Unicode
~~~~~~~
" ဒေါက် … ဒေါက် … ဒေါက် "
တံခါးခေါက်သံကြောင့် ဖန်းဂူအိပ်ယာမှ နိုးထလာခဲ့တယ် …
" ယွီလေး "
ဖန်းဂူမျက်လုံးဖွင့်လိုက်ယုံနဲ့တစ်ပြိုင်နက် သူ့ရဲ့ရင်ခွင်ထဲကလူသားလေးရဲ့ တုန်ခါနေမှုကို ခံစားလိုက်ရပြီး ငိုရှိုက်သံကိုပါ ကြားလိုက်ရတယ် … ဖန်းဂူအိပ်ယာပေါ်မှ အလန့်တကြား ထထိုင်လိုက်ပြီး မင်းယွီကိုယ်လေးအား ထူမလိုက်တော့ ပါးပြင်ပေါ်မှာ မျက်ရည်တွေစီးကျနေတာကို တွေ့လိုက်ရတယ် …
" ယွီလေး … ဘာ … ဘာလို့ငိုနေတာလဲ "
" နာတယ် "
" ဘယ်နားကနာနေလို့လဲ … ကိုယ့်ကိုပြော "
" ဗိုက်ထဲကနာတယ် … ပြီးတော့ ဟိုနေရာရောပဲ "
ဖန်းဂူညကအချိန်တွေကိုပြန်တွေးမိကာ မရပ်တန့်နိုင်ခဲ့တဲ့ ကိုယ့်ကိုယ်ကိုသာ အပြစ်တင်နေမိတော့တယ် …
ထိုစဉ်အခန်းတံခါးပွင့်လာပြီး ရှုယွမ်နဲ့အတူ လုယီလေးပါ ရောက်လာကြတယ် … ရှုယွမ်က ဖန်းဂူရင်ခွင်ထဲမှာ ငိုနေတဲ့မင်းယွီကိုမြင်တော့ အလန့်တကြား မေးလိုက်တယ် …
" ဖန်းဂူ … မင်းဘာလုပ်လိုက်တာလဲ "
" လင်မယားကြားမှာ လုပ်စရာ ဘာကိစ္စရှိသေးလို့လဲ "
" ငါပြောတာက မင်းယွီကို ဘာကြောင့်နာကျင်တဲ့ထိ လုပ်လိုက်တာလဲ … ငါမင်းကို ဒီလောက်အတန်တန် မှာထားတာကိုဂရုမစိုက်ဘူးလား … သူ့ရဲ့ဗိုက်က လရင့်နေပြီ … ကလေးတစ်ခုခုဖြစ်ရင်ဘယ်လိုလုပ်မလဲ "
" ကလေး … ငါ့ကလေး တစ်ခုခုဖြစ်သွားနိုင်လား "
ထိုအခါမှ ဖန်းဂူပို၍ စိတ်မတည်မငြိမ်ဖြစ်သွားကာ ဘာလုပ်၍ဘာကိုင်ရမှန်းမသိတော့ပေ … ရှုယွမ်က သူတို့ကိုအဝတ်အစားလဲထားနှင့်စေပြီး အိမ်သို့ဆရာဝန်အမြန်ပင့်ခေါ်လိုက်တယ် …
ESTÁS LEYENDO
Mafia Is My Alpha ( Lion ) { Completed }
Romanceဒါလေးက Omegaverse ပုံစံလေး ရေးသွားမှာပါ ... DOLL ပြီးတော့ ဒုတိယမြောက် Fic လေးမို့ အားပေးဖို့မျှော်လင့်ပါတယ် ...... #KZinNyein
