وره يومين رجعت من المدرسه ونمت گعدت العصر فتحت الحاسبه چان الگة جايتني رساله من ايميل اسم الايميل احرف ممفهومه بس المواليد نفس مواليد عبير...بذيچ اللحظه جريت نفس كللللش قوي وعبالك چنت مختنگ.. رجعت ظهري وانتچيت عالكرس وگلبي صار يدگ سريييييع شويه نخبصت دخلت عالرساله مكتوب السلام عليكم.... جاوبت وعليكم السلام....
ربع ساعه صافن عالرساله اريد جواب ماكو.. رحت شربت چاي وصعدت ركض عبالك متيه شي عبالك واحد گالي اجتك رسائل مو رساله .. اجيت عالحاسبه ماكو رد هم اخذت صفنه واصعد وانزل واچيك النت اخاف بي مشكله.. وماكو... اكتب اكتب وارجع امسح .. اگول ميصير هيچ اذب نفسي اخر شي متحملت كتبت تفضل.. وهم ماكو جواب... ضليت اتگله وتعبت واني اكوم شويه او اسويلي شغله وارجع ركض عالحاسبه.. وماكو شي الى ان صارت ساعه ١ تقريبا چان الكة جايتني رساله فتحتها صورة حسام الرسام!!!!! قبل دقايق واصلتني... هذا الحچي خال اشاره يم صورتي مال مشغول.. حركات ع اساس مشغول هوه افرغ مني ماكو... دزيت علامة استفهام .. جاوبتني اكيد تحب حسام الرسام.... وبذيچ الفتره منو ميحب حسام الرسام واغاني الضيم مالته ( عندي وطن'' سمعت بغداد'' موگالو) جاوبت اي احبه بس شسوي بالصور منو ويايه؟؟؟ ع اساس اكو غيرها ممكن يراسلني.... چان تكتب ممكن نتعرف؟؟؟ كتبت اذا تعارف فماعندي وكت واذا تعرفني فممكن نسولف.. ع اساس اني عبالي ولد يحچي ويايه.. چان تكتب وشدعواك هيچ منفعل.. يالله اخذ راحتك مع السلامه!!!!
هنا اني خرطت وين اودي وجهي... دا انتظر هاي اللحظة وهيچ تروح؟؟؟ تقريبا دقيقتين اني الف شغله جتي براسي... گلت لازم اسوي شي... فكتبتلها... والله العظيم مو قصدي شي بس اني شويه متوتر صار فتره والله شاهد عليه گاعد ع نار انتظر مراسله من شخص اريد احچي ويا... دزيييييت.... جاوبتني وگالت شخص لو شخصه وياها ضحكة... كتبتلها مو مهم ولد لو بنيه المهم منتظر... گالت انته منتظرني؟؟ گلتلها ليش منو انته؟؟ گالت انتي مو انته.. كلتلها انتي بنيه؟؟؟ گالت اي الي منتظرها... گلتلها انتي انتي... گالت عاشت ايدك رجعت الصوت ..وهنا دمعت عيني بكل عفوية .. وفرحت حيل وگلت الحمد لله.. گلتلها كلش احتاجيت احچي وياچ كلش ضايج صار هوايه مجاي يم المدرسه وشايفچ.. واني اكتب واشهگ .. گالت صدگ ليش مدتجي يم المدرسه.. گلتلها صارت ضغوطات عليه من جماعة الاتحاد.. واني ماردت تصير مشاكل او تصير حچايه عليچ.. گالت خلي يولون معليك بيهم... كلتلها بس الحمد لله صار الاحسن انه صرت احچي وياچ ونعيد ذكريات طفولتنه وايامنه الحلوه... گالت صدگ اريد رقمك لان اني مو كل وكت افتح الحاسبه لان حاسبة خالي... صفنت شويه شگوللها!! بعدين كلت خلي احچي وهذا الموجود..گلتلها والله حاليا ماعندي موبايل بس هالايام يصير عندي واخذ رقمچ ....گالت اوك اني راح اروح هسه وباچر تعال للمدرسة اشوفك... نمت نومه مرتااااح بيها سعيد واحس نفسي طاير عالفراش.. گعدت الصبح بدلت وترتبت وطلعت للمدرسه چان..... #يتبع (ان شاءالله احاول كل خميس انزل بارت وراح تتونسون بالقصص لان عباره عن حياة شخص طموح ويريد يسوي الي اباله)
أنت تقرأ
اول علاقة حب حقيقيه وبكل جرائة وكل عفوية وبكل التفاصيل #القصة الاولى(اول حب)
Romanceسالم بين الجرائة والحب
