اول كرونيك ليا لبنات نتمنى يعجبكم😍😍
القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم
أبوني وتفاعلوا لبنات نحبكم❤❤🙏🙏🙏🙏🙏🙏
راحت إلين تجري دوشت و بدلت و إسلام تاني لبسو و حبطو وتلاقاو قاللها اليوم رانا رايحين عند يما و كي تقولك الا فريتوها قوليلها ايه و متبينيش بلي رانا مزوجين فالورق برك إلين حشمت وقالتلو ايه وهي محبطة راسها (اسلام يهدر مع روحو مي هذي تحشم بزاااف) المهم راحو لدار خالتي صفية لي ستقبلتهم احسن استقبال و إسلام قاللها راني رايح عند صحابي امبعد نولي قعدت إلين مع عجوزتها صفية: كيفاش صبحتي يا بنتي ياخي فريتوها إلين: حمارت خضارت صفارت الالوان كامل جازو عليها هههه و قالتها بحشمة ايه فريناها خالتي صفية: بوه على عروستي الحشامة ياخي ضرك تعيطيلي يما إلين: ايه يما المهم إلين جوزت نهار شباب مع عجوزتها لحقت لعشية ورجع إسلام باش يدي إلين و يروحو للدار إسلام: يما عيطيلها ل إلين باش نروحو صفية: والله متصرا يا وليدي اليوم تباتو معايا تبقا هنا عروستي راني قلت للخدامة توجد الشمبرة تاعك إسلام: صحا يما انا راني خارج امبعد نولي خرج إسلام راح عيط لسيليا بدا يتمعشق معاها(خلينا منهم😒) خالتي صفية دات إلين لبيت إسلام و الين قالت بلا ميجيش دخلت دوشت و بدلت وراحت ترقد إسلام كي دخل للدار لقا إلين راقدة في بلاصتو بدا يدور و يقول في داخلو وانا درك وين نرقد راح دخل للدوش وخرج و لقا إلين مكاشها وبدا يستغفر استغفر الله وين راهي الطفلة هذا وين كانت هنا (ياو رفدوها ههههه) إلين ناضت عطشانة و شافت إسلام مكاشو هبطت تشرب الما فالظلمة بيسك كانت لابسة بيجامة مثيرة ههه إسلام هبط يحوس عليها حتا شعل ااضو تاع الصالو و لقاها عند راسو هي ماتت بالخوف و هو حل عينيه صفاحي واش شاف هههه حتا قاللها واش راكي ديري في نص اليل كي الق*** و واش هاذ اللبسة لي راكي لابستها الين فاقت مع روحها حشمت و راحت تطلع فالدروج و تجيبها بطيحة تاع الكلاب مع هيا جات تطيح عيطت واحد العيطة إسلام دار و شدها (وصرات هذيك اللقطة تاع المسلسلات و إلين نحاتلو سورتيي دبان و يخرج صدرو و ولات حمممممرة ههههه) بصح إسلام خاطيه الرومانسية قاللها وين راكي تزڨي ضرك تنوضي يما هبلتي نتي إلين غاضتها عمرها محوسش ميمبا يشوف واشبيها سڨمت روحها و طلعت للشمبرة ترقد وهو طلع موراها و رقد معاها و هي ناضت تقولو وين راك رايح ترقد نوض ترقد وحدك وهو قاللها هذي شمبرتي و هذا المطرح تاعي نتي لي تنوضي تشوفي وين ترقد إلين ناضت دارت المخدات في وسط المطرح و قالتلو هذا هو الحد بيناتنا بلاك تجوز و رقدت ناضت الصباح لقات روحها معنقاتو كي القرد ههههه و بدات تشوف في ملامح وجهو و تهدر وحدها اي شحال شباب كي يكون راقد لوكان غير تلاقينا في ظروف أحسن من هك و هنا إسلام نومو خفيف كان نايض و سمع كلش اووب حتى يجيبها تحتو و قاللها علاش انا ماشي شباب كي نكون نايض إلين ماتت بالحشمة و جات تنوض رجعها وقالها كي نكون نهدر ترجعيلي فهمتي بالعياط قالها حتى عروق يديه بانو و زير على يدين إلين و قرب لوجهها إلين خافت و غمضت عينيها (تاع الخوف ماشي حاجة واحد اخرا يا..... هههههه) امبعد ناض إسلام و خلاها تترعد مسكينة المهم جاز نهار هذاك و لاو لعشية لدارهم هي راحت للشمبرة لوخرا سقمتها كامل و حطت حوايجها في الخزانة زادت راحت فرست كامل الدار رجعتها تشعل خافت تدخل للشمبرة تاع إسلام و يقولها علاش ولات مدخلتش كي كملت شغلها راحت دارت الغدا فوق الفورنو يطيب و راحت تدوش كي كملت لبست و خرجت تشوف الغدا لي خلاتو يطيب لبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت للكوزينة تشطح و تغني حتا تسمع صوت الضحك دارت موراها تلقا إسلام شاخ ضحك عليها إسلام يحكي: اليوم مكانش الخدمة فالشركة روحت شفت الحالة و ليت للدار و شميت ريحة الدار تهبل و واحد الريحة لي جامي دخلت للدار لي هي الغدا(إسلام جامي طيب في هذي الدار كان يروح عند يماه)و ملقيتش هذيك المهبولة قعدت فالصالو نكونكتي حتى نسمع صوت هذيك البقرة تغني و هي راحت تجري للكوزينة مشافتنيش و انا كي شفتها طلعتلي السخانة كانت لابسة واحد البيجامة تهبل و شعرها طويل و مشمخ و زادت تجري و تشطح تبعتها للكوزينة وليت نضحك عليها و هي تخلعت و حشمت ولات حمرة المهم إسلام كي شافها حمرة هكذاك و زادت مقدرتش تهدر إلين: إ إ إسس إسلام ووو ككتااا ج جيت إسلام قرب لعندها و حصرها بيديه في البوطاجي و هي تبعد فيه و تقولو واش راك دير و هي حشمت بزااااف و هو ولا على بالو (يا طفلة واشبيك راكي شعلتيه باللبسة تاعك ههههه) وهو رفدها كيما البيبي و حطها فوق البوطاجي باش تولي قدو هههه(اهيا القزومة نتي صغيرة بصح محاينك كبار ههههه) إلين مقدرتش تهدر و هو يشوف فيها بهذوك العينين الخضورة المذبالين و هي تشوف فيه بهذوك العينين الكبار لي خايفن و حشمانين في نفس الوقت هنا إسلام مقدرش يصبر اوووب حط شواربو فوق شواربها و باسها بالقوة و هي تحاول تبعدو بصح مقدرتش بيسك قوي عليها بزااف كي كمل هي بدات تبكي و تمسح في شواربها و تقولو واش درت يا الحمار و الله متحشم و إسلام تقلق بزااف كي قالتلو هكذاك هي كانت رايحة وهو شدها من يدها و يعيط عليها عاودي واش قلتي انا حمار و انا منحشمش انا راجلك فهمتي و ندير واش نحب ايا طيري حطيلي ناكل إلين خافت بزاف راحت تحطلو و هو طلع للشمبرة تاعو لقاها مغبرة عرفها مدخلتش بدل و هبط و بدا يعيط عليها إسلام: علاش مدخلتيش باش تسيقي الشمبرة تاعي إلين: خايفة وقالتلو انا قلت بلاك متحبش ندخل ليها إسلام: ر** نتي متفهميش علاش منحبش علاش مراهيش جزء من هاذ الدار إلين: و هي ميتة بااخوف اوك راني طاعة نسيقها إسلام: اقعدي تاكلي قبل إلين: منيش جيعانة إسلام: منعاودش هدرتي دوزيام فوا اقعدي قعدت إلين تاكل و كي كملو غسلت الماعن و نقات الكوزينة و دخلت للشمبرة تاع إسلام تنقيها
هذا هو البارت تاع اليوم انشاء الله يعجبكم 😍😍 وزعما واش راح يصرا بين الين و إسلام استناو في الحلقات القادمة تعرفو اتفاعلو البنات نكملها بليييز🙏🙏🙏🙏🙏🙏🙏❤❤❤❤❤❤
