عندما يصبح مصيري في يد من يعرف قيمته

Part 16

غدوة منداك ناضت سيلين راحت تقرا قبل امبعد باش تروح للخدمة و كي خرجت من الجامعة لحقها واحد يقرا معاها وقالها معليش نروحو نشربو كاش حاجة عندي هدرة معاك سيلين استغربت بصح راحت معاه قالتلو دقيقة بيسك نروح للخدمة قالها ايه ياك الشركة وين تخدمي راهي هنا هههه سيلين قالتلو ايه
......: شوفي انا اليوم جيت باش نقولك زوج كلمات و نتي متتسرعيش و ترديلي خممي قبل انا نحبك سيلين و راني ناويك للحلال
سيلين: كيفاه!!  بصح كيفاه يعني انا مكنتش نهدر معاك بزاف ولا زعما مقربين من بعضانا
........: ايه علابالي بصح انا من بكري وانا نحبك مقدرتش نصبر خلاص و راني خبرتك و شدها من يدها و قالها تعيشي اقبلي بيا متردينيش هكذا
وهنا المفاجأة أمين كان رايح للاجتماع و شاف هذاك الراجل حكم يد سيلين زير على يديه و عينيه ولاو حمورة (صح أمين زهواني و مهبول ميبينش بلي عندو مشاعر اتجاه سيلين بصح اليوم كي شافها قريب هبل ههههه)
سيلين قالتلو اسمحلي بصح انا منقدرش نجاوبك ضرك و راحت للشركة هي دخلت و بدات تسمع صوت أمين يعيط جمدت في بلاصتها بيسك موالف دايما يضحك يتمهبل خافت منو الحق راحت تمشي بلعقل لقات كامل الموظفين واقفين وهو يعيط عليهم على واحد الملف
أمين: شكون لي كان مسؤول على هاذ الملف
العمال بداو يقولو كامل ماشي انا بيناتهم و سيلين ماتت في بلاصتها كي عرفت بلي هذاك الملف هي المسؤولة عليه والبارح راحت عند إلين مكملاتوش راحت عندو بلعقل و تترعد وقالتلو ميسيو أمين انا المسؤولة عليه هو زاد فرغ كامل زعافو فيها و بهدلها كامل قدام الموظفين و قالها تبعيني للبيرو
راحت معاه و كي دخلت غلق الباب بالمفتاح و هي عينيها معمرين بالدموع و خايفة منو
سيلين: ا اا أمين واش راك دير علاه غلقت الباب بالمفتاح
أمين: بلعي ر** فمك عليا عجبك الحال تخرجي مع الرجال يا **** وانا واش بالنسبة ليك اه قولي يتسما دايرتني علاجال باباك برك اه قولي بالعياط
سيلين: مقدرتش تحكم دموعها و قالتلو واش من الرجال لي خرجت معاهم كنت نقرا
أمين: مزالكي تكذبي و بدا يقرب لعندها وهي تتدنا حتى وصلت للبيرو تاعو وهي لحق لعندها و شدها
من يدها و، زير عليها و قالها و هذاك *** لي شدلك يدك مقبيل واشنوه اه قولي
سيلين: هذاك واحد يقرا معايا برك اطلقني وجعتني اي يدي
أمين زاد زير على يدها كثر وقالها يتسما يقرا معاك برك و يقدر يشدلك يدك و انا المدير تاعك يتسما نقدر ندير واش نحب انا تاني طلعها فوق البيرو باش تجي قدو و شدها من رقبتها و حط شواربو فوق شواربها و يبوس فيها فورصي و هي تحاول تفك منو وتبكي بصح كان قوي عليها و كان زعفان مقدرتش خلاص ولات تبكي برك و طلقت روحها امبعد باش فاق أمين واش دار و طلقها و مسح فمو بيسك كان يسيل الدم (قتلها مسكينة هههه) وهي غطات وجهها بيديها و بدات تبكي و تقولو علاش ياربي علاش واش درتلكم كي ديرولي هكا ولا راح عندها و قالها سمحيلي والله مدرتها بلعاني بصح الله غالب كنت زعفان و مقدرتش نتحكم في روحي سمحيلي والله
ـــــــــــــــــــــــــــــــــــــــــــــــــــــــــــــــ
نروحو عند إلين
ناضت الصباح هبطت للكوزينة و قررت اليوم دير ميناج للدار كانت خدامة ملهاتش كامل ليه راحت بدلت ولبست روبة قصيرة باش متجينيهاش كي تبدا تخدم الشغل و دارت موسيقى و بدات تسيق و تشطح و تغني ههههه (حالتها كي حالتي كي نخدم الشغل هههه) و هذا كامل جاز على انظار السي شباب تاعنا إسلام كان داير كاميرا فالدار كي عرف بلي راهي بالحمل خاف كاش ميصرالها و هو كان يدير اجتماع و يتفرج في مرتو المهبولة و مفاقش كيفاش ولا يضحك وحدو و لي كانو معاه ولاو يضحكو عليه هههههه وهو لاخبر حتا فيقو أمين باش ولا للجدية تاعو فالعمل و إلين كملت الميناج و دارت غدا خفيف و راحت دوشت و قعدت تتفرج فيلم بصح تشهات تاكل الشيكولا و الفراز بصح حشمت تعيطلو ل إسلام ولات جابت الدب تاعها و عنقاتو ورقدت دخل إسلام لعشية لقا الدار نقية و ريحتها تهبل و زاد دخل للصالو يلقاها، راقدة كي الملاك بصح كي شافها معنقة هذاك الدب وجهو تبدل و تقلق راح لعندها نحاهولها ووهي ناضت مخلوعة و بدات تبكي وتقولو واشبيك تعيط عليا
إسلام: اي نتي واشبيك كل دقيقة تبكي راكي رايحة تولي ام لطفل و مزالك بكاية
إلين: علاه تنحيلي الدب تاعي كنت راقدة معاه جيبو لهنا راحت باش تنحيهولو قالها والله متديه داه معاه للشمبرة تاعو وقالها ارواحي تباتي معاه اليوم هنا اذا حبيتي 

البارت تاع اليوم قصير بصح غدوة انشاء الله نكملها و سمحولي كي طولت عليكم 🙏🙏🙏🙏🙏🙏