اول كرونيك ليا لبنات نتمنى يعجبكم😍😍
القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم
أبوني وتفاعلوا لبنات نحبكم❤❤🙏🙏🙏🙏🙏🙏
كانت العلاقة مليحة بيناتهم بصح تجري الرياح بما لا تشتهي السفن حتا عيطتلو سيليا رفد عليها و خرج يهدر معاها فالتلفون سيليا: الو عمري توحشتك ملي تزوجت مزيدت جين عندي إسلام: اسمحيلي والله مراني قاعد كامل سيليا: بدات تدمع (دموع التماسيح) اه اه خلاص كرهت مني و حبيت هذيك اللفعة إسلام: خلاص خلاص اسكتي راني جاي راح إسلام عند سيليا و هي عنقاتو بصح هو متجاوبش معاها و قالها واش تسحقي وهي قالتلو ببسيف واش نسحق باش تجي حبيت نشوفك هذا مكان إسلام قالها ايه خلاص شفتيني راني رايح سيليا راحت عندو تبلعط فيه المهم وبدات تتمسكن عليه وهو غضاتو و قعد معاها حتى غلط و حكالها واش صرا بينو وبين إلين وهي بدات زعما تقولو والله منسامحك مسيتها قتلي منمسهاش و نديك غير نتي وبدات تدمع في عينيها(ربي يعميهملك انشاء الله ههههه) حتى قالها خلاص ضرك نروح نتفاهم معاها راح إسلام عند إلين لقاها توجد فالعشا راح قعد تعشاو كيفكيف امبعد كي كملو قالها اقعدي عندي هدرة معاك إلين قالتلو انعم واش كاين غير الخير إسلام: راني حاب نقولك لي درتو البارح كان غلطة و كنت مقلق و غلطت في حقك اسمحيلي بصح لي حبيتيها اطلبيها و ياخي تفاهمنا عام من زواجنا نطلقو إلين: جاتها الدمعة شدتها بسيف و قاتلو اوك و طلعت لشمبرتها راحت ترمات فوق البونك تبكي تبكي بصح صيلونص ههههههه المهم بكات حتا ولاو الخناين يطايرو 😂😂و رقدت غدوة صباح ناضت و عيطت لسيلين و حكاتلها و دبرت عليها ان تروح تخدم فالشركة تاعو و إلين لقات الفرصة و اغتنمتها و حلفت باش تنتاقم منو (ماشي كيما نتوما ههههه اتعملمو و اغتانمو الفرص) المهم راحت بدلت لبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و راحت للشركة تاع إسلام دخلت و راحت للاستقبال وقالتها نسحق المدير حتا قالتها الا حجزتي موعد معاه خزرتها إلين بواحد الخزرة تقتل (تعلمتها من راجلها ههههه اا عاشرهم ربعين تولي منهم) و قالتلها قوليلو انا مرتو هذيك الموظفة مامنتش و عيطت للمدير و قالها دخليها وهي بلعت ريقها راحت إلين دخلت ديراكت بلا متطبطب و هو قالها طبطبي كيما الناس و هي ولات انسانة واحد اخرا كامل قاتلو معنديش الوقت بزااف ازرب خلينا نكملو شغلنا هو تشوكا كيفاش ولات تهدر معاه و قالها وتش من الشغل يا لالة إلين:ماشي قتلي اطلبي واش حبيتي اوك راني طالبة نولي السكرتيرة تاعك و تاني بيرو وحدي و اليوم نبدا الخدمة إسلام: اووو كبرتي وليتي تعرفي تهدري و تاني انا عندي سكرتيرة تاعي إلين: ما كان مدخلني قلت لي عندي و ضرك راني رايحة مدابيك غدوة نلقا كلش واجد إسلام تشوكا من جرأتها و كيفاش تهدر معاه بلا متخاف و إلين كانت شادة روحها بسيف هي غير خرجت راحت تجري ترجع فالنفس و تشرب الما وتقول يا يما قريب مت كيفاش كنت نهدر معاه هههههه(اهيا الستوتة) راحت شرات شوية حوايج و راحت للدار
هذا هو البارت تاع اليم علابالي قصيير بصح كاين بزاااف احداث رايحين يتبدلو استناو للحلقات الجايين باش تعرفو😍😍😍🙏🙏🙏 باي باي❤❤❤❤❤
