مساء الخير ♥
وحشتوني أوي أوي أوي وعارفة إني بقالي فترة منقطعة بس أكيد فاكرين إني في أخر فترة ليا كنت محبطة وزعلانة وكنت بفكر جديًا إني أعتزل بس لما نزلت بوست وحكيت فيه اللي جوايا أغلب الكومنتات كانت نصيحة عبارة إني أخد أجازة فترة وأجدد طاقتي قبل ما أخد قرار الإعتزال، أنا سمعت كلامكُم وأخدت أجازة وتوقفت عن الكتابة وبعدت عن الحاجات اللي مضايقاني تمامًا وأستجميت بصراحة 😂♥
فكرت بقا في أنهي أكتر مكان بحبه وبحب أنشر فيه وبلاقي فيه دعم وتقدير ووقع الاختيار على الواتباد 😂🤝🏻
أة والله، أنا بحب الواتباد جدًا وليه معزة خاصة مع إن بدايتي مكنتش عليه بس بحبه ♥
أنا أخدت شوية قرارات هقولكُم عليها دلوقتي..
أولًا أنا قفلت جروب الفيس ومش هنشر أي رواية ليا ع الفيس غير ع جروب بيت الروايات والحكاوي المصرية وأكيد أغلبكُم في الجروب دة يعني.
ثانيًا أنا هنشر هنا كل أعمالي هتكون حصرية ع الواتباد فقط يعني مفيش جروب فيس سابق هنا ولا حاجة.
ثالثًا الروايات مش هيكون ليها مواعيد نشر، الفصل هينزل ع حسب تفاعلكُم، أنا مش هحدد ليها معاد تاني لإنكُم لما بتضمنوا إن الفصل نازل في ميعاده مش بشوف منكم كومنت واحد حتى يجبر خاطري، هتتفاعلوا هتاخدوا الفصل، يعني ع حسب تفاعلكُم ممكن ينزل فصلين وتلاتة في الأسبوع كمان.
رابعًا الرواية الجديدة دي هتكون اختبار ليا وليكم، اختبار ليا من حيث مستوايا لإني تعبانة اوي في كتاباتها واختبار ليكم من حيث اني عايزة اشوف معزتي عندكم وتقديركم ليا إيه، لو ملاقيتش تقدير وتفاعل هوقفها وأمسح الواتباد ووقتها هكتفي بجروب بيت الروايات لإن حقيقي الناس اللي في الجروب دة عمرهُم ما خذلوني في إنهُم يبهروني بجمال كومنتاتهم وريڤيوهاتهُم لأي عمل بينزل ليا هناك ♥
الأكونت هنا عليه 2.35k عايزة أشوف كام حد مستني إعلان الرواية الجديدة النهاردة ♥🤝🏻
أنت تقرأ
غازي كوكب هيرات..
Aventura" يُقال أن الحُب لا يعرِف لون، عُمر، عِرق، عادات وتقاليد، شكل والحُب بقصتنا تِلك لا يعرِف أختلاف هيئات، صفات، لا يعرِف سوى أن هُناك قلبان كان من المُستحيل أن يلتقيان وبالرغم من أستحالة الأسباب والأحداث إلا أن اللقاء كان قدرهُما، فــ لا تعلم متى سيجع...
