اول علاقة حب حقيقيه وبكل جرائة وكل عفوية وبكل التفاصيل #القصة الاولى(اول حب)

#١٣ الفراق يغتصب المشاعر

فتحت الرساله ١-كلش اليوم تونست وياك....٢- بس شويه ضجت من زادت الامور...٣- ليش مدترد؟؟؟٤- ماريدك تضوج مني بس ابد ممسويتها بحياتي.....٥- كلش احبك ومتعلقه بيك...من قريتهن كلش فرحت.. وكلش حبيتها اكثر.. وگلت لازم افصل بين الشهوة والحب.. و اني ضجت من نفسي لان حسيت الشهوة تغلبت عالحب وهالشي مو صحيح... دزيتلها وگلتلها لا مضجت بس جنت بوضع اللاشعور بأي شي غيرچ وحبيت يصير شي بيناتنه لان متحملت.. وبعد ميصير هالشي.. جاوبتني وگالت لا اتمنه بمرور الوقت يصير.. لان انته بيك شي كلشي حلوو وطبعك حلو ومينمل منك... هيه هيچ حچت بعد متحملك ولا عبالك سويت وتعبت نفسي بالحمام حته ما اشتهي.. وكالعاده حچينه رومانسيات وحب وشهوه ونمنه سويه...وره يومين من الطلعه.. جنه نحجي كالتلي سالم.. امي دترتب على سفر للخارج اني وياها.. ويمكن راح اسافر... انصعقت بس گلت يجوز تريد تشوف ردة فعلي وجذب.. گلتلها اموت انتهي وهيه تكولي اني ما اگدر بدونك وبعيده عنك.. مشت الايام وهذا الموضوع من ينفتح اضوج الى ان وره ٤ اشهر او ٥ گالتلي صار موعد السفرررررررر... يا سفر عبير؟؟؟؟ گالت راح نسافر بعد ٢٠ يوم.... ااااااااااااخ مستحيل... واني شلون؟؟؟؟ تگول ما اعرف.. گلتلها اذا اخطبج تبقين ع مودي؟؟؟ واسرع وقت اتزوجج.. گالت مستحيل يقبلون اهلي وامي دتسافر ع مودي... حسيت الدنية ضاقت بعيني وقربت نهايتي... ماريد اصدگ الي دا اسمعه.. اكتب وابچي مثل الطفل.. اشهگ واختنگ... گالتلي سالم اطلع بره اريد اگولك شي... طلعت بالسطح.. گالتلي شوف الگمر... چان بدر مكتمل... گالتلي كل ما تشوفه ويصير گدامك بهالوضع اعرف انه اني هم دا اشوفه واريدك تشوفني بي واشوفك بي... وابچيييي.. اتذكر بذيج الفتره چنت اسمع اغاني وادگ ع راسي وياها حسام الرسام( اتذكرك بالخير) ( مدري شبيه ياربي)(على المحبوب ودوني)واكثر اغنيه چانت تأذيني( وينها... كلهم يسألوني عليچ) چنت انام بدموعي واگعد بيهن... اصعب ما مريت بي بحياتي.... مچان الجنس يمر من يم بالي ولا اشتهي اي شي حته الاكل.. حاله نفسية.. تركت الدوام.. ما احچي ويه احد... بس ابچي.. گدام اهلي گدام اي احد بس اصفن تنزل دموعي... اهلي كلش قدرو الاني بي واكثر شخص چان يواسيني امي.. ووالدي چان يتمضحك عليه ويستهزء ويگولي هاي من تكبر راح تتذكر هاي الايام وتكول وين چنت ووين صرت.. چنت اكوله اني چبير... وصرت اكره ابوية... والايام تمشي.. گالت لازم نتشاوف.. طلعه متطلع لاي مكان اله ويه خالها يوديها يم صديقاتها يجن يمها.. كرايبهم يزوروهم يودعوهم.. يوم من الايام گالتلي باجر راح نبقه بس اني وبيبي بالبيت ليش متجي... ضليت افكر شلون اروح.. مال من الباب ما اگدر.... اجتني فكره واتذكر نزلت ع امي جان وكت متأخر.. گعدتها.. وگلتلها ماما محتاجج هيج وهيج ولازم نروح اريد اشوفها قبل لتسافر... واحجي ويه امي وابچي... گالت تمام.. اتفقنه ساعه ٩ نروح لبيتهم... امي تسلم عليهم ع اساس صارتلنه شغله بمنطقتهم وگلتلها خلي نمر نسلم... وبالفعل رحنه يمهم دگيت الباب... طلعت بيبي سلمت عليها وبوستها هيه كلش تحبني.... طبينه كعدنه جتي عبير دموعي بس تنزل.. بيبيتها كالت شبيك كلتلها حساسيه تراب بعيني گالتلي غسلهن.. مغسلتهم بالطرمه وعدهم باتبين وحده عالمطبخ ووحده عالاستقبال... غسلت چان اشوفها تبجي اباب المطبخ... رحت رجعتها للمطبخ شويه.. وحضنتها قووووووي وبس نبچي.. بچيييي ونترنح.. بالضبط من واحد يموت وواحد يشبك عزيز گلبه ويبچي.. نسينه كلشي وبس نبچي.. امي عرفت وتأخرنه.. گالت لبيبيتها سالم كلش يحب عبير وكلش مقهور لان دتسافر وهيه صديقة طفولته.. كالتلها شوفيهم وين.. اجتي بيبي.. شافتنه هيج كالت شبيكم.. رحت عليها واني ابجي ابوس بأيدها اكولها بيبي بس لتسافر والله اموت.. ( طبعا وبهاي اللحظه من دا اتذكر اللحضات ودا اكتب دموعي دتنزل) موقف كلش صعب .. البيبي تبوس بيه تكولي هاي الدنيه وليدي.. المهم امي اجتي هم للمطبخ وشويه هدأونه... ماطولنه كلت لامي خلي نرجع مدا اگدر اشوف.. رجعنه.. مشت الايام اخر يوم السفر من طلعت بالطريق واني وصلت مرحله ما اشوف الاحرف.. نزلت للمطار ودتعت اهلها وبقت هيه وامها.. تخابرنه صوووووت... عباره عن كلمة احبك واحبج وبچي.. طبعا امي چانت كلش خايفه عليه لا اسوي شي بنفسي گالتلي لتقفل الباب ابد وكل شويه ادك الباب واكوللها ها تروح.. بقينه فاتحين خط لحد مراحت الشبكة.. هنا فكرت بالانتحار.. فكرت اكتل نفسي واثناء التفكير والهدوء فتحت عيني الصبح.. دگيت عليها مقفل.. دزيتلها رساله.. بس اتمنه توصلچ الرساله.. بس اتمنه تبقين هنا لو حته بعد منحچي ويه بعض...اتمنه يطلع حلم واگعد منه ..وماكو رد.. صار الليل مختنگ وما اعرف شسوي افتح الايميل ماكو رساله بس ابجي.. لزمت اعصابي فتحت كڤر الموبايل وخابرت خالها.. تسالمنة وگتله بشر وصلت عبير وخاله ام عبير..گال اي الحمد لله.. غصيت وختنگت.. وكتله الف الحمد لله وشلعت البطارية.. ذبيت الموبايل شلي بي.. اوقات جحيم.. وجه الفجر .. اجتني رسالة عالماسنجر....#يتبع
طبعا ردت اكمل القصة كلها بهذا الپارت بس مگدرت لان بيها تفاصيل.. والپارت الجاي هوه الاخير.. لان اريد انزل شنو الي انبنه على هذا الموضوع واذكرلكم مقتطفات عن الاوضاع حاليا.. شكرا لكل من يشجعني انه استمر بالكتابه❤️