#بَين_النَهوةُ_وعَشقِ_العَسكري
بقلم زهراء امجد
البارت 32
لاتنسون لايك للبارت و متابعه حسابي واتباد
خنست وهو يتوعددلي ويهدد
_الا اتوبج صوجي منطيج مجال كلش هواي اله اجيب تاج راسج هنا وكدام عيونج ...
سكتت واني حتى دموعي ناشفه وعقلي راح
ينفجر فوك السويته مايدري طالعه بدون علمه
لا خلاص بعد ماكو مفر احس خسرت كلشي
ومن ايدي انتبهت على نفسي واني افرك بيدي
على معدتي احسها فارت تحركني حرك معناه
اني وصلت لمرحله منتهية وماعرف اتصرف اي شي
عيوني عليه بكل عصبيه وبدون مايباوعلي لبس بنطرونه شلون مجان وتشيرته و أخذ جكايره وتلفوناته حسيت يريد بس يطلع لان اذا يبقى
يبتلي بيه ومايرحمني شكله تحول شخص
ثاني عيونه دم ودماراته طالعه
هو طلع واني ضليت كاعده و ألوم بروحي شلون هيج حجيت وغيث واعرف طبعه يتحمل يتحمل وتالي ينفجر بوجهي
وفوك كل هل دعواي والصخام الصخمته
اذا يدري طالعه من وراه يكلب الدنيا ضليت بمكاني
صارت ب١ كمت اريد انام بس هيهات غمضت عيني صارت ساعه ب3 بليلل واني ماغفيت كلت شسوي ياربي شسوي احس دخت وكرهت حته نفسي
طلعت ادور عليه
لكيته نايم بصاله كلت هسه بس يصير الصبح امه تشوفه نايم هنا تكلب الدنيا على راسي وغير
التشمت مالت بنات عمه وخواته وناس التكرهنه
لان اصلا من غيث تزوجني كلها تمنت يخرب
عرسي وشكد حاقدين علينه ناس
اني ماعرف مو بيدي اذا اجه يمي اريد بس
اعاركه وأكره بنفسه واذا راح اضل ادك والطم واحس على نفسي ياربي اني شسويت
عاد مشيت بتردد واني اعرف ردت فعله غيث ومايطخ راس ويحجي وياي بعد الحجي الحجيته عليه رحت تقربت يمه كتله بهدوء
_غيث
كانو حايط ولا حاس و لا رد عليه
ضليت عليه شوي شكله مقهور وجه ارزك مبين مانايم حجيت وياه غيث عفيه حباب كوم نام
بالغرفه اخاف وحدي هو ولا كأنو يسمعني
هزيت كتفه على كيف واريد احضنه
_ غيث شبيك الله يخليك كوم
غيث _ بشرار وصاك على اسنانه الله لايخليني كومي ولي من وجهي ماريد اشوف خلقتج
تقربت حضنته وماحس اله دفعه بيده رجعتني
متر ليورا متتت قهر واريد ابجي اباوع عليه نفس نومته
عرفت غيث كرهني وماطايقني
كمت واني احجي خلاص ناي اكلي خرا بيدج
ثنين لان اني جبتها النفسي
وهاهيه هذا التردي هو تفكيره يختلف عن
تفكيري وكلشي اريده مو مثل ليريده
