إمبراطورية العمالقة

الفصل التاسع "حب الامتلاك في بلاد الوكواك"

السلام عليكم ورحمة اللّٰه وبركاته

إمبراطورية العمالقة الفصل التاسع

بسم اللّٰه الرحمن الرحيم توكلنا على اللّٰه

___________________
******************
صلو على الحبيب المصطفى شفيعنا يوم الزحام
خير مبعوث لنا من عند اللّٰه عليه أفضل الصلاة وأفضل السلام
___________________
******************

داخل تلك الغرفة ذات الإضاءة المنخفضة بينما هم في صدمة حقيقية لما سمعوه منذ قليل وقبل أن يخرج كارن قال لهم كلمة غريبة : الذكاء والثغرات. 

ثم خرج وأغلق الباب بينما آدم وسلمي يقفان ينظرون للباب بتعجب قالت سلمي بإستفهام لتلك الكلمة الاخيرة : هو يقصد إيه بالذكاء والثغرات

أجباها آدم وهو لا يفقه شئ من كل هذا فحقا ماحدث معهم كان كثيرا جدا : مش عارف ومش فاهم حاجة وهو ليه قال كده محتاج أفكر بهدوء

: ليك مين انتوا انتو عم تحكوا مصري

كان هذا صوت أحد ما داخل الغرفة ليلتفت كلا من آدم وسلمي لذلك الصوت خلفهم ثم تحدث آدم : انت مين

أتى اليهم الشخص صاحب الصوت قائلا : ليك أنا اسمي "إيوان جبران" انا من لبنان وانتو مين بتكونو

اجابه آدم : أنا اسمي "آدم محمود" ودي "سلمي نادر" واحنا من مصر

إيوان : اتشرفت بمعرفتكن رغم انو المكان مو مناسب

آدم : الشرف لينا ولا يهمك

سلمي : هو في حد تاني هنا في المكان ده معاك

إيوان : إي معي شاب وصبيتين بس هنن غفيانين شوي

سلمي : يعني ايه صبيتين وغفيانين

آدم : طب باللّٰه عليكي أنتِ بجد مش فاهمة لبناني

سلمي : طب وحياة إلى جمعنا من غير ميعاد ولا اعرف حاجة ولا فاهمة حاجة من كلامه

نظر آدم لهذه الفتاة كيف لها الا تعلم اللهجة البناني فإنها من أبسط اللهجات العربيه فوجه حديثه لها : عايزه تفهميني ان عمرك ما اتفرجتي حتى على مسلسلات أو افلام لبناني أو حتي ضيوف شرف للاعمال المصرية

سلمي : لا والله مكنتش بركز اصل هقولك أنا أصلا بحب الفيزيا والرياضيات والعلوم فكنت مركزة أكتر عليهم وبرفه عن نفسي بالروايات الأفلام الكوميدي بس الروايات اكتر عشان بحب اتخيل أكتر المهم يعني اني بحس انه بيوكوك زي الفراخ مش فاهمة بيقول ايه فابقي ترجملي ربنا يسترك

إيوان مقاطعا حديث تلك الثرثارة : يا اللّٰه كيف حكيتي كل هاد الحكي انتي مو طبيعيه

سلمي : دكتور آدم ترجم إلى الراجل ده قالو إلهي تنستر

آدم : بيقولك انتي ازاي اتكلمتي الكلام ده كله انتي مش طبيعيه

سلمي : شوف يا بهلوان انت ملكش دعوة بيا وانا حره ومحدش ليه يتدخل في حياتي وطريقتي دي حاجة تخصني أنا وبس مفهوم يابهلون