إلين ولات متخرجش من الدار و تخدم على سمرة و فالليل تهدر مع سيلين و خوها حلف فيها متزيدش تخرج من الدار و واحد الخطرة ظلت تحلل فيه باش خلاها تخرج تشري صوالح تاع لبنات(راكم تعرفو هههههه) و كي كانت مولية شافت واحد المراة في الطريق تشبه ليماها فلاطاي تفكرتها وعينيها رغرغو بالدموع قعدت تخزر فيها حتى شافت وحد الراجل تفق عليها القهوة راحت تجري تعاونها قالتها اصبري خالتي نعاونك جبدت فولار من الصاك تاعها و دارتهولها (خبات وين دفقت القهوة) وهذيك امراة شكرتها وسقساتها
المرا: واش تخدمي يا بنتي
إلين: ههه ضحكت بوجيعة والدمعة في عينيها قالتلها كنت رايحة نخدم مصممة ازياء بصح مكتبش المكتوب و طاحو دموعها(خلاص مقدرتش تشدهم)
المرا: خلاص يا بنتي متخافيش ارواحي اقعدي هنا
راحو قعدو في واحد الكرسي و إلين معلابالهاش علاه رتاحت لهذيك المرا بزاف وحكاتلها على كلشي المرا: يا بنتي اذا تقبلي تتزوجي بوليدي هو يخدم في الشركة تاعو تاع التصميم يعني تقدري تخدمي معاه وانا نقلك الصح عجبتيني
إلين فرحت بزاف قالتلها انا راني قابلة بصح خفت خويا ميقبلش و شكرتها (إلين فهذاك الوقت مخمت في حتا حاجة من غير انها تخرج من المزيرية لي راهي فيها) قالتها هذيك امرا حنا نهار الجمعة انشاء الله رانا جايين و نتفاهمو.
إلين: يعطيك الصحة خالتي
المرا: قريب تولي تعيطيلي ماما انشاء الله. إلين حشمت و هبطت راسها و قالتها هذيك المرا يا ينا على عروستي الحشامة. هههه
المهم هذاك نهار كان الاثنين ولات للدار قريب طير من الفرحة راحت ديراكت عيطت لسيلين و حكاتلها كلشي
سيلين: يا الحمارة علاش قبلتي متعرفيش عليه حتا حاجة كبير صغير طويل قصير شباب ماشي شباب هههههه
إلين: اما مكان مدخلني المهم نخرج من هاذ الدار و نتهنى منهم عيييت
سيلين: واش نقلك ربي يهنيك انشاء الله و واش تسحقي راني هنا(ايه حقا سيلين من عائلة غنية)
إلين: صحيتي عمري امممح😘😘ايي حقا جيبيلي كاش روبة سامبل نلبسها كي يجو نهار الجمعة
سيلين: اوك بب خليها عليا ❤❤
أنت تقرأ
عندما يصبح مصيري في يد من يعرف قيمته
Romanceاول كرونيك ليا لبنات نتمنى يعجبكم😍😍 القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم أبوني وتفاعلوا لبنات نحبكم❤❤🙏🙏🙏🙏🙏🙏
