#بَين_النَهوةُ_وعَشقِ_العَسكري
بقلمـي : زهراء امجد
لا تنسون التصويت
وكومنت بين الفقرات + مُتابعة لحسابي 🧚♀️
أذكر لي تاريخ بدايتكَ للقراءه ❤
*----------------------------------*
Ins : aw.wio
Telegram : zozaya12_A
دخلوا عمو يعقوب وزوجته إيمان سلموا
على امي واني سلمت وطلعت
و اسمع عمتي إيمان گالت لأمي:
ايمان : إحنا جايين نخطب ناي لمرتضى
بعد احسن إلنا مِـنْ الغربة
و هيَّ بنت عمّه واني احبها واريدها ويعقوب
هم يريدها.
اني واكفة ورى الباب وألطم على خدي
واحچي بگلبي يبوي وﷲ لو اموت ما آخذ هذا
مرتضى، هم نفس الطينة اني أريد واحد
يطلعني يخليني اشوف الدنيا لو هم
اندفن بالبيت.
وچان خوفي امي توافق لان هيَّ وعمتي إيمان
وحدة تحب وتعز الثانية
وأبوي الفرحة ما ساعيته و عبالك آني علّة على گلبه!
بس امي بسبب الظلم اللي شافته وطبعاً عمي
يعقوب شاهد على الكتل و گلبه ما يرف
على امي.
فأسمع امي تحچي وياهم
هيام : اهلاً وسهلاً بس.. ناي أولاً صغيرة وهم جاي تدرس.
واني تزوجت صغيرة وچنت كلشي
ما أعرف وتأذيت فـما انطي بنتي صغيرة،
وهم ابنچ يا خية كبير و هيَّ كلها على بعضها 14 سنة.
أيمان : بس احسن من الغريب والله
اني ادلل الچناين وناي مثل بنتي ادللها دلال،
هيام : لا خية لا، لمرتضى ما أنطي، ناي صغيرة
وبعدها تدرس.
ابوي طفر ويَّ ما تحچي امي ويخزر بيها.
خالد : خويه يعقوب هيَّ الكم عادي هسه خلي
بس شوي تكبر وتكمل الثالث ننطيها الكم أخذوها
مني ناي الكم.
اسمع عمي يعقوب يضحك
يعقوب : أي إحنا ناي إلنا
بعد محد يوصلها اللي يوصل نكسره
و همَّ حسبالهم امي بس هيچ تحچي لان
اني صغيرة.
يعقوب : الله كريم هسه منا لبعد سنة سنتين او 3
عدنا سجاد واذا مو سجاد حيدر!
طلعوا و همَّ متأكدين اني قابلة وغصباً عليَّ اصير
الهم وامي تعاركت ويَّ ابوي.
ظليت اسمع كلام امي وابويه وصياح بينهم
خالد : تردين تنطين بنتچ لابن اخوچ
ها تردين بكيفچ تزوجيها، إحنا ما عدنا بنات يتزوجن غربة.
اني بنتي وبكيفي واريد أطمئن عليها يم بيت عمها
والشين اللي نعرفه احسن من الزين اللي ما نعرفه.
هيام : اني ما أنطي بنتي لبيت اخوك ومرتضى على حلاته.
اني ما اگدر انطي بنتي الهم، گلبي ملچوم منكم اني عاشرتكم واعرف طينتكم
اني ما أنطي بنتي الهم ومرتضى اكبر من عدها.
يا خالد اروحلك فدوة صير وياي واگطع البلغم
من يمك وسد السالفة، أنتَ بيدك كلشي ترى أنتَ ابوها.
