#بَين_النَهوةُ_وعَشقِ_العَسكري
بقلمـي : زهراء امجد
لا تنسون التصويت
وكومنت بين الفقرات + مُتابعة لحسابي 🧚♀️
أذكر لي تاريخ بدايتكَ للقراءه ❤
*----------------------------------*
Ins : aw.wio
Telegram : zozaya12_A
غيث _ مو كاظم صديقي وأعرفه
ناي _ هااا صح هما رادوني بس ما صارت
وحجيت باستفزاز حته هو موت روحه عليه ويكولون عليه متمرض كلش وضعفان بعد ما
رفضه ابوي خطيه....
غيث _ بتساؤل ليش هو وين يعرفج
ناي _ مايعرفني بس اجه شافني
غيث _ وشدعوه هاي بس شافج وشفتي وهيج تدرين باخباره...
ناي_ لا يعني بس تعرف أقاربه ماخذين مره من عدنا ويعرفون شصاير بي
غيث_ قسمه وماصارت وكلمن راح بحال سبيله لا يعرفج ولا تعرفي ماله داعي هسوالف
ناي_ ممم
غيث_ خوووش شصار ماصار بي معليج فاهمتني لا أشك حلك...
ناي_ استغربت وماخليته يكمل كلامه
كتله شنو تشك .. اريد اكمل قاطعني !!
غيث _ اشكه أبوسه غير
ناي _ماعرفت شرد عليه بلعت ريكي لان اخر كلمه نطقها وكانو مايريد يزعلني
لوتي أحسه انتصر عليه
لان اني ضليت بس اتأتأ
غيث _ يي وعمج يعقوب هلكد ماعنده كرامه ومخافة الله يريد يخرب خطبتج
ناي _ ممم ماعرف بس جان كل همه يكسر خشمي بس عمو وائل وكف عليهم
غيث _ هههه لا بربج وشدعوه هيج شاد حيله ومصدك بنفسه يكدر يتقربلج وانتي بعدلج ايام وتصيرين بضهر جنسيتي ونحجيتي بأسمي
بقيت خانسه واستمعله كلامه هادئ !!!
اسمعي كلامي انسي مرتضى وسجاد مدري منو وهذا ابن عمج الأمريكي هم سمعت بي ....
ناي _ اصلا اني ماردتهم كلهم
غيث _ يي ..
حسيته كلش ضاج من سالفة احمد بس ماحجيت بـ اي شي يخصه غيرنا لموضوع بالكلام ومانحس ال خلص رصيده
واني ميته نعاس عاد نمت.....
وعدت الايام طبيعي وغيث جابلي كارت ابو
النت وخابرني طبعا كله يخابر ب1 بليلل
او ب12 وأحياناً حته ب 3 اني ضليت
استلطفه واحجي وياه احس شي جديد
وحلو دخل حياتي شكد ما اني مصره ما أريده
بس من يتصل احس استمتع وياه
