#بَين_النَهوةُ_وعَشقِ_العَسكري
بقلم زهراء امجد
البارت 19
لا تنسون تصويت للبارت + متابعه حسابي الواتباد
طلع وهنه النسوان ضلن يهلهلن
سكتت ضليت ماعرف شسوي كتله راح انام
اني ونمت
حسيت على غيث بده ينام لان جان حيل تعبان بس اني ولاغفيت افكر بكلشي والدمعه بعيني اول مره هيج اخاف شعور غريب كلش بطبعي ما اهتم هواي بس كلشي صار بسرعه بسرعه تغير كلشي عليه حسيت اريد امي ....
ضليت اتذكر كلشي مر عليه واحس كلبي
ملجوم من الحنه حيل انهضمت
تذكرت صديقاتي ومدرستي احلامي كلشي تبخر
بدله وعرس وهسه خلص حته العرس ومابقى
اي شي
تذكرت من طلعت من بيتنه واباوع على كل الوجوه اريد اشوف وجه ابوي شلون يكدر يفاركني واني الوحده عنده وصغيره وع كولته لمدللة مالتي والعزيزه بس الفتهمنه انو هو راح لبيت جدي
مايهون عليه يشوفني واني اطلع من البيت
صعدت واجت بصفي امي واني باوعتلها بنضرات خذلان ودرت وجهي عنه
_ شبيج
نترت عليها بدون شعور كتلها مابيه شي
باوعت عليه وشفت عيونها دمعن ونقهرت
مني ومقهوره عليه بنفس الوقت
ضليت اباوع عليها اتمنيت اشمر نفسي
بحضنها وابجي بس جان فكري كله انو هي
طابكت ابوي وزوجوني غصب عني ....
لاول مره بحياتي هيج اضوج منهم ....
باوعت والقهر بيه بودي اخرب كلشي واعوف
كلشي وارجع ناي نفسي الطبيعيه الطفوليه
الي شنو يجي على لسانها تحجي الي تضحك دائما اتمنيت اعوف كلشي بس اجت نضراتي على غيث وفرحته وهو لازم ايدي كل قوته ويضغط عليها
وكلت بكلبي لا حرام عليه اصير انانيه وافكر
بس بنفسي واخرب فرحتهم بيه وهو غيث
شنو ذنبه بكل الصار وياي....
حاولت أقوي نفسي واكون طبيعيه
رجعت ذاكرتي لغيث وهو يندهني
_ ناي جاي تبجين
_ ها لا
_شوفي دموعج شبيج متأذيه
_صدك انتبهت واني دموعي مسحتهم وحاولت اهدي نفسي هيج خايفه
_ياغوح غوحي لاتخافين اني يمج
يلا نامي وارتاحي ....
ماحسيت اله غفيت الفجر
مر وقت ونزيت واشوف
غيث يحجي وهو مغمض عيونه ونايم
_بووويه شكد احبها....
ضليت ساكته وكلبي يدك سريع ضليت مصفصه
عليه ياربي هذا شبي يمكن لان بالبدايه متزوجين
رجعت غمضت عيوني واخذتني النومه....
