#بَين_النَهوةُ_وعَشقِ_العَسكري
بقلمـي : زهراء امجد
لا تنسون التصويت
وكومنت بين الفقرات + مُتابعة لحسابي 🧚♀️
أذكر لي تاريخ بدايتكَ للقراءه ❤
*----------------------------------*
Ins : aw.wio
Telegram : zozaya12_A
ظلم ، قسوة ، طغيان ،
تسلط ، جبروت ، عشق،
اي منهما ستكون النهاية
هل تعلم ما معنى أن تكون دائم الخوف والقلق
ان تكون لا شيء في لا شيء؟
ان تسمع طرقات الباب
فيبدأ قلبك بالخفقان ثم تسقط أرضا بسببه!
ان تكون وحيد وحزين وخائف في نفس الوقت
لحظات كثيرة مرت أمام عيني
كيوم وفاتي
سقوطي من الأعلى
أم نزف أوردتي
أن أقضي على نفسي
أن لا أكون وحيدة
لحظة قدومك
كنت لا شيء
كنتُ كالجحيم
ككابوس في يوم ماطر تعلوه أصوات الرعد والبرق
كيف لك ان يكون الأمان والإطمئنان هكذا!؟
كيف يمكن لإنسان أن يكون شعاع الأمل والسلام؟
انت كسيجارة قتلت عشيقها
الحرف التاسع والعشرون من حروف اللغة العربية
احدى نوتات الموسيقى النادرة
كصوت الآذان الذي رفع في المساجد بعد حروب طويلة
كأجراس الكنائس ودليل الحائر
انت يا من اصبحت كل شيء قبل لا شيء
واكفة بعز الظهاري بالحولي اباوع على امي
تشنگ بالعجين حتى تبدي تخبز اساعدها باوعت اديها كلها حروق من النار مال التنور واثار ضرب ابوي راودتني هواي تساؤلات تجرأت اول مرة حتى اسألها.
ناي : اكول يمّة شنو اللي جابرچ هيچ متحملة كل اللي ديصير وياچ من ضرب بابا وسيطرة بيبي؟
ام ناي : اوف يا بنتي كلشي اتحمل لخاطركم
ما أريد اهجولكم وانتم صغار ولا اگدر اعوفه واخلي المسؤولية كلها عليچ لان ما يخليكم تظلون وياي، اكيد حياخذكم مني، بعد قسمتي اللي خلتني ارتبط بإنسان مثل خالد واتحمل كلشي.
ناي : شلون قبلتِ بـ بابا وانتِ تعرفين كلشي
عنهم؟ وتعرفين بيبي مسيطرة على الكل وبابا قاسي!
تدرين مرات من اشوفه يضربچ اگول راح تموتين جوه إيده!
ام ناي : شسولفلچ يا بنتي خل اكمل الخبز لان راح نلتهي بالسوالف وشيخلصني من ابوچ وبيبيتچ وبعدين اگعد واسولفلچ من تزوجته ليهسه.
ناي : اي ماما كلش حابّه اعرف عن قبل.
وگفنا وشغلت التنور وبدينا نخبز واني
ارفعلها قبق التنور حتى نخلص بسرعة
ما بقى شيء غير حناية زغيرة تخبز بيها خلتها
بالتنور خلصنا وراحت للغده وصبت للكل تغدينا
وخلصنا وگعدت انتظرها بغرفتنا حتى تگعد تسولفلي ورى شويه اجت، عدلت گعدتي وتربعت
- يلا يمّة سولفيلي
گعدت امي وجرتني يمها خلتني اتمدد على رجليها وايدها تلعب بشعري.
ام ناي : اي يمّة راح ابدي اسولفلچ عن بيت جدچ وشلون تزوجت ابوچ، خطبتني عمتي اخت ابوي چنت رافضة الزواج لان اريد اكمل دراسة بس وين اكو بنية تمشي كلامها بوقتهم ظلوا يقنعون بيَّ بعد ما قنعوني والكل چان موافق اجوا بيت عمتي للبيت.
اجت عمتي وعمي الچبير گال لأبوي
خلي مهرها ٥٠٠ الف مو تتنازل عن المهر
ابوي گال اي اجوا وگلنالهم على المهر
بس هُمَّ رفضوا.
