយក៏ដេីរទៅរកមិត្តភក្ដិតែម្តងទៅ ។
YOU ARE READING
OBSESSION ~ ឈ្លក់វង្វេង
Lãng mạnKhmer Fanfic 🇰🇭 ⬆️Topkook ⬇️BtmTae « ព្រោះខ្ញុំនឹងធ្វេីអោយលោកស្រលាញ់ឈ្លក់វង្វេងនឹងខ្ញុំទ្វេដង ស្រលាញ់បែបអារម្មណ៍ស្រលាញ់ដែលលោកមិនធ្លាប់មានឫប្រគល់ជូនអ្នកណាពីមុនមក » Taehyung ‼️ SLOW UPDATE ‼️
