Jadi gini ya rasanya rindu sama orang yang bedah alam. Sakit sekali. Ko tra akan mengerti rasa sakit itu. Sampe ko betul-betul rasa sendiri. Perih sekali, rindu berat. Su tra bisa dengar suara. Tra bisa lihat muka. Tra bisa pegang tangan. Tra bisa peluk tubuh. Cinta pertama anak perempuan itu ayahnya. Jika ayahnya pergi cinta pertamanya hancur! Pura-pura bahagia itu sakit! Ko kira ko baik-baik saja! Omong kosong, munafik!
Ikhlas itu bohong. Ko hanya akan terbiasa oleh keadahan. Malam 25 natal ini. Harusnya penuh sukacita. Tapi sa juga manusia biasa. Sa juga capek pura-pura kuat! Pura-pura baik-baik saja! Sa capek! Sa rindu sama bapa sekali.
Sa menangis bukan karena sa cengen tapi karena sa punya hati. Bapa sa rindu bapa sekali. Tapi, sa tahu Tuhan lebih sayang bapa. Biar sa pu hati tra utuh lagi, tapi setidaknya Kristus lahir di sa pu hati. Sa sambut Kristus datang. Dan bawah sukacita. Meski rasa dukacita masih ada. Sa luka masih basah. Masih peri. Masih terasa lara. Tuhan Yesus akan jadi Bapa buat sa. Biar bapa su trada. Terima kasih su ada buat sa untuk 18 tahun ini.
Sorong 26 December 2021
Pukul 00. 09 WIT
KAMU SEDANG MEMBACA
S. P. S. P
Acaksekedar kata-kata dan ungkapan hati dalam logat Papua tapi jangan kam(kalian) khawatir tra(tidak) mengerti karna sa(saya) akan pake terjemahnya selamat membaca :) kalau suka jangan lupa follow :) start : 22 /ferbuari /2021 End :
