عندما يصبح مصيري في يد من يعرف قيمته

Part 19

قعدت إلين فطبيب و إسلام خبر أمين باش يهتم بالشركة تاعو بيسك عندهم واحد الصفقة مهمة و رايحين يفتحو شركات فالخارج لوكان يربحوها
أمين قعد فالشركة و سيلين راحت باش تشوف إلين و إسلام دالها لحوايج و صوالح تسحقهم إلين و لعشية خرجت للدار و جات سيلين باش تعاونها حتا تبرا شوية
فاتو ليامات و سيلين وجدت للعرس تاعها و إلين برات و راحت تعاون سيلين فاللمسات الاخيرة تاع العرس و إسلام ربحو الصفقة هذيك و راه يوجد باش مور عرس أمين يطلعو كامل للخارج و يقعدو تما
وجاء اليوم الموعود عرس سيلين مع أمين
ناضت سيلين مع صباح دوشت و راحت مع إلين للحفافة و كي كملو جا داهم إسلام دخلت سيلين للدار و قعدت إلين مع إسلام فالطموبيل و قالها بلاكي تخرجي هكا امبعد كي نروحو فالكورتاج البسي حجاب إلين قالتلو اوك و عطاتو بوسة على خدو و راحت تجري هههههه
وصل أمين و الكورتاج و الكلاصون دايرين حالة و سيلين قلبها يخبط بالقاوي و إلين تزيد تكمل عليها هههههه و تتمسخر بيها و تخوف فيها وكي جاو يخرجوها دمعو عينيها و عنقت باباها و ماماها و راحت معاها إلين وصلو للصال و إلين روبلتها بالشطيح و لبست روبة قصيرة حممرة خرجت تهبل و سيلين قعدت بلاغوب بلونش حتا دخل أمين و خرجها باش يروحو للوتال و هي مييتة بالحشمة و إلين تاني خرجت باش تروح لدارها مع إسلام مي ملقاتوش خرجت تحوس عليه حتا تشوفو واقف مع واحد الطفلة و يهدر معاها راحت عندو و قالتلها شكون نتي حتا دور و تلقاها سمرة (علبالي نسيتوها سمرة اذا تتفكروها مرت خوها)  قالتلها إلين واش جابك لهنا واش تسحقي راحت سمرة قالتلها جيت عندك نطلب منك السماح والله الغيرة كانت عماتي والله مكنت حابة ناذيك اسمحيلي بزااااف و راني بالحمل و كل يوم نشوفك في منامي خفت كاش ميخرج في وليدي والله اسمحيلي إلين معلبلهاش علاه فرحت و في نفس الوقت حزنت كي فقدت هي البيبي و فرحت بلي رايحة تولي عمة و قالتلها سماح و ربي يفرحك بوليدك انشاء الله و نساي لي فات و خلينا نبداو صفحة جديدة سمرة عينيها تعمرو بالدموع ولات تشهق و تبكي و تطلب السماح راحت إلين عنقتها و قالتلها خلاص بركاي متبكي ايا اضحكي هههههه، راني امبعد نجي نزورك هنا إسلام عرف بلي عندو مرا متتعوضش و قلبها بيض و كبير بزاف مالڨري واش دارت فيها كامل سامحتها و ساندتها ههههه راحت سمرة و إلين راحت مع راجلها للدار و كانت فرحانة بيسك تحلت العقدة لي كانت في قلبها و ولات مع مرت خوها و تاني رايحة تولي عمة ههههه وصلو للدار و إلين نحات الحجاب و إسلام كان جايز و شافها بهذيك الروبة قريب هبل عليها راح عندها عنقها ملور و باسها في رقبتها و قاللها علاه متلبسيهالش هذي ليا انا لي عندي الحق نشوفك بيها إلين قالتلو راني عيانة اليوم خليني نبدل حوايجي إسلام قاللها والله منخليك...........(مقطع محذوف 🙈🙈) 
_بعد مرور أسبوع:
اليوم كل واحد هيا الكابات تاعو باش يروحو يسافرو لتركيا (لي هوما إلين مع إسلام و سيلين مع أمين و سمرة مع سام بيسك راحت إلين عندها و سام طلب سماح من ختو و هي قلبها كبير قالتلهم مرانيش حابة نخليكم هنا و نروح ولات داتهم معاها ههههه)
المهم إسلام كان شرا دار كبيرة تما مع أمين و سام باش يعيشو كامل كيفكيف  وصلو لتركيا و بيانسور إلين و سيلين مهابل بقاو يدورو في شوارع تركيا مع رجالهم و يتمهبلو ههههه و سمرة كانت عيانة من الحمل تاعها راح معاها سام للدار باش تريح
بعد ما ولاو لي كوبل تاعنا للدار كل واحد راح للشمبرة تاعو و رقدو ديراكت من العيا و التمهبيل تاعهم هههههه
بعد مرور عام:

سمرة ولدت طفل و سماتو وائل و راه في عمرو عام
اما إلين ولدت طفلة صغيرة تهبل سماتها منال في عمرها شهرين و سيلين دارت توأم طفل و طفلة سماتهم راسيل و رسيم في عمرهم شهرين وكل واحد كانت فرحتو اكبر من الاخر كي رزقهم ربي بالذرية و مع لي يحبوهم و لعقوبة لكل واحدة انشاء الله مع لي تتمناه ♥

_بعد مرور عام آخر:
إسلام يمووت على بنتو لي كبرت و زادت زيانت  ولا يرقدها معاه و إلين تغير على بنتها و إسلام يديرلها زكارة و يقعد غير يلعب معاها و يغير فيها بيسك يهبل عليها كي تغير و ترد روحها معلبالهاش ههههه

اما سيلين هبلوها التوأم تاعها ينوضو كيفكيف و يرقدو كيفكيف و يبكو كيفكيف هههههه و أمين يعجبو الحال و سيلين تقولو راك تشوف ولادك حبو يهبلوني شدهم شوية عندك

سمرة كبر وليدها و راهي بالحمل للمرة الثانية بيسك وليدها عاقل هههههه و سام حب يجيبو طفلة

المهم  دايما يجتمعو على طابلة وحدة و كل وحدة تحكي للوخرا و يتفاهمو و يضحكو و الرجال يخدمو فالشركة و لعشية يقعدو يلعبو مع ولادهم

هذي هيا الحكاية تاعي نتمنى تكون عجبتكم و متحكموش على العيباد من الخارج لان الله هو وحده يعلم ما في القلوب متنساوش تتفاعلو و تعطوني رايكم فالقصة 😍😍😍💕💕💕💕