اول علاقة حب حقيقيه وبكل جرائة وكل عفوية وبكل التفاصيل #القصة الاولى(اول حب)

#6 مابعد الضيق فرج

طلع مسدس وخلا عالميز الي گدامه.. حقيقه اني اخاف من السلاح وصارت عندي رهبة وگال شوف سالم انته صاير تتردد يم مدرسة البنات والبنية عبير رئيسة اتحاد اولا وجودك يم مدرسة البنات يسويلك مشاكل.. وتقربك من هاي البنية منقبل بي فابتعد عن المشاكل ليش بعدين تتأذة.. (تهديد واضح) ..كتله اني مرتين رحت بم مدسة البنات والبنية عبير صديقتي بالابتدائية وبنت مدرستي.. كال خلص ماعندي شي احجي غير الكلته الك.. اخذ راحتك.. طبعا ملامحة كلها غيض وكره .. رجعت للشعبة واني كلي احلام مطشرة وكلي احباط من شي چنت احس راح يغير من روتيني العايشة ومن وضعي الي تغير بعد سفرنه.. طبيت للشعبة ونظرات هيمن تاكل بيه ويريد يعرف شنو صار.. بعدها بالفرصة اجه يمي هيمن وگالي ها سجلت يمهم بالحزب حته تروحون اجتماعات وحفلات ويه البنات..گال اني اعرف بهاي الامور واكو حفله راح تصير بالقاعة.. كتله والله ما اعرف كلشي بس كالي بعد لتوصل يم مدرسة البنات وراح تصير مشاكل ..المهم طلعت من المدرسة ورجعت للبيت ماكو كلشي براسي غير بس احاسب بروحي واكول ليش ما رحت ولو من بعيد اشوفها ليش سمعت من هذا ليش من دون الشباب اني ليش هذا الحظ.. مشه يومي بهذا التفكير قبل لا انام.. فكرت ويه نفسي شلون اگدر اعبر سالفة المدرسه واتواصل ويه البنية زين شلون ممكن اتواصل وياها وان كان عدها موبايل فاني ماعندي... بس كلت خلي افكر بشي.. طموحي لازم ميوگف..وبالفعل ثاني يوم واني بالمدرسة شفت هيمن كالعاده ونزلت عليه فكره كتله هيمن بيت عبير مو گرايبك؟؟ گال اي.. كتله يعني تروح يمهم تجي؟؟ كال اي خالها صديقي ويحبوني حيل وشيحتاجون يكولولي.. كتله همه اكيد عدهم حاسبه..اي شي يحتاجون اي شي عطل بالحاسبة تره اني اعرف بالحاسبة خليني ع بالك حته نگدر نوصل الهم.. طبعا بغريزتي اني كل الي دا افكر بي لمصلحتي الشخصية حصرا.. بس هيمن مفكر ع موده.. ما اعرف اذا جان هذا الشي غلط مني او ممكن يكون غلط بس هذي الغريزة واتبعتها.. وعليكم السلام عزيزي كل حال مامشت يومين واتذكر خابرني هيمن العصر ع تلفون امي.. وكالي سالم هاي عدهم مشكله الحاسبة مابيها صوت.. بدون اي تردد كتله اني اسويها.. وطرا من الفرح وكلت وصلت للي اريده.. كتله دليني شلون اجيك.. دلاني عالنفرات ووصفلي واخذب موبايل امي ويايه.. وطاير من الفرخ وبدلت وترتبت واخذت سيديات التعاريف مال الحاسبة مال اخوتي.. ورحت وصلت تلگاني هيمن وضلينه نتمشة واني فرحتي متنوصف ابد.. ويگولي هيج كول وهيج سوي واذكرني وكولهم هيمن وهيمن ومن هالحجي واني بالي مو باليخجي بالي شلون ممكن اكون قريب منهم.. وصلنه جان خالها بالباب تسالمنه وعرفني علي هيمن خالها اسمه عماد.. وطبينه لبيتهم جدا متواضع.. غرفة الخطار بيها الحاسبة.. جابولنه مي وهيج شي.. شغلت الحاسبة وعرفت مشكلتها الي هوه تعريف الصوت مضروب واني اكدر اعرفه بس ضليت اكلب حته اخذ وقت.. الباب الي عالهول جانت شويه مفتوحة بس ادير راسي شوية اكدر اشوف.. وبلحظة من الثواني صارت عبير كدام الباب وصارت عيني بعينها.. الله شلون لقطة متنوصف.. سولفنه اني وعماد مواليد ٨٤ من ال٩٠ ترك بغداد هوه وامه وابو.. ومن سولفت ويا واني ابن بغداد صار يحن لذيج الايام .. سويت الحاسبه شربنه جاي.. نطيته ايميلي الياهو لان جان التواصل عالايميل.. وكتله شتحتاج اني حاظر.. كال تعال سلم عالحجي والحجية.. طبينه للهول واني بس ابالي اريد اشوف عبير .. بس للاسف مجانت موجوده.. سلمن عالحجي ويالحجية وبوست ايدهم وراسهم سولفنه طارو بيه من الفرح وابوهم جان كلش عاجبه اسولف ويا.. وكال هذا بيتك وشوكت متجي .. فديوم نسويلك عزيمه هنا.. اني طاير من الفرح.. مع السلامه مع السلامه.. كل العليه سويته وبقة بس الي عليها وهوه هذا المنتظرة منها.. طلعنه جان هيمن يكولي عاشت ايدك.. كتله وايدك حبيبي تدلل.. كال هسه شراح نسوي ع عبير.. كتله ما اعرف خلي نشوف شيصير.. ورجعت وفاتح ايميلي ودا انتظر تكتبلي.. وماكو شي .....وره يومين ..#يتبع
جدا اعتذر من التأخير بالنشر بس حقيقه مديصير مجال حته انشر براحتي.. اعتذر منكم اخوتي واتمنه تسامحوني❤️