#Unicode
လွန်ခဲ့သော တစ်ပတ်ကျော်ခန့်က …
" ဆေးလိပ် …
ဘာလို့ ဆေးလိပ် တစ်လိပ်မှ မရှိတာလဲ "
" သခင်လေး … အဲ့ဒါက ကုန်သွားပြီ "
ချူးရှန့်တစ်ယောက် အတွင်းရေးမှူးနေရာဝင်ကာ စာရင်းတွေတွက်ချက်ရတဲ့အပြင် သခင်ဖြစ်သူလုပ်ရမဲ့စာရွက်စာတန်းတွေကို စစ်ဆေးပေးရပြီး စက်ရုပ်တစ်ရုပ်ပမာ အလုပ်နဲ့လက်မပြတ် ဖြစ်နေ၏ …
မင်းယွီထွက်သွားပြီးနောက် အလုပ်ကိုလဲစိတ်မဝင်စား ထမင်းမစား ရေမသောက်ပဲ ဆေးလိပ်ပဲထိုင်သောက်နေတဲ့သခင်ဖြစ်သူကိုကြည့်ကာ ချူးရှန့် စိတ်ပူပန်လာမိလေတယ် …
သခင်သောက်တဲ့စီးကရက်က အထူးထုတ်လုပ်ထားတာဖြစ်ပြီး နေရာတကာမှာဝယ်လို့မရနိုင်တဲ့ ကုန်ပစ္စည်းတစ်မျိုးလဲဖြစ်တယ် …
" သခင်လေး … ကျွန်တော် သွားဝယ်လိုက်ရမလား "
" မင်းမဝယ်တော့ ငါကိုယ်တိုင် သွားဝယ်ရမှာလား "
" အာ ! "
အလုပ်ကိစ္စတွေကိုလဲ တာဝန်ပေးထားသေးတယ် ထမင်းစားချိန်တောင်မနားရသေးဘူး … ချူးရှန့် ဒီနေ့မှမသေရင် မသေနိုင်တော့ဘူး … ထိုစဉ် ကယ်တင်ရှင် ယာရှာရောက်လာလေတယ် …
" ယာရှာ … ငါ … "
ထိုစဉ် ခုံပေါ်မှာထိုင်နေတဲ့ဖန်းဂူက လက်ထဲက ဘောပင်နဲ့ ချူးရှန့်ထံ လှမ်းပြစ်လိုက်တော့ ဦးခေါင်းကိုမှန်သွားပြီး ချူးရှန့်အကူအညီတောင်းမဲ့အရေး ရပ်တန့်လိုက်ရတယ် …
" ဒီနယ်မြေရဲ့ နေရာတွေအကြောင်း မသိတဲ့သူကို ခိုင်းဖို့မစဉ်းစားနဲ့ …
မင်းကိုယ်တိုင်သွားဝယ် "
" ဟုတ်ကဲ့ "
ချူးရှန့် နာကျင်နေတဲ့ ဦးခေါင်းကိုပွတ်လျှက် အခန်းထဲကနေထွက်သွားလေတော့တယ် … ယာရှာက ချူးရှန့်လောက် စီးပွားရေးနယ်ပယ်မှာ မကြွမ်းကျင်ပေမဲ့ အတတ်နိုင်ဆုံး ကူညီပေးလေတယ် … ဒါပေမဲ့ သခင်ဖြစ်သူရဲ့ ခုပုံစံကို သူမအားမရသလို သူမသိတဲ့ သခင် Lion က သန်မာပြီး ဆုံးဖြတ်ချက် ပျက်သားတဲ့သူသာ ဖြစ်နေသင့်တယ် … တစ်စုံတစ်ယောက်ကြောင့် စိတ်ထိခိုက်နေတာမျိုး မရှိသင့်ဘူး …
STAI LEGGENDO
Mafia Is My Alpha ( Lion ) { Completed }
Storie d'amoreဒါလေးက Omegaverse ပုံစံလေး ရေးသွားမှာပါ ... DOLL ပြီးတော့ ဒုတိယမြောက် Fic လေးမို့ အားပေးဖို့မျှော်လင့်ပါတယ် ...... #KZinNyein
