~I no longer expect happiness because I know I do not deserve it.~
ဖေဖေမေမေတို့ကိုခွင့်တောင်းပြီးသူရဲ့ငယ်သူငယ်ချင်းကြီးတွေရဲ့လမ်းပြမှုနဲ့မယ်လွန်တို့တစ်ဖွဲ့လုံးရေတံခွန်ကိုရောက်လာကြသည်။ မနက်ပိုင်းကိုရွာဦးစေတီဘက်မှာမေမေဖေဖေတို့နဲ့လိုက်သွားပြီးကုသိုလ်ပြုဖြစ်သည်။ နေ့လယ်ပိုင်းမို့အရမ်းပူတာကြောင့်ခဏနားပြီးတာနဲ့ညနေဘက်ကိုထွက်လာကြတာဖြစ်သည်။ ရွာကရေတံခွန်ကြီးကအရိုင်းဆန်နေပေမယ့်ရေကကြည်လင်အေးစက်ပြီးပတ်ပတ်လည်မှာသစ်ပင်ကြီးပန်းပင်ပေါက်ငယ်လေးတွေအများကြီးရှိသည်။ သွားရောက်တဲ့သူတွေနေ့တိုင်းရှိလို့လမ်းပေါက်ကာအဆင်ပြေသည်။
သိပ်အနီးကြီးမဟုတ်တော့လမ်းလျှောက်ရတာနဲ့တင်ကိုတော်တော်လေးမောဟိုက်နေပြီမို့ရေထဲသာဒိုင်ဗင်ပစ်ခုန်ချလိုက်ချင်တော့သည်။
"မောနေကြပြီလား။ ဒီလောက်အကွာအဝေးကဘာမှမဟုတ်သေးဘူးနော်"
မိုးခရမ်းကသူတို့ကိုခနဲ့သလိုနဲ့ပြောလာသည်။ ဒါပေမယ့်ဘယ်သူမှမိုးခရမ်းစကားကိုပြန်မချေပနိုင်လောက်အောင်မောနေကြပြီဖြစ်သည်။
"ရောက်တော့မယ်။ နင်တို့ကိုကြည့်ရတာငါမောပါတယ်"
"နင့်လိုနေ့တိုင်းလာနေတဲ့သူတွေမှမဟုတ်တာလို့"
"သိပါပြီ။ နည်းနည်းလေးပဲဆက်တောင့်ထား ရောက်ပြီ"
မိုးခရမ်းစကားကြောင့်တစ်ဖွဲ့လုံးအားတက်သွားပြီးခပ်သွက်သွက်လျှောက်ဖြစ်ကြသည်။ ရောက်သွားတဲ့နေရာကိုကြည့်လိုက်တော့သူတို့ပင်ပန်းလာခဲ့ရသမျှတန်သွားတယ်လို့တွေးလိုက်သည်။
"တော်တော်လေးမိုက်တယ်"
အင်းစက်ကစပြောသည်။
"ဒီနေရာမှာဒီလောက်လှတဲ့ရေတံခွန်ရှိမယ်မှန်းမထင်ခဲ့ဘူး"
ခန်းဆက်ကဆက်ပြောသည်။ ဒါကိုမိုးခရမ်းကမကျေနပ်သလိုပြန်ကြည့်သည်။
"အထင်သေးတာလား။ နောက်လှတဲ့နေရာတွေရှိသေးတယ်"
ရွာဆိုပြီးအထင်မသေးစေချင်ဘူး။ မြို့လိုလောက်တော့လည်းအထင်ကြီးပေးဖို့မလိုဘူး။ လူတိုင်းကကိုယ်နေထိုင်တဲ့ပတ်ဝန်းကျင်ကကိုယ့်အတွက်အကောင်းဆုံးအလှဆုံးလို့မြင်ကြတာတွေကြီးပဲဖြစ်သည်။ ငယ်ငယ်လေးထဲကကြီးပြင်းလာခဲ့ရတဲ့မိုးခရမ်းနဲ့ထွန်းကိုတို့အတွက်ကဒီနေရာကအလှဆုံးဖြစ်သည်။
YOU ARE READING
Fat Representation in♥Romance (Completed)
Romance"I LOVE YOU" I love you for all that you are, all that you have been and all that you will be~♥ မင်းရဲ့အရာအားလုံးကို ငါသဘောကျတယ်။ ဒါပေမယ့် ငါ့ရဲ့အရာအားလုံးကိုတော့ ငါမုန်းတယ်။ မင်းရဲ့အမြင်မှာ ငါကဆိုးသွမ်းနေလောက်မယ်ဆိုတာသိတယ်။ ဒါပေမယ့် မင်းမသိတာတစ်ခုက...
