عندما يصبح مصيري في يد من يعرف قيمته

Part 15

جازو اليامات و سيلين وازنت بين خدمتها و عملها و كيما كان الحال زاد حبها ل أمين هههه
اما إلين ولات ترقد بزااااف و كل يوم صباح تنوض بسييف ولات فشلانة كامل و إسلام غير ساكت و يشوف فيها حتا واحد النهار مجاتش للخدمة و كي راح لعشية للدار لقاها مزالها راقدة راح عندها يعيط عليها
إسلام: اي نوضي من الصباح ونتي راقدة
إلين: واشبيك تعيط عليا و بدات تبكي كي البيبي
إسلام: واشبيك تبكي واش درتلك نوضي ديري لعشا
إلين: ناضت باش ديرلو العشا و تجي طايحة حكمها و داها للسبيطار و كي خرج الطبيب سقساه واشبيها حتا قالو بلي المدام راهي تعبانة بزاف و لازم لها عناية خاصة خاصة في هذي الفترة اللولة
إسلام: بصح مفهمتش واش من الفترة واشبيها
الطبيب: عللاه معلابالكش بلي المدام راهي حامل
إسلام مفهم حتا حاجة و بقا مشوكي كيفاه بصح جاتو واحد الفرحة راح يولي أب امبعد قالو للطبيب مرسي و دخل عند إلين يشوفها لقاها تبكي راح عندها شدها من يدها و يهدي فيها واشبيك علاه راكي تبكي إلين قالتلو نحي يدك متمسنيش بقات تبكي و تشد في كرشها و قالها إسلام الا راهي توجع فيها قالتلو لالا و بقات تبكي حتا جا طبيب دارها ابرة مهدئة ريحت شوية كي كمل الدوا خرجها للدار و كي دخلت للدار جازت على الشمبرة تاع إسلام و تفكرت كيفاش جا الطفل هذا و كيفاش كان غصبا عنها و باباه رفضو و قاللها بلي غلطة ولات تبكي و تشهق علاش ياربي علاش و دخلت لشمبرتها عنقت دبدوب تاعها و رقدت تبكي و إسلام قعد ليل كامل وهو قاعد يانبو ضميرو بيسك علابالو صعيبة عليها بزاف و غدوة منداك ناض صباح كيما العادة و راح عندها طبطب مفتحتش الباب فتحها و دخل لقاها معنقة هذاك الدبدوب تاعها و راقدة كيما البيبي ههههه راح نحالها الدب و قال مع روحو نورمالمو انا راجلك تعنقيني ماشي هو و رماه فلرض و راح ينوضها و هي ناضت مخلوعة بدات تبكي و تقولو واش كاين راح عندها عنقها و يهدي فيها خلاص خلاص مكاين والو بصح علاه وليتي تبكي كل دقيقة هي قالها هكا زادت فالبكية كثر و قاللها خلاص اسمحيلي علابالي بلي وليدي لي راه يدير فيك هك هي سمعت كلمة وليدي ناضت مسحت دموعها و قالتلو بلاك تزيد تعاودها هذا وليدي ماشي وليدك فهمت ياخي قتلي غلطة و رايحين نطلقو غير نحي ها الفكرة من راسك و روح عند هذيك المعري كثر من المغطي جيبلك وليدك فهمت
إسلام تقلق بزاااف من هدرتها ناض من تم خاف كاش ما يديرها لقا هذا الدب في طريقو عطاه بركلة الريش كامل خرج منو هههههه و إلين بدات تعيط عليه والله متحشم واش دارلك يا الحمااار اسلام سمع كلمة حكار ولا ميضويش عاود ولا لعندها شدها من يدها و زير عليها مليح وهي غير تخزر في عينيه و عينيها معمرين بدموع اسلام مات بهذيك النظرة تاعها ولا طلقها و رفد هذاك الدب و قالها والله متزيدي تشوفيه (غار عليها من الدب هههههه) و قالها متروحيش للخدمة ريحي فالدار.
إلين لاول مرة سمعت كلامو و ريحت فالدار ههههه و هو راح للخدمة بصح ظل يخمم كيفاش يدير و معرفش شكون يحب الين ولا سيليا ولا عيط لصاحبو سام هههه ايه خو إلين وقالو نتلاقاو ونهدرو
سام: السلام عليكم غير الخير واش كاين
إسلام: ريح نحكيلك ههه
راني حاب تعاون صحبي عندو واحد المشكل قالي ليا و انا معلاباليش كيفاه نديرلو عيطتلك ليك بلاك تعرف كيفاه
سام: ايه احكي واش كاين
إسلام: هذا صحبي زوجوه بسيف و هو كان عندو مدامتو بصح كي تزوج ولا يحس بشعور واحد اخر مع مرتو و هذيك حبيبتو جامي حس معاها هكذاك و ضرك راه حاصل واش يدير و ميعرفش واش يدير
سام: هذا مكان ساهلة هذي شوف قولو كي تشوف حبيبتك مع واحد اخر واش دير و كي تشوف مرتك مع واحد اخر واش دير هو مقبل ميكمل نطق إسلام والله نذبحها ههههه امبعد باش فاق واش قال و قالو قصدي يذبحها هههه امبعد قالو سام مالا راهي باينة بلي يحب مرتو و هذيك داىها غير يجوز الوقت بيها هايليك فرات المهم كملو الهدرة و إسلام عرف بلي يحب إلين و ضرك لازم يحبس مع هذيك اللفعة و يولي لمرتو و وليدو لي راه جاي فطريق
ـــــــــــــــــــــــــــــــــــــــــــــــــــــــــــــــ
راحت للخدمة كي العادة صباح بصح ملقاتش صاحبتها و راحت تخدم بيسك كانت روطار شوية دخلت عند المدير تاعها داتلو القهوة تاعو و شدت بعض الملفات و راحت تخدم كي كملت عيطت ل إلين لقات تلفونها طافي استغربت ولات راحت لعندها للدار صونات الباب مفتح حتا واحد زادت طبطبت بالقاوي مكاين حتا واحد حتا سمعت الطموبيل جات و خرج منها إسلام لقاها واقفة عند الباب و ثالها علاه راكي واقفة هكذا قالتلو بلي عيطت لالين تلفونها مكاش و طبطبت و واحد محل الباب إسلام كي سمعها راح يجري كي المهبول حل الباب و طلع يجري للشمبرة تاعها تبعاتو سيلين و تقولو واش كاين واشبيك تجري هكذا كي دخلو للشمبرة تاعها لقاوها هذاك وين ناضت و تحك في عينيها باش تعرف شكونهم هههههههه إسلام كي شافها ناضت رجعتلو الروح عمبالو كاش مصرالها
(يا يما شحال حنين هههه وين كنت مخبي هذي الحنانة هههه) االمهم سيلين ضربت إلين بالمخدة و قالتلها وين كنتي من صباح وانا نعيط إلين قالتلها والله غير طفيتو يقلقني بزااف كي يبدا يصوني و راني حابة نرقد قالتها سيلين هذا وين نضتي و تزيدي ترقدي واشبيك يا بنتي راكي مريضة اه
هنا إلين طرطقت بالبكا و سيلين خلعت وراحت تمسحلها شعرها و حكاتلها كلش و قالتها يا الحمارة نورمالمو تفرحي و تحاذري على روحك ماشي تبكي و تزعفي إلين قالتلها انا مرانيش حابة نيتم وليدي و باباه مزالو فالحياة و تعرفيني وليت نحبو بصح هو يحب هذيك المصفارة و بدات تبكي هنا سيلين ملقات متقول ولات عنقتها و قالتها ابكي فرغي واش كاين بلاك تريحي
إسلام لقا إلين مدارتش لعشا راح شرا من برا و عاود ولا حطو فالطابلة و طلع باش يعيطلهم ياكلو و سمع سيلين تهدر
سيلين: حقا مقلتلكش مقبيل كي جيت لهنا ظليت نطبطب ونتي مسمعتيش و كي جا إسلام قتلو من صباح نعيطلها مكاش قريب كسر الباب و جا يجري عندك واقيلا هو تاني يحبك يا الحمارة و نتي ظلي تندبي هنا
إسلام مفهمش كيفاه هو تاني يحبك بلاك هي تحبو امبعد نحا تفكيرو و راح قالهم اهبطو تاكلو و كي شافت إلين البيتزا راحت تجري قريب طاحت شدت هذيك البيتزا و تاكل بلهفة و تبكي راخ عندها إسلام واشبيك تبكي تاني كولي بعقلك وهي قالتلو شحال عندي مكليتهاش توحشتها بزاااف مسحلها شعرها و قالها ايه خلاص كولي و هنا سيلين شافتهم هكذاك فرحت بزاف لالين و خرجت بلا ميفيقولها و تمات تكون هي مع أمين كيما إسلام و إلين بصح المكتوب مكتبش الله غالب