إمبراطورية العمالقة

الفصل الحادي عشر "معلومات غاية في الخطورة"

السلام عليكم ورحمة اللّٰه وبركاته
إمبراطورية العمالقة الفصل الحادي عشر
بسم اللّٰه الرحمن الرحيم توكلنا على اللّٰه

اجتمع فريق العمالقة ليقوموا بدراسة ملف المهمة حيث بدأ الفريق بمناقشة بعض الأمور الخاصة بتلك المهمة التي تعد من أخطر المهمات التي مرت عليهم ويحاولون دراستها بكل إتقان كي يستطيعوا إنهائها ببراعة كالمعتاد وبعد دراسة الملفات بإتقان تحدث الحوت بعد وقت كافي من التدقيق في هذا الملف الذي بيده وهو ينظر إلى فريقه

زين"الحوت" : المعلومات إلى موجودة معايا في الملف بتقول إنهم شخصين أصدقاء الأول "جاك دميان" والثاني"إيكاس غريل" وفي شخص تحت إيديهم بينفذ كل أوامرهم بالحرف الواحد إسمه "كارن ميتش" موجودين في مدينه "نيس" في جنوب فرنسا ودي من أشهر المدن في الجنوب الفرنسي المطله على البحر المتوسط وعلي علاقة بأشخاص ينتموا لمنظمات مختلفه في جميع أنحاء العالم ولكن الأشخاص دول مجهولين الهوية دي كل المعلومات الي في الملف عنهم ومعاهم المعلومات الي فريق الغابة قالوها في الإجتماع

نظر الفريق الي بعضهم البعض في نظرات طويلة تحمل الكثير والكثير من أفكارهم ثم اردف الكينج بعد عدة ثوانٍ

زياد "الكينج" : أيوه بس المعلومات إلى معانا مش كافيه إننا نحط خطه ولا حتي ندرس نقاط ضعف العدو بسهوله
(ثم نظر إلى "النسر" ووجه إليه حديثه) وصلت لحاجة يانسر

توجه النسر إلى حاسوبه الذي أمامه وقام بفتحه ثم بدأ بالعمل عليه بسرعة وتركيز شديد جدا وتحدث وهو يوجه نظره تجاه الحاسوب

محمد"النسر" : عيب عليك مبقاش نسر التكنولوجيا إن ماجبت قرارهم أنا حاليا بدأت أدخل على الحسابات بتاعتهم أهي وقربت أخترق حساب جاك لأن حسابه مش متأمن قوي زي حساب إيكاس ومن دخولي لحسابه هقدر أدخل على حساب إيكاس

ظل يعمل بدقة لعدة دقائق على الحاسوب ثم صاح النسر قائلاً

محمد"النسر" بصوت عالي : أخيرا تم الإختراق بنجاح (ثم حدق في الحاسوب بصدمة) ينهار أبيض مش ممكن تتخليوا انا لقيت ايه علي حساب جاك

أردف زياد"الكينج" في سرعة : لقيت إيه قول بسرعه

أجابه محمد"النسر" : حرفيا دول مش بشر مش متخيلين كمية القذارة إلى أنا شايفها

أحمد"القرش" : لقيت ايه يابني خلصنا إحنا على أعصابنا

محمد"النسر" : خد عندك ياسيدي تجارة مخدرات وتصديرها لجميع أنحاء العالم وبالأخص مصر تاني حاجة السلاح بجميع أنواعه للمنظمات الإرهابية والدول إلى بتحارب بعضها تالت حاجة ودي شبكات دعارة بتحصل عن طريق خطف البنات واجبارهم على أي حاجة والا هيتم فضحهم لأنهم يا بيفبروكوا صور للبنات يا إما بيخدروهم ويصوروهم وغير كل ده بقا الخطف إلى بيحصل لجميع الفئات العمرية وخاصة الأطفال لسرقه الأعضاء وبيعها لتجار الأعضاء وتدمير أُسر كامله بسبب كل ده وفوق كل ده الاتجار بالبشر رجاله أو ستات أو أطفال وبيعهم لأكلي لحوم البشر الموضوع أخطر من مجرد مافيا عادية الموضوع حياة أو موت انا مصدوم من كمية الحجات دي