المهم كملو الابطال ديالنا الخدمة تاعهم و كل واحد راح لدارو إلين راحت مع إسلام و سيلين راحت مع أمين قالها انا نوصك في طريقي و هدرو شوية فالطريق و عرفت بلي مزالو سيليبتار و هي فرحت من الداخل الستوتة هههه بصح مبينتش المهم وصلها للدار و هنا كانت الصدمة شافها باباها و حسبو حبيبها بصح مبينش و كي دخلت للدار قالها هذاك لي علاجالو مقبلتيش تتزوجي اه قولي
سيلين: بابا واش راك تهدر شكونو هذا والله راني عيانة
محمد: هذاك لي جابك قوليلي الا كان راجل يجي يخطب فهمتي و روحي ضرك امبعد نتفاهمو
طلعت سيلين لشمبرتها عيانة و طاحت فوق البونك تبكي على حالتها كيفاش كانت و كيفاش ولات و دارت الكوراج راحت دوشت و رقدت بلا متاكل غدوة من داك ناضت راحت للخدمة باش تخلي انطباع مليح عليها مع اللول امبعد تولي لقرايتها وصلت للشركة تلاقات مع الين عند الباب و سلمت عليها و كل واحدة لخدمتها دخلت سيلين عند أمين بعدما طبطبت فالباب و قالها ادخلي قالتلو صباح النور ميسيو
أمين: صباح الخير عطاتلو القهوة تاعو و قعدت واقفة حتا قالها كاش متسحقي قالتلو لالا و راحت
بعدما خرجت من تم راحت للكوزينة تاع الشركة باش تاكل كاش حاجة حتا تفكرت واش قاللها باباها و خممت باش تقول لامين يتظاهر بلي حبيبها قدام باباها بصح حشمت وهي مدابيها يكون صح ماشي كذبة و خافت تزيد تتالم كثر وهي فهاذ التخمام دموعها يخرجو سخونين فوق خدها و تحس حاجة باردة تمسحهم دارت لقاتو أمين تشوكات ولات دورت راسها و مسحت دموعها و قالتلو كاش متسحق قالها ارواحي معايا للبيرو داها للبيرو و قالها اقعدي نهدر معاك قعدت و قالتلو غير الخير قالها علاه كنتي تبكي الا عندك كاش مصاعب قوليلي متحشميش راني كي خوك سيلين هذي الكلمة تاع خوك و جعتها بزااااف بصح مبينتش قالتلو لالا صحا قالها غير قولي نعرفك تخبي كلش في قلبك مع اللول محبتش تقولو ولات حكاتلو و قالتلو الا تولي معايا بصح قدام بابا برك قالتها وهي تتوجع للداخل قالها هذا مكان راني موافق ايا ضرك روحي امسحي دموعك و يا له للخدمة ههههه و ضحكلها وهي ذابت مع هذيك الضحكة تاعو ههههه و راحت فرحانة سقمت روحها و ولات للخدمة تاعها
نروحو لجهة واحد اخرا:
كانت قاعدة في بيروها حتا تسمع صوت تاع الضحك في البيرو لي مقابلها و داير الريدو ماشي موالف يدير الريدو جاها الفضول تعرف شكون و وعلاه دار الريدو ناضت سقمت روحها ورفدت واحد الدوسي و داتو وطبطبت و دخلت ديراكت مستناتش يقولها ادخلي و هنا كانت الصدمة لقات اسلام و واحد الطفلة تمس فيه في وجهو وهي هنا تشوكات و ركابيها فشلو و كي شافها اسلام نحالها يديها لهذيك الخرية لي هي سيليا (اذا تشفاو عليها حبيبتو) و قالها متعرفيش طبطبي نتي و هي غاضتها عمرها بصح تصنعت ابتسامة في وجهها و قالتلو سمحلي موسيو بصح طبطبت نتا مسمعتش و لازم تسيني هاذ الدوسي عطاتهولي و قعدت تشوف فهذيك الخامجة لي واقفة تما المعري كثر من المغطي و هي ميحبش كي تلبس سروال هنا ولات متضويش و رفدت الدوسي و خرجت ضربت الباب قريب كسرتها راحت للبيرو تاعها بدات تسب فيه و شدت واحد الورق قطعتها كامل ههههه و تصوطي كي المهبولة امبعد هكا شوية شافتو جا قعدت فالبيرو تاعها و ردت روحها معلابالهاش دخل و قالها واشبيك قريب كسرتي الباب موراك
إلين: اممم
إسلام: علاه راكي مشنفة هكا
إلين: ههههه ضحكتني وين راني مشنفة راني تووووب
إسلام:امم باينة بلي راكي غيرانة من سيليا
إلين: ههههه علاه نغير منها انا نغير من واحدة كيما هذيك و وعلاه نغير اصلا دير واش حبيت الله يسهل
إسلام هنا عرف بلي راهي غيرانة من ردة فعل تاعها امبعد قرب لعندها و جبد الكرسي تاعها ليه و هو قاعد فوق البيرو ولاو وجوهم كيفكيف و إلين ولات حمممرة ههه واسلام عجبو الحال و قالها يتسما ندير واش نحب اه و يقرب لعندها كثر حتا قريب باسها ناضت طبعاتو وقالتلو واش راك دير هبلت و خرجت تجري للصال دوبان غسلت وجهها و تهدي في روحها هههههه هنا عرفت بلي خلاص راهي تحبو سورتو كي تتفكر سيليا الغاز يطلعلها للراس ههههه
كملو نهارهم عادي و كل واحد راح لدارو
البارت تاع اليوم انشاء الله يعجبكم 😍😍😍
اسمحولي طولت عليكم بزاااف 😿🙏🙏🙏🙏🙏❤❤❤❤❤❤❤❤
أنت تقرأ
عندما يصبح مصيري في يد من يعرف قيمته
Romanceاول كرونيك ليا لبنات نتمنى يعجبكم😍😍 القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم أبوني وتفاعلوا لبنات نحبكم❤❤🙏🙏🙏🙏🙏🙏
