اول كرونيك ليا لبنات نتمنى يعجبكم😍😍
القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم
أبوني وتفاعلوا لبنات نحبكم❤❤🙏🙏🙏🙏🙏🙏
طلعت إلين فرست الشمبرة تاع إسلام لقات كلشي مخروب هههه بدات سقمت كامل حوايجو في الخزانة زادت بدلت الكوفرولي تاع المطرح و راحت باش تنحي الريدو تبدلو بصح موصلتش ههههه ولات جابت كرسي و طلعت فوقو زادت موصلتش و هنا يطلع اسلام و يلقاها تتعافر باش تدير الريدو راح لعندها و قاللها يا القزمة روحي تطوالي شوية امبعد حوسي باش تسقمي الريدو هههههه امبعد راح رفدها نحات الريدو و دارت الجديد وهي خلاص ماتت بالحشمة (رفدها كيما البيبي هخههه) كي هبطها قالتلو ايا ضرك روح خليني نكمل شغلي و هي غير خرج بدات تهدي في روحها يا قلبي واشبيك تخبط هكذا يا يما هذا غير اسلام رفدني باش نسقم الريدو اففففف اسكت و دير يديها في وجهها و تهدي في روحها ههههه و إسلام سمع كلشي و شاخ ضحك عليها و قالها اتنفسي مليح شهيق زفير وهي بدات تنعل فيه و في روحها هههههه المهم كملت سيقت الشمبرة و رجعتها تحفة تهبل اسلام دخل للدار لعشية لقاها راقدة فالصالو راح لعندها شافها بلي كانت ميتة بالعيا و راح نحالها شعرها من وجهها و هي ناضت و قالتلو ايا وكتا جيت شحال الساعة مزال مديرت لعشا افففف ياربي و هو قاللها بلعقل عليك روحي تبدلي نخرجو ناكلو برا إلين فرحت بزاااف مفاقتش حتا لقات روحها تعنق فيه و تقولو صحا صحا..... امبعد الين راحت تبدل و لبست سروال و ليكات هبطت وقالها اسلام هكذا تروحي يا لالة روحي بدلي هاذ اللبسة ولا والله مارانا خارجين راحت بدلت ولبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و إسلام طلع باش يبدل تفاجأ بلي شافو لقا الشمبرة تاعو تهبل و كلشي منظم في بلاصتو بدل و هبط ولقاها تستناه بقا حال فمو فيها لقاها لابسة روبة تهبل و قالها هيا وهو معجبوش الحال كي خرجت شابة هههههه(ياو بدييت تطيح على راسك يا سي شباب ههههههه) و راحو تعشاو برا والكل يخزرو في الين كانت بومبة و اسلام معجبوش الحال و قالها ر*** و الله متزيدي تخرجي من الدار ايا و هي مكملتش ميمبا لعشا هههه كلشي كلشي كرشها هو شدها من يدها يسحب فيها للطموبيل و هي تزڨي و تقولو مزال مكملتش الماكلة تاعي (بهدلاتو مسكين ههههه) امبعد دخلها للطموبيل و بدا يعيط عليها وهي غير ساكتة خافت يضربها هههه وهو زاد تنارفا كي سكتت زير على يدلها و جابها لعندو وقالها كي نكون نهدر معاك ترديلي فهمتي بالعياط و هي دارتلو براسها تاع ايه و زاد عيط عليها انطقي قالتلو اااايه و لاو للدار طلع لشمبرتو عيطتلو سيليا و بدا يتمعشق معاها (رخيص) و الين كانت مزالها جيعانة راحت باش تاكل سمعتلو يهدر مع سيليا بالحنانة و طاحو دموعها وراحت لشمبرتها تبكي علاش يا ربي علاش معنديش الزهر كي كنت عند خويا يضربني و كي تزوجت قلت نريح زاد هذا الهم دايما يعيط عليا و يروح يتمعشق معاها علابالي بلي رانا متزوجين فالورق برك بصح اموا يديرلي قيمة و ميهدرش معاها فالدار ولا يخليني نخرج نشم الهوا كيما الناس اااااه اه اه اه اه ااااا بكات حتا عيات ولات عيطت لسيلين و سقساتها على حوالها قالتلها لاباس الحمدلله بصح سيلين تعرفها حق المعرفة قالتلها احكي يا عمري والله مراكي مليحة نعرفك و الين بدات تبكي و فرغت قلبها لسيلين و سيلين مخلاتلوش سبت كامل إسلام هههههه(هايليك الصحبة هههه) المهم إلين ولا إسلام ميخليهاش كامل تخرج من الدار و يعيط عليها دايما فات شهر على زواجهم و مصرا والو
في الحلقة القادمة رايحين تعرفو التغييرات لي رايحة تتبدل مع إلين و إسلام و رايحين يدخلو معانا ابطال واحد اخرين هههههه متنساوش تتفاعلو باش نكملها لبنات راني اتكلة عليكم ايا باي نمووووت عليكم 🙏🙏🙏🙏🙏❤❤❤❤❤❤
