كُنتِ تَضحَكين، ف َأُلقي نَظرة عَلى كُلِّ شَيءٍ حَولّي كُل شَيء في مَكانـِه إلا قَلبّـي ..
مشهد _1
دزيت الرسالة وظليت گاعدة على نار انتظر شوكت يحس عليَّ ويجاوب للاسف ماكو رد ولا شافها اصلا ظليت ألوب يا ربي شجاه، هسه اني شخلاني اچفص، أيست منه ونمت من النعاس. ما أعرف لشگد مر وقت بس على الاغلب نص الليل فزيت على ايدين غيث تحاوطني، احس بأنفاسه الحارّة على رگبتي ، صار قريب كلش مني ، وعطره ملأ مجرى تنفسي ، لزمت اديه واني اضغط عليهم حيل ونبتت اضافيري بإيده ودگات گلبي دمام.
تنهد وزفر الهوا برگبتي قرب شفايفه لأذني وگال غيث : آاخ بويه هيچ فراگچ يهد الحيل يا بعد الحيل كله ، تدرين مشكلتي حتى وانتِ مرمرتني وشالعة گلبي احبچ ،
سحب ايده واشر على گلبه وگال - هنا معشعشة محد توصل مكانچ " انتِ غير بويه غير ، انتِ اللي ما اجت ولا راح تجي وحدة بعدچ "
ظليت ساكتة دارني بإثنين اديه وصار وجهي بوجهه باوع لعيوني وگال: - ليش عيونچ مدمعة هاي العيون ما يلوگلها غير الفرح يا بعد عيوني الثنين.
ناي : مو قصدي اسوي هيچ والله بس حرگت گلبي وانتَ هايم توصفها الي احس نار وجمرت بداخلي ما اتخيل غيري بحياتك، تعلقت بيك لدرجة الهوا يصعب عليَّ بدونك
غيث : بويه آني احبچ وميّت بيچ شنو غيرچ ، ومتقبل وراضي بغيرتچ بس من توصل لهالدرجة وياي بهاللحظة راح ادوس على گلبي ال ابن اللي حبچ.
هالمرة راح أعديها الچ وأسامحچ لان أگول صغيرة وعقلچ طايش بس اذا عدتيها مرة ثانية حتى لو بالشقه ايدچ اگطعها إلچ فهمتِ!؟
مشهد_ 2
واگفة بغرفتي قريبة منّه أعصاب صايرة بشكل باوعتله بكل قهر وحچيت أنتَ حاسب نفسك بشر مثل الناس؟
ظل ساكت مدايرلي بال ولا كأنه يسمعني وملتهي بتليفونه عناد بيَّ ما يحچي استفزازه الي وتجاهله صعّد الشر براسي
تقربت بأتجاهه احچي ومنفعلة - أنتَ ليش ساكت ؟ خابص نفسك على شنو !؟ أنتَ هم حاسب نفسك مثل باقي الناس شنو اگلك وگتلي لا ولا كلشي ما تقبل موتتني فكني منك اعتقني ، احس سكوته بالذات يخلي اعصابي وحرگان دمي يقرأ الف عيونه صارن بگصته من كلامي رغم كل هذا ملتزم الصمت يحرگ بأعصابي.
مووت خلصني منك خلي ارتاح منك ابتليت بيك كلشي ما تقبل ما اشتهيك موت الخذاك شگد اكرهك شوكت الله يخلصني منك وارتاح. ما أحس إلاّ گاملي على حيله
هسه بس اصرخ البيت كله يلتم علينا واني ادري بنفسي غلطانة بس تخبلت احس واحد يگلي استفزيه بگد ما استفزني بسكوته استفزه بكلامي.
غيث : صار ساعة استمعلچ اگول هسه تسكت هسه تچفّه الشر هسه تروح من يمي، وصلت حدها وياچ وصلتِ لمرحلة تدعين عليَّ لچ ! أشر بإيده عليَّ وگال: مثل ما جبتچ أجيب تاج راسچ هنا !!!
يتتبع
تحياتي الكاتبة زهراء امجد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
انستكرامي ضيفوا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
