اول كرونيك ليا لبنات نتمنى يعجبكم😍😍
القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم
أبوني وتفاعلوا لبنات نحبكم❤❤🙏🙏🙏🙏🙏🙏
نسرعو الاحداث شوية ههه نهار الجمعة: ناضت الين مع الصباح دوشت و عيطت لسيلين باش تجي عندها و جيبلها واش تلبس المهم جوايه 3 تاع لعشية سمعو الباب و قالتلها سيلين هامليك جاو و الين خبط قلبها مسكينة خافت خوها ميقبلش و يضربها كيما العادة فتح سام الباب و قاللهم شكون تسحقو قالتلو هذيك لمرا يخي هذي هي دار الين قاللها ايه ادخلو دخلها للصالو جاو معاها زوج نسا قبل أسبوع: نهار الاثنين كي ولات هذيك لمرا للدار لي هي خالتي صفية (يمات إسلام) ستنات كي جا وليدها سلم عليها وقالتلو ارواح عندي هدرة معاك إسلام: خير انشاء الله صفية: خير خير يا وليدي اليوم لقيت المرا لي تناسبك و تعمر الدار علينا إسلام: يما واش قلنا على هذي الهدرة قلتلك نحب سيليا و هي لي نتزوج صفية: راك حاب تدخلي هذيك المصفارة لداري والله مراهي داخلة لداري مدامني حية كي نموت دخلها كيما تحب إسلام: بعيد الشر عليك يما بصح انا نحب سيليا والطفلة منعرفهاش اموا صفية: الحب يجي بعد الزواج و نتا تتزوج ب الين طفلة الزين و العقل و الرزانة الله يبارك ولا مراني يماك مراك وليدي انا لي نعرف نخير لي تخرج عليك إسلام خرج زعفان و خبط الباب موراه راح قعد وحدو و عيط لسيليا و فهمها و قاللها بلي نطلقها و نتزوجك نتي و هي قالتلو نورمال عمري (للعلم هي تحبو علاجال دراهمو برك) ولا إسلام للدار فاليل و قاللها ليماه راني قابل بصح والله مراني رايح ادي معاك عمتي و خالتي قالتلو الله يرضي عليك يا وليدي نولو عند الين:
دخلو الضياف للصالو و حطتلهم سمرة القهوة و قالتلهم واش تسحقو صفية: اليوم جيناكم بالحسب والنسب نخطبو بنتكم الين لوليدي سام: وراه وليدك صفية: عندو خدمة مهمة اليوم على هكذاك مجاش بصح وليدي خدام ولاباس بيه بدارو و عندو شركة تاعو سام: معليش نعرف واش من لافامي و شكون هذا صفية: إسلام ***** سام جا يقوللها لالا خزراتو سمرة تاع بلع و قول ايه امبعد قاللها ايه رانا قابلين و قالتلو جيبلنا لعروسة نشوفوها راحت سمرة لالين باش تقوللها و لقاتها لابسة الله الله و قالتلها يتسما كونتي تعرفي يا لالة كانت لابسة هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و داتها للصالو هي غير دخلت قالو مشاءالله الله يبارك قعدت قدام عجوزتها و راهي تحوس على العريس وراهوبعينيها (يا رفدوه هههههه إسلام كان مع سيليا) و قالتها الله غالب العريس عندو خدمة على هكذاك مجاش الين حشمت و قالتها معليش صفية: شوفي يا بنتي حنا مذابنا نرفدو بالخف الشهر الجاي انشاء الله نديرو العرس إلين: بصح منقدروش نوجدو منا للشهر الجاي صفية: متقلقيش روحك كلش من عندنا إلين: معليش صفية: مبروك علينا ههههه راحو ضياف و تفاهمو على العرس و إلين ليل كامل وهي تبكي على زهرها حتا لعريس و مجاش تمنات يكون زواجها عن حب بصح دوماج هذا هو مكتوبها استسلمت لربي سبحانو و رقدت نسرعو الاحداث شوية هههه: المهم إسلام عيط لسام و تفهامو و ولاو صحاب كيما كانو و إلين متلاقاتش كامل بلعريس و متعرفش شكون غير يوصلوها لحوايج و لجهاز و نهار فتحو و عقدو مشافاتوش كان عاطيها بظهر المهم اليوم الموعود راه وصل نهار العرس إلين دارت عرس صغير في دارهم جات صحبتها وقفت معاها و كامل و هكذا شوية سمعت لكلاكصون تاع طموبيلات عرفتهم جاو وقلبها يخبط يخبط و خايفة جات سيلين تهدي فيها و قالتلها والله غير خرجتي تهبلي اليوم طيري العريس المجهول تاعك من عقلو ههههه الين قالتها بلعي عليا فمك انا راني ميتة كانت لابسة هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حتا طبطب الباب خوها و خرجها و عطاها للعريس لي متعرفوش هههههه هي غير حطت يدها في يدو رعشت و قلبها قريب يطير من بلاصتو راح الكورتاج و المحارق و الفميجان و الكلاكصون تاع الطوموبيلات دايرين حالة توجهو كامل ل لاصال ديفات خرجها لعريس و دخلها و الحالة كامل زاهية راحت سيلين دخلتها للشمبرة ترتاح شوية و خرجتها للغاشي لي قعدو يشوفو فيها لي حاسدها حاسدها ولي غاير عليها غاير المهم خرجت تهبل(تاخذ العقل يا حبيبي هههههه اليوم تخرج إسلام من عقلو هههههه) خلاص العرس و راحو العرسان للدار (دارهم وحدهم)
اسمحولي طولت عليكم 🙏💦 هذا هو البارت نتمنى يعجبكم و متنساوش تدعموني لابغيتو زعما😂😂😂😂🙏🙏🙏🙏🙏🙏🙏
