اول علاقة حب حقيقيه وبكل جرائة وكل عفوية وبكل التفاصيل #القصة الاولى(اول حب)

سالفة روحتنه لمدرسة البنات#2

واني حاير بطريق الرجعة الياخذ مني مشي هوايه .. واركب الامانه حته انزل بمسافه وهم اكمل مشي.. وره ايام انتبهت زادت الاختلاطات بين مدرسة الشباب العرب ومدرسة البنات..وصار تزايد بذكر هاي البنية عبير.. ضلت بنفسي اشوف عبير حالي حال اي فقير يتمنه هالشي.. فديوم من الايام اجاني هيمن يسولفلي عن الحب ومن هالامور.. طبعا يتعجب بيه من اسولفله بالعلاقات واگوله ولا مره مريت بتجربة حب.. ولا اني المسولف بالماضي الاسود ما ادري الاسود وويا الوان.. ولا اني المرتاح من اسولف.. ولا اني الاسولف الاحد حته ممكن يقدملي نصيحة.. جايبها خوف بخوف .. اكيد مو فقط خوف ع نفسي وعالتبعات.. خوف ع البنات وفقط.. المهم.. حچالي انه من اجه للشمال وصارت زيارات بينهم وبين بعض الاقارب  انعجب ببنية كلش حلوه وميعرف شلون ممكن يگوللها .. طبعا هيمن ساكن بالاطراف ولحسن حظه او سؤء حظه البنيه الي ديسولف عنها ساكنه بنفس منطقته... كل مره يحچيلي عنها سالفه هيچ رحت وهيچ سويت.. انتبهت ع هيمن انه من يجي حمه لو يغير الموضوع او يسولف بس تتغير الصيغة.. و ع كل حال.. فد يوم ديسولفلي هيمن ع البنية وشلون فات من يم بيتهم و شافها وسلم وكاللها محتاجة شي كالتله تسلم يگول انتهيت وماعرفت احچي شي.. اجة حمه وهم بدل الكلام.. وره مراح حمه سألته شبيك ويه حمه.. گالي هذا ابن خالها للبنية .. عاد افتهمت ..وراها گالي سالم خلي نروح لمدرسة البنات نشوفها.... گتله بس شويه تصير عندي فلوس زايدات نروح ماعندي مشكله.. بس المشكله هيه اذا ردت اروح للمدرسه لازم لو نروح مشي للمدرسه تقريبا ٤٠ دقيقه مشي .. واذا ردنه نروح تكسي لازم احير برجعتي للبيت.. وبكل الاحوال الرجعه تصير متعبه.. ومو بس هاي.. لازم نروح لو نطلع من وكت من المدرسه يعني نهرب حته نروح مشي ونلحگ.. لو من نطلع ناخذ تكسي والله كريم عالباقي.. طبعا احنه وظعنه صدگ تعب وسيارتنه عطلت بالبيت والوضعيه تعبت..ومنطقتنه هم مشموره.. واهلنه مديلحگون.. والمهم قررنه واتفقنه اني وهيمن نروح لمدرسة البنات حته نشوف البنية وهم نباوع منا ومنا.. والله وثاني يوم طلعونه من وكت من المدرسه ع اساس گلنه نلعب طوبه.. اجاني هيمن گال سالم ياطوبة احسن فرصه نروح لمدرسة البنات.. گتله يالله.. ورحنه تمشينه نسولف ونضحك .. المهم وصلنه لمدرسة البنات قبل ليطلعون.. لگيت شگد من مدرستنه ولد هناك.. هاي شديصير؟؟ اكو كم بنيه بره ما اعرف شنو وضعهن.. خطوط الطالبات تنتظر.. صارت الطلعه.. البنات يروشن.. الي تباوع تباوع والرايحة رايحة والي مصادقة مصادقه.. طلعت بنيه من بين البنات...........#يتبع