#بَين_النَهوةُ_وعَشقِ_العَسكري
بقلم زهراء امجد
البارت 23
ناي _ اشرتله احرك بايدي يلا مااريدك طلكني
وابوي يكول مثل مادخلنا بالمعروف نطلع
بالمعروف.... يعني طلكني....
يحجي بهدوء والصدمه واضحه عليه قرب رأسه عليه ومثبت ايديه على الجربايه اني شفته هيج رأسن ابتعدت ليورا
غيث _ عود صدك هذا ابوج هيج يحجي !!!!
بدل مايهدي الوضعية يزيد النار حطب ويخليج تتخبلين عليه وعلى شي
مايسوه أو اساساً هو مو مقصود
اباوعله وساكته كلش كارهته ....
غيث _ وينه اريد اخابره
كام وكف خابره كله هلا ابو ناي ....
تعال يلا ننتضرك
شوي واجه ابوي دخل يضحك طبيعي كانو يريد يخلي الوضع طبيعي بس هو البيت مشتعل شعل
دخل بغرفتي
خالد _ شبيج بابا !؟
ناي _ يغلط عليه ...
غيث _ بحديه ويأشر شوفو اني ماغلطت ل الله
بالله تره دستي بطني كلش استفزيني انتي واذا تبقين هيج ومصره عله مشاكل وياي راح تشوفين وجهي الثاني خليني وياج حباب ،،
اباع عله ابوي عرف غيث يحجي بكل صلابه
وماكو اي شقه بالموضوع ...
اباوعله مامهتمه عوجت حلكي وهو يخزر بيه
خالد _ غيث تره مو هيج الحجي ياغيث على كيفك وياها هي عقلها هلكدوته ...
غيث سكت وعيونه تتفحصني محتار وياي
خالد_ بابا شبيج انتي على كيفج وياه تره هو زوجج
ناي_ لعد شكو يتفل عليه
غيث_ هههههه استغفر الله
خالد_ غيث ليش تتفل عليها
غيث_ هههه ناي انتي بيج شي انتي شنو ناصبه علينا
ناي_ لا والله احجي صدك
غيث_ اذا انتي عقلج هيج يكلج فـ شوفي اني اشاقه وياج وشي مامقصود والله
خالد_ بابا يعني انتي ماتعدين شي الرجال مايقصد وثاني شي يعني الرجال والمره كلشي يصير بينهم انتي شلون راح تعيشين هيج
ناي_ اسمع لكلام ابوي وعيني على غيث الي شكله مطعون طعن من وراي احس صدك كسر خاطري وشي ماله داعي لأن سواها حركه عفويه بس اني متخبله ساعه حابته وساعه ماطايقته
ضل ابوي ينصح بيه بابا هذا زوجج ومالج غيره وهسه راح يصير عندكم طفل
شوي حسينه هدئنه بس اني ما مرتاحه
ابوي ضل يحشش ويضحكنه وغير موضوع العركه كلها كأنو ماكو شي بعد ما سولف وتقريبا حاول يرجع كلشي طبيعي كام يريد يروح
خالد _ اني اترخص وغيث دربالك عليها هي هم بعدها صغيره غيث أنته تحملها...
غيث _ والله اني متفاجأ تره هي وحدها تخبلت
عليه يعني حته ماكو داعي للمشكله !
