اول كرونيك ليا لبنات نتمنى يعجبكم😍😍
القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم
أبوني وتفاعلوا لبنات نحبكم❤❤🙏🙏🙏🙏🙏🙏
واضت إلين صباح دوشت و بدلت هبطت باش طيب القهوة هكذا شوية هبط إسلام قالها صباح الخير رجعتلو وقعد يستنا القهوة و شربو كيفكيف امبعد قالها هيي روحك نوصلك معايا إلين كانت رايحة تقولو لالا نروح وحدي بصح هذيك الخزرة لي خزرها بيها هلاتها تمووت في بلاصتها بصح مبينتش و قالتلو ايه ور احت تبدل لبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت ركبت فالطموبيل و هي ساكتة إسلام: ر*** واش هاذ اللبسة لي راكي لابستها إلين: من اليوم مكان مدخلك فيا راني خدامة في شركة تاعك هذا مكان و الا نسيت بلي زواجنا فالورق برك و كل واحد يشوف حياتو إسلام:**** لسانك طوال وليتي تعرفي تهدري اه بالعياط واش راح يقولو الناس قولي رايحين يقولو مرت إسلام *** ماشي إلين فهمتي و متنسايش بلي غير انا ونتي لي نعرفو بلي زواجنا فالورق برك و هذي تشوفي حياتك غير انسايها كي نطلقو دبري راسك و فالشركة مدابيك تمثلي الزوجة الصالحة يااك إلين: سكتت و مقالتلو والو إسلام شدها من يدها و زير عليها ر** كي نكون نهدر معاك رجعيلي فهمتي (قالها بالعياط و خزر في إلين بواحد الخزرة خلاتها تمووت في بلاصتها هههه) حركت راسها تاع ايه قاللها انطقي قالتلو ايييه خلاص فهمت المهم راحو للشركة بعد ما ضاربو هما غير دخلو الشركة و الانظار كامل تحطت على إلين و هي كيما تعرفو حشامة بزاااف واسلام تقلق و معجبوش الحال حتا زاد كمل عليه واحد الزل اوووو شكون لي راهي هنا الزينة تاعنا راهي هنا إلين قعدت تتمعن فيه حتا نطقت اهيا واحد الحمار واش راك دير هنا ***: نتي لي واش راكي ديري هنا انا هو المدير تاع قسم التسويق فهذي الشركة إلين: اييهيه طلعت بيك الدنيا وليت مدير ونتا لي كنت الحمار تاع الحومة ههههههه ***: بهدلتيني يا واحد الحيوانة رانا فالشركة امبعد خمس معاها و سقساها على حوالها و سقياها على سيلين المهم و هاذ السيناريو لي جاز كامل كان تحت انظار السي شباب تاعنا إسلام هههه قريب طرطق من الغيرة و عينيه ولاو حمووووورة دم (عرق طرطقلو هههه) حتا نطق وقالهم كملتو خلاص و ضرك معليش تفهمونا تبهدايل لي درتوهم وهو شاد على يدو حتا نطق هذاك الجان لي هو أمين (أمين هو وليد الحومة تاع إلين كبرو مع بعض هو و إلين و سيلين بصح هو سافر و كمل قرايتو) و قالو اسمحلي سي إسلام هذي إلين بنت حومتي و كبرنا مع بعض هنا إسلام خلاص مقدرش و قالو ياو نعرفها هذي مرتي معليش امبعد أمين قالو اووو تزوجتي يا واحد الحلوفة و معرضتينيش المهم مبروك عليك و ربي يهنيكم و قالو إسلام وهو مركز على سنيه و مركز مع الكلمة بزاااف آمين لعقوبة ليك انشاء الله أمين قالو اواه انا منتزوجش ضرك مزال الحال هههه و غمز لالين و قالها امبعد باي إسلام شد يد إلين و زير عليها و داها للبيرو تاعها وهي تقولو اطلقني وجعتني وهو و لا على بالو دخلها للبيرو وبدا يعيط عليها واش هاذ السينيما لي درتهالي اه و كيفاش هذي امبعد واش كاين بيناتكم إلين: مكاين والو بيناتنا و أمين نورمال كيما خويا إسلام: منزيدش نلقاك تهدري مع *** إلين: اممم إسلام خرج يشم شوية هوا و نحا الكرافاطة تاعو لوكان زاد شوية يكون كاش مدار فيها هههه و بدا يهدي في روحو واشبيك إسلام تقلقت كامل هكا هذي غير إلين مراهيش سيليا واش دخلك فيها (ياو راك طحت على راسك يا وليدي ههههه) كمل هذاك النهار تاع الخدمة و إلين كانت تتعلم بالخف جاز نهار نورمال ولاو للدار راحت إلين بدلت و هبطت تطيب لعشا و لقات إسلام قاعد يتفرج فيها كيفاش تطيب بصح مدارتش عليه وهو كان غارق فيها يتمعن في كل حركاتها و تفاصيلها كانو يدورو في راسو واحد الافكار امبعد تفكر واش دار فيها و استغفر مولاه و راح قعد ياكل بعد ما عيطتلو كي كملو غسلت إلين الماعن و مسحت الكوزينة و طلعت ترقد
