اول كرونيك ليا لبنات نتمنى يعجبكم😍😍
القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم
أبوني وتفاعلوا لبنات نحبكم❤❤🙏🙏🙏🙏🙏🙏
أمين تفاهم مع سيلين باش يروح يخطبها و راحت للدار قريب طير من الفرحة و خبرت إلين فرحتلها و بدات تصوطي و تغنيلها و تقولها مبروك عليك الحبيب المنتظر و اخيرا اعترفلك هههههه و ظلو يتمهبلو و تفاهمت معاها باش تروح عندها نهار لخطبة تاعها و تعاونها غدوة منداك راحو شراو حوايج الخطبة و كامل واش يسحقو و ولاو للدار و سيلين قالتلها لماماها و فرحتلها و قالتلها ضرك نقول لباباك وصلت لعشية و إسلام توحش إلين بزاااف و عيطلها قالها نجي نديك للدار و هي تاني توحشاتو بزاف بصح متقدرش تخلي صاحبتها لي وقفت معاها وحدها و قالتلو يخليها تبات اليوم عند سيلين هو مع اللول محبش بصح هي تعرفلها ذوباتو شوية بلكلام الحلو و خلاها هههههههه رقدو سيلين و إلين يتمهبلو و إلين تتمسخر بسيلين و تقوللها رايحة تتزوجي يا الكلبة واش راه يستناك هههههه و سيلين تضرب فيها بالمخدة و تقوللها بلعي فمك عليا و رقدي صباح جديد على الاميرات تاعنا: ناضو صباح دوشو و بدلو قشهم و بداو يهييو للخطبة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سيلين لبست هكا و إلين بدات تتمسخر بيها و تقوللها اليوم تخرجيه من عقلو بلعقل على السيد مسكين و سيلين حشمت ههههههو قالتلها ضرك نبدلو و بدات تضحك عليها و تقوللها راني نتمسخر معاك ريحي بصح والله غير خرجتي تهبلي زلة
جاو الخطابة و رحبو بيهم و دخلت سيلين عندهم و هي تترعد حتا قالتلها يماة أمين متخافيش يا بنتي ههههه بعقلك الله يبارك عليك خموس عليك و أمين كلاها بعينيه قريب صوطا عليها ههههه امبعد هدرو لكبار مابيناتهم و دخلو سيلين و أمين للشمبرة وحدهم باش يتفاهمو هوما غير دخلو أمين راح لعندها عنقها و باسها من راسها و قاللها خرجتي تهبلي مرتي نموووت عليك و اخيرا وليتي حلالي و هي عجبها الحال زادت عنقاتو و باستو 🙈🙈 و هو مكانش يتوقع ديرها بصح عجبو الحال بزاف و كملو احم احم و خرجو و راح أمين قاللهم خلاص فريناها و العرس منا على شهرين و سيلين حشمت تولي عندهم بيسك تخسر الماكياج تاعها و راحت للشمبرة تاعها تبعتها إلين و قالتها واش درتي يا لعروسة تاعنا ههههههه سيلين قالتلها اه اسكتي حشمت الحمدلله ياربي حققلي واش كنت متمنية و جا نهار لي كنت نستناه شحااال هذي عنقتها إلين و قالتلها مبروك عليك حبيبتي و ربي يهنيكم انشاء الله ♥ المهم فاتت الخطبة هايلة و جا إسلام باش يدي إلين للدار هي غير دخلت للطموبيل هو عنقها و محبش يطلقها و قاللها توحشتك بزاف عمري و باسها 🙈🙈 و قاللها واش راه وليدي وهي قالتلو راه مليح زاد هبط لكرشها و باسو ههههه و راحو للدار و إلين كانت عيانة و كرشها توجعها شوية و مفاقتش راحت شربت تيزانة و رقدت و اسلام كمل لخدمة تاعو بالبيسي و راح باش يرقد لقاها في فراشو فرح بزاف و راح عنقها و باسها و حطو يدو في كرشها و راح يغطيها و سمعها تنازع و راح نوضها و قاللها واشبيك قالتلو كرشي توجعني و شربت تيزانة بصح زادت كثر إسلام ناض عندها و قاللها نوضي نديك لطبيب هي ناضت و إسلام لقا دم في بلاصتها 🙈🙈و هو قالها ازربي نروحو لطبيب ضرك لبست بالخف وهي خايفة وصلو للطبيب و دخلت إلين و اسلام قعد برا يستنا رايح جاي مقدرش يريح في بلاصتو حتا خرجت طبيبة و قالتلو بلي المدام فقدت البيبي هذي يومين و هو ميت في كرشها هي مفاقتش حتا ليوم إسلام حزن بزاف على الملايكة لي راحت و دخل عند إلين لقاها متكسلة راح عندها شدها من يديها و دار الكوراج و يقوللها الله غالب مكتوب ربي ربي يخلفلنا إلين كانت غاضتها بزاف كي فقدت اول بيبي بصح كي سمعت إسلام واش قاللها ولات دارت الكوراج و قالتلو مزالنا صغار و ربي يعوضنا انشاء الله عنقها
