#بَين_النَهوةُ_وعَشقِ_العَسكري
بقلمـي : زهراء امجد
لا تنسون التصويت
وكومنت بين الفقرات + مُتابعة لحسابي 🧚♀️
أذكر لي تاريخ بدايتكَ للقراءه ❤
*----------------------------------*
Ins : aw.wio
Telegram : zozaya12_A
بس طلعو رحت كعدت وذبيت حجابي
هيام _ ها شلونه غيث
ناي _ ممم حلو بس عنده كرش ماريده وافر
بحلكي اطلعلي اعذار حته مااتزوجه....
هيام _بلا نجبي نجبي لا تضلين تجذبين اصلا جسمه
كلش حلو وطويل بس شوي شعره عالي
يراد يقصره
ناي _ ها هو صدك ما عنده كرش يي وبس
بس بس شنو واني حاطه يدي على حنكي
واسوي نفسي افكر اريد شي مو حلو بي
حته اكلهم ما أريده.....
هااا ييي شعره حسبالك مكهرب فلذالك
ماريده ههههه.....
هيام _ ولكم نعالي وين خلي اهفه بي ولج
هو شعر بس شوي يكص منه من فوك وهاهيه
سكتي ونجبي الولد حلو على اقل اخذيلج واحد
حلو احلى من مرتضى هم كصير ومدري شلونه
اشو غيث يخبل طول بجسم بمعاني....
ناي _ باوعت الها احم يلا المهم
شفته وانتم ارتاحيتو بعد واني وماقابله
دارت عني وماهامها كلامي
هيام _ دولي بلا تتمضيكين انتي
كمت من يمها وماعاجبني الوضع
ورحت ابدل وفكره تجيبني وفكره توديني
وبالي ويا شكله وضحكته.....
وكلما اتذكره أكول يلا نجبي انتي مو مال
زواج ومسؤوليه مو جاي افكر بـ غيث
اصلا هو مبين خابص نفسه نننن واعيب عليه
واسمع امي تخابر خالتي نور
وحجت كلشي الها....
وخالتي بيتهم قريب على أهل غيث....
نور_خيه والله خلي تقبل وترتاح من بيت
عمها ومدام عمامها قابلين على الولد وهم عسكري وشخصيه اني شايفته ليش ماتقبل بعد....
هيام _والله اني هم أكول هيج
بس رأسه يابس وماجاي تقنع
نور _ لا اني كاعده يمهم وأعرفهم ولج والله
خوان غيث مدللين نسوانهم دلال....
هيام _ صدك والله علوه قابل مثل عيشتي
لو تريد اله مثلي يدمغون بيها
خلصت ونهت الاتصال منها....
شوي ودك تلفون....
صاحت امي شوفي منو....
رحت بسرعه اشوف
_ها يمه هاي رنا بنت خالي....
رديت اني هلاو رنا شلونج
رنا _ ها ناي شلونج
ناي _ زينه الحمد الله
رنا _ ولج شنو صدك خاطبيج بيت غيث
