ម្ចាស់ក្រុមហ៊ុនមាឌធំរូបរាងសង្ហារកំពុងអង្គុយស្មឹងស្មាតដោយលេីកដៃច្រត់ចង្ការកែវភ្នែកបង្រួមស្រឹមៗសម្លឹងមេីលទៅទេសភាពអគារខ្ពស់ៗផ្សេងៗដែលបង្ហាញអោយឃើញតាមរយៈបន្ទះកញ្ចក់ ប្រស្រីភ្នែកកំពុងមេីលទេសភាពស្របពេលខួរក្បាលកំពុងតែសញ្ចឹងគិតពីវិធីអ្វីមួយដែលអាចនឹងធ្វើអោយបំណងរបស់ខ្លួនជោគជ័យ ។
Jungkook តាំងពីកេីតមករហូតមកដល់វ័យ 26 នេះ នាយតែងតែទទួលបានក្តីស្រឡាញ់ពីមនុស្សជុំវិញខ្លួននិងគ្រប់ទីកន្លែងទាំងអស់ ពិសេសអ្នកដែលនៅផ្ទះ ម្នាក់ៗយកចិត្តទុកដាក់នឹងនាយខ្លាំងណាស់ ទោះបីកម្លោះស្តូកប៉ុណ្ណេះទៅហេីយក៏នៅតែមានអ្នកមេីលថែនាយសព្វគ្រប់ទាំងអស់ បែបនេះហេីយទេីបធ្វើអោយនាយម្នាក់នេះមិនអាចរស់នៅដោយគ្មានក្តីស្រឡាញ់បាននោះទេ នាយមេីលទៅរឹងមាំមុឺងម៉ាត់ផ្នែកខាងក្រៅប៉ុន្តែខាងក្នុងវិញគឺគ្រាន់តែក្មេងប្រុសសមញ្ញម្នាក់ដែលចូលចិត្តអោយអ្នកជុំវិញខ្លួនផ្តោតអារម្មណ៍ល្អៗមកលេីនាយ ម្ល៉ោះហើយបានជាពេលដែលអ្នកដែលមាននាមជាភរិយារបស់ខ្លួនមិនសូវផ្តល់ចំណាប់អារម្មណ៍អោយមកខ្លួនបែបនេះ នាយមានអារម្មណ៍ថាមិនសុខចិត្ត! នាយមិនទម្លាប់ក្នុងការរស់នៅជាមួយអ្នកដែលមកធ្វើហីៗដាក់ខ្លួនបែបនេះ នេះក៏ដោយសារតែ Tae ជាប្រពន្ធ ជាមនុស្សម្នាក់ដែលនាយចាត់ទុកថាសំខាន់ មិនស្រឡាញ់តែក៏គ្មានគំនិតថានឹងបោះបង់ មិនដែលមានបំណងនឹងធ្វេីបាបចិត្តគេស្របពេលដែលនាយក៏មិនបានធ្វើបាបចិត្តខ្លួនឯងដែរ ទំនាក់ទំនងអ្នកទាំងពីរអាចនិយាយបានថាធម្មតាៗ គ្មានភាពរកាំរកូស ក៏..ល្អប្រសេីរបន្តិចបន្តួចដែរតែបេីអោយទៅស្រឡាញ់គ្នាអោយស្ទើរលេបអីនោះគឺមិនទាន់ឈានដល់ដំណាក់កាលនោះទេ ហេីយដេីម្បីឈានទៅដល់ចំណុចមួយនោះបានគឺនាយត្រូវតែធ្វើអ្វីម្យ៉ាងដេីម្បីអោយគេនោះមកចាប់អារម្មណ៍នឹងនាយ!!
YOU ARE READING
OBSESSION ~ ឈ្លក់វង្វេង
RomanceKhmer Fanfic 🇰🇭 ⬆️Topkook ⬇️BtmTae « ព្រោះខ្ញុំនឹងធ្វេីអោយលោកស្រលាញ់ឈ្លក់វង្វេងនឹងខ្ញុំទ្វេដង ស្រលាញ់បែបអារម្មណ៍ស្រលាញ់ដែលលោកមិនធ្លាប់មានឫប្រគល់ជូនអ្នកណាពីមុនមក » Taehyung ‼️ SLOW UPDATE ‼️