~I have friends.But why do I feel so along?~
🍂နှစ်ဆန်းတစ်ရက်နေ့✨
မနေ့ကကိစ္စကြောင့်အကုန်လုံးကစုံစုံလင်လင်တူတူရှိနေပေမယ့်အရင်လိုတစ်ယောက်တစ်ပေါက်နဲ့မဟုတ်တော့ဘဲငြိမ်နေသည်။ လူကြီးတွေကဒါကိုသတိထားမိတော့အချင်းချင်းမျက်စပစ်နေကြသည်။ ဒီနေ့တော့ဒီကိစ္စထက်သူတို့သက်ကြီးပူဇော်ပွဲကိုရွာကလူကြီးနဲ့ပူးပေါင်းဆောင်ရွက်ထားတာကြောင့်အဲဒီဘက်ကိုအရင်အားစိုက်လိုက်သည်။
ရွာကဘုန်းကြီးကျောင်းကိုရောက်လာတော့အလှူပေးနေကြတဲ့လူတွေရှိနေကြလို့လူတော်တော်များသည်။ အစီအစဥ်ကတော့သံဃာတော်တွေကိုနေ့စွမ်းကပ်ပြီးရင်သက်ကြီးပူဇော်ပွဲကိုဆက်ပြီးပြုလုပ်မှာဖြစ်သည်။ ဒါကြောင့်ရွာကသူတွေအားလုံးကဘုန်းကြီးကျောင်းမှာစုနေတယ်လို့ပြောလို့ရသည်။
"သား..မေမေ့ကိုပြောပါဦး ဘာကြောင့်မျက်နှာမကောင်းတာလဲ"
"ဘာမှမဟုတ်ပါဘူး မေမေ"
"သေချာလား"
"ဟုတ်"
ဒေါ်နန်းမယ်တစ်ယောက်လည်းသားမျက်နှာကိုကြည့်တာနဲ့ဘာကိစ္စရှိလဲလို့ခန့်မှန်းသိနိုင်ပေမယ့်သူမသားကသူမကိုဘာမှမပြောလာတာကြောင့်အတင်းအကျပ်ကြီးမမေးတော့ဘဲလွှတ်ထားလိုက်သည်။
မေမေကအလုပ်ရှုပ်နေသေး၍သူ့ကိုဒီလောက်လေးပဲကျော်သွားပေးတာဖြစ်သည်။ မေမေလည်းသူ့ဘေးကထွက်သွားရောဇိုးကသူ့ဘေးကိုရောက်လာခဲ့သည်။ ပြီးတော့သူ့လက်ကိုကိုင်ပြီးအားပေးသည်။ သူငယ်ချင်းတွေကြားမှာဇိုးကသူ့ကိုအားငယ်နေမှာစိုးသည်ထင်သည်။ ဒါပေမယ့်ခုချိန်မှာမယ်လွန်ဟာဇိုးကိုမလိုအပ်ဘူး။ ဘယ်သူမှသူ့ဘေးမှာမရှိနေဘဲအေးအေးဆေးဆေးတစ်ယောက်တည်းရှိနေချင်နေသည်။
ဇိုးသူ့ဘေးကိုရောက်လာတော့သူ့ကိုကြည့်နေတဲ့သူတို့အကြောင်းကိုသိနေတဲ့သူ့သူငယ်ချင်းတွေရဲ့အကြည့်တွေကိုမယ်လွန်မခံချင်ဘူး။ ဒီအကြည့်ကသူ့ကိုလှောင်နေသလိုမျိုးပဲ။ ဒါဟာမယ်လွန်တစ်ကိုယ်ထဲအတွေးတွေသာဖြစ်သည်။ တစ်ကမ်းတမ်းသူ့သူငယ်ချင်းတွေကသူ့ကိုအဲ့လိုမျိုးဟုတ်ချင်မှလည်းဟုတ်နေလိမ့်မည်။ ဒါပေမယ့်လည်းသူ့လက်ကိုကိုင်ထားတဲ့ဇိုးရဲ့လက်ကိုရုတ်တရက်ပုတ်ချလိုက်မိသည်။ သူလုပ်လိုက်ခဲ့ပြီးမှသူဘာလုပ်လိုက်လဲဆိုတာကခေါင်းထဲပြန်သတိရသွားသည်။
YOU ARE READING
Fat Representation in♥Romance (Completed)
Romance"I LOVE YOU" I love you for all that you are, all that you have been and all that you will be~♥ မင်းရဲ့အရာအားလုံးကို ငါသဘောကျတယ်။ ဒါပေမယ့် ငါ့ရဲ့အရာအားလုံးကိုတော့ ငါမုန်းတယ်။ မင်းရဲ့အမြင်မှာ ငါကဆိုးသွမ်းနေလောက်မယ်ဆိုတာသိတယ်။ ဒါပေမယ့် မင်းမသိတာတစ်ခုက...
