اول كرونيك ليا لبنات نتمنى يعجبكم😍😍
القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم
أبوني وتفاعلوا لبنات نحبكم❤❤🙏🙏🙏🙏🙏🙏
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هذي هيا سيلين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هذا هو أمين
ناضت سيلين صباح كي الاميرة هبطت سلمت على ماماها و باباها العزاز عليها بزااااف امبعد قعدت تفطر معاهم و تضحك حتى نطق عمي محمد (باباها) محمد: ارواحي بنتي عندي هدرة معاك سيلين: غير الخير بابا واش كاين راحت معاه للصالو قعدو و سيلين تخزر فيه نظرة استغراب و قالها ضرك نقلك واش كاين ريحي يابنتي امبعد قالها نتي ضرك راكي تقراي بصح التصميم ماشي حاجة صعيبة تقدري تقراي و تخدمي واش رايك تجي تعاونيني فالشركة تاعي (ادارة اعمال) وسيلين مقبل ميكمل قاتلو لالا بابا ربي يعيشك والله نحب التصميم برك قاللها مزال مكملت هدرتي متقاطعنيش راه وليد صاحبي خطبك من عندي و رايحة تروحي و تخدمي معاه في واحد المشروع و تتخطبو يعني تسافرو مع بعض فهمتي سيلين بقات مشوكية باباها هو اخر واحد كانت تظن بلي رايح يدرلها هكذا سيلين: بابا والله منقدر انا مزالني صغيرة منيش حابة نتزوج محمد: ماشي بسيف تتزوجي ضرك عندكم الوقت وتاني الا مراكيش قابلة مالا والله متزيدي تدي دورو من عندي و زيد جيبيلي هذا لي راكي معاه نشوفو و نعطيك 6 شهور في يدك الا مجاش يخطب و الله غير ديري واش قتلك وخرج سيلين قعدت تبكي و تخمم ولات عيطت ل الين و حكاتلها واش صرا و إلين لقاتلها حل قالتلها بلي كاين واحد يسحق سكرتيرة بصح واعر شوية لا حبيتي تخدمي نقولو (هاي الصحبة كيفاش دايرة واحدة تلقا لوخرا في وقت الشدة) المهم سيلين شكرتها و تفاهمو غدوة تروح معاها و راحت تقرا عادي
غدوة منداك ناضو الانيرات تاعنا هبطت إلين طيبت القهوة كيما العادة و اسلام دوش قبل بعدما دار سبور تاعو وقعد يفطر و قالها ايا روحي بدلي نروحو قاتلو لالا اليوم نروح وحدي إسلام قلقاتو وقالها كيفاش هذي تروحي وحدك الشركة تاع باباك تروحي وكتا حبيتي إلين غاضتها عمرها و قالتلو نروح مع سيلين صاحبتي ولات تخدم تما قالها اوك بالزعاف و راح (بدا يوالفها السي شباب تاعنا هههههه) راحت سيلين و تلاقات مع إلين و تفاهمو يشرو قبل حوايج و يلبسو كيفكيف ههههه راحو شراو ولبسو هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هما غير دخلو للشركة الانظار كامل تحطت عليهم وهما شدهم الضحك هههههه(هذاك ااضحك الصامط لي يجي في وقت السيريو هههههه) امبعد إلين دات سيلين عند أمين وقالتلو هايليك لي قتلك عليها و سيلين تفاجئت حتى طاحتلها الدمعة مسحتها بالتخبية و راحت إلين خلاتهم وحدهم و كي راحت إلين سيلين بقات مشوكية حتى قالها واشبيك معقلتينيش و نطقت قاتلو اه اسمحلي ميسيو أمين كنت ساهية شوية قالها اوه نسيتيني واقيل قالتلو لالا بصح انا جيت للخدمة قالها اوك و فهمها واش تدير وقاتلو اوك و راحت للسال دوبان بكات بكات حتا عيات و غسلت وجهها و سقمت المكياج تاعها وراحت تخدم (علابالي راكم تتساؤلو علاش كانت تبكي ضرك نفهمكم سيلين و إلين و أمين كبرو كيفكيف أمين كان يحبهم بين زوج كي خياتو و إلين تاني بصح سيلين كانت تحبو بطريقة واحد اخرا كان هو حبها الاول و حبيبها لي كانت تتمنى هو تاني يبادلها الشعور بصح هو كبر و سافر و هلاها تتوجع وحدها و واحد ميعرف هذي هي شخصيتها)
البارت تاع اليوم تبدلت بزاااف احداث ورايح تزيد تتبدل انشاء الله متنساوش تتفاعلو باش نكملها يا حبايبي 🤗🤗😍😍😍❤❤❤❤❤❤❤
