#بَين_النَهوةُ_وعَشقِ_العَسكري
بقلم زهراء امجد
البارت 42
لاتنسون تصويت ومتابعه حسابي
وفجاه اسمع خالتي تصرخ وصوت غيث والبيت نكلب كلب.....
ناي_ بكل سرعتي يمه اني رايحه بعد مالحكت
حته اسد تلفون....
ماعرف شلون بسرعه خليت شال على راسي
طلعت اشوف غيث واكف بنص البيت هو وزيه العسكري هارج البيت هرج ومهدي وياه جاي يطلع إسلاح من الغرفه....
وغيث أسلحته بيده وجه احمر يمه والعيون صايرات بكصته
بحيث من كد ما صاير نار أحسه هيج عملاق ويفتر بللبيت
ام غيث_ بصياح غيث وين تريد تبليني ولك
غيث_ يييييلا مهددددي
يمممه دوخري عني
احس حيلي نهد طلعت ولازمه شالي من يم ركبتي مادري بنفسي
ناي_ بصياح غيث شصاير شتريد تسوي
غيث_ باوعلي بسرعه بعدين
ناي_ هو يمشي واني وراه مجلبه وين غيث لاتخوفني
غيث_ لج ماكدر دوخري لزكتي
ناي_ لكك شنووو فهمني
طلعت وواره مجلبه بيده استغفر الله جاي اجر بحياط احس نسحيت سح
وخالتي وميساء لان اجت لنه العصر والبنات طلعو باب البره مفتوح على كبره....
طلع غيث واني بعدني لازكه بيده اجر بيه وهو ولا يمه حسبالك نمله لازكه بيده مايحس بيه
وصل للباب وانصدم شنووو هاي عسكررين وشباب صايره لخه
نوب يمه نرعبت هواي يمشون وكل واحد لازم سلاحه ومحتارين....
دار عليه وجان يلوي ايدي ويدخلني ليجوا حته مابين....
غيث_ دخلي جوا ماريد المح طولج هنا
وطلع على السريع
خفت وبقيت مبتعده واني لحد الان مافاهمه السالفه...
يعني لان الاعرفه ابو علي صح من عدنا بس علاقته مو شي ويا أهل غيث ف ماتوقعت غيث يعارك علموده...
والباب مفتوح وكلها واكفه تشوف محد اله خلكنه احنا النسوان...
ثواني واني ارجف سمعت صوتهم...
_يلا بسرعه
فتح سيارته يريد يصعد
بس كالوله عوفها خاف تضرر
ماعرف شلون اتفقو على سريع وكلمن راح بأتجاه ...
واني خليت يدي على حلكي شوي واريد ابجي
اخاف عليه وأعرفه مايكعد راحه ويذب نفسه للموت...
