#بَين_النَهوةُ_وعَشقِ_العَسكري
بقلم زهراء امجد
البارت 26
ناي _ زين شسوي هسه غيث كلش مايتحاچة
رجعت جرتني كل قوتها من ايدي ...
زينه _ كومي
ناي _ وين اكوم البيت متكهرب برا
زبنه _ كومي اعتذري من عذراء
ناي _ شنوو مستحيل اعتذر هي مو زينه وياي
زبنه _ مو راح تكبر المشكله وعذراء تريدلها حجه حته تطلع من البيت هما كلش خايفين من عذراء لاتسويها وتطلع لو تزعل لان يخافون من امها
والله امي وأبوي راح يكرهوج كلش اذا عذراء
طلعت يعرفون امها لسان وماتسكت كلش
بحيث حتى مايحبوها ومايردون تصير مشكله يردوها تطلع بدون مشكله....
ناي _ لج شبيهم هيج يخافون منها ويقنعوها صار ساعه يعني مايشووفها تدور المشاكل وياي
زينه _ ولج يدرون بس مايكدرون يحجون
ناي _ جريت حسره واني كاره نفسي
زبنه _ ولج هية حياله لاتخليها تغلبج
سوت الها فلم عساس هيه اغمى عليها
ناي _ ياا والله حيه هاي
زينه _ ولج والله ماتعرفين حيلتها سوت نفسها
تريد تموت وتره خابرت عبد الله وبس تبجي وتصيح هسه اطلع من البيت وكلها ضدج واكفه
جرتني وطلعتني هيه عذراء غرفتها بصف غرفتي دخلتني الها لكيت يمها حماتي المتزوجه
كلتلهة عذراء اسفه جان تدفعني كل قوتها
عذراء _ بخزره وترفع حاجبها اني اطلكج مو
خلينيييني اني اطلع من البيت هسه لحضة مابقى هنا
حماتي ميساء جانت خطار عدنا صاحت عليها
ميساء _ عذيرو شبيج تره اجت
واعتذرت وهي مثل اختج اعتبريها بعد كافي
ناي_ بهدوء اني مو قصدي بس تعصبت كلش ونفسيتي تعبانه وطلعت بوجهج هيج
ماعرف اني نزلت من كرامتي أو لا.....
بس الاعرفه اريد غيث يسكت لان غيث يخابرو ومايرد وطلع منا يدخن جكاره وره جكاره....
ام غيث_ اسمعه تحجي كله من وراج هسه يصير بي شي
ف ماعرف ليش هيج سويت بس المهم غيث ما اخسره رغم ضايجه منه لان كتلني بس اني ماقصرت وياه....
واني غلطت من عليت صوتي تخبل من اعلي صوتي وفوكها هو موجود يعتبرها نزلت من احترامه وقيمته كدام أهله
بس شسوي هما السبب بكل هذا.....
ضليت كاعده بغرفتي وحماتي اجت حجت وياي
ميساء_ ناي ليش هيج سويتي
بقيت ساكته
شجاوبها شحجي محد يفهم البيه منين ابدي منين انتهي
كل هاي الضروف المرت عليه هيه سبب بأنهياري العصبي
