اول علاقة حب حقيقيه وبكل جرائة وكل عفوية وبكل التفاصيل #القصة الاولى(اول حب)

#٩ الحب يبعد العقل

دزيتلها رقمي واني كلش فرحان ودزتلي رسالة.. من ارد برساله اطول ربع ساعه لان ممتعلم وهيه تندز الرساله بعدها مواصله تجاوبني واني ادوخ المهم وره يومين واجهت مشكله ثانيه.. هاي البنيه متگدر تتصل ابد بس رسائل و٢٤ ساعه متوفره.. وسوالف حلوه وذكريات.. عبرت يومين دخت بالرصيد.. صار عندي مصروف يومي تقريبا كارت ابو ال٥$ لان اصلا الكارتات والاجور جانت بالسنتات.. صرت لازم اقتصد لو اطبگ كلمات لو انقص حرف بالكلمات حته تصير رساله وحده واذا عبرت لازم اكتب بعد حته اوصلها رسالتين لان حرامات ما استغل هالشي.. المهم امور البيت بصوره عامة تحسنت شويه واني دا امشي اموري بس راس براس .. كلش قوت علاقتنه اني كلش حبيتها وهيه بدت تحبني گامت حته بالمدرسه ادزلي ومرات انظر ادز رسالتين حته ارد مره وحده.. امور البنيه ويه كلش سائت ويه ابو الاتحاد وشوكت ما يصير كدامي الگا ضايج ومتوتر واني ولا يمي.. بس هوه حاسس انه اني سبب اتوقع حاجيه ويا وجايبه موضوعي.. و ع كل حال كل كم يوم هيج شي اروح يم المدرسه.. صارو صديقاتها يعرفوني وصارت تسولفلي عنهن والحياة حلوه كم مره خالها  يخابرني ع غده يمهم واسويله كم شغله بالحاسبه.. بصراحة اني رحت زايد وياها بالسوالف يعني هيج بس اريد احجي وياها(طبعا بكل ادب وممفكر ابد بموضوع جنس وياها) يعني مو ع بالي.. بس اريد اضل احجي وياها .وره فتره .حسيتها تغيرت شويه ويايه يعني ابسط شي كامت متراسلني وهيه بالمدرسه.. گامت متلح ع جيتي للمدرسه.. وصديقي الي موصيني عليها يكولي ها سالم ماحجيت وياها مگدرت.. اكوله لا يابه اهلها كلش متشددين اصلا ماشايفها ابد.. بس من كثرة ما لح عليه شويه ضميري اشتغل وانبني گلت خلي اگوللها بس اني بالوجه اعرف النتيجة.. والله فتحت الموضوع كلتلها هيمن تره يحبج ودائما يسألني عليچ ويگول اريد اتزوجها.. گالت اييييع هذا شنو حته احجي ويا اصلا.. يعني لو چان اكو واتس بذاك الوكت يمكن جان دزتلي بصمه بيها شي مو حلوو🤣 .. وگالتلي هوه ع اساس كرايبنه ومره بالشارع ذبلي حچي.. المهم گلتلها اني بس كلت اوصلج ما يفكر بي لان امانه.. شويه ارتاحيت وضميري ارتاح لان مرايدته .. چان تگولي وانته هم ابتعد عنه ولتجيبلي طاريه وصدگ ازعل عليك اذا شفتك ويا.. هنا اني كلش ضجت وانقهرت من كلامها وهوه كلش زين ويايه.. گلتلها ماعندي شي عادي هوه صديقي ونطلع ونطب .. گالت ازعل.. صفنت ويه نفسي وشفتها كلش انانيه والولد ماعنده شي ويايه ليش هيج  هيه.. گلت اني لازم افضل الولد عليها واخذ موقف منها.. وشويه اجر نفسي منها.. وره كم يوم او سبوع يمكن هيمن اجاني گالي سالم شبيك ويايه اشو لا تسألني لا تسولف ويايه اله اني احاچيك.. من گالي هيچ حسيت نفسي انضرب ع راسي.. صفنت ع نفسي صدگ هذا الولد بدون وعي مني نفرته ( حسيت بنفسي ضعيف) گدام عبير وما اعرف بعد شلون اتصرف وشسوي وشراح اسوي.. بس هذا الموقف هم خلاني انقهر منها ومن اسولف وياها اكو شي بداخلي قهر او ضوجة.. هيه عبالها من اسلوبها ويايه.. بس اني من نفسي متأذي.. و ع كل حال ماكو كم اجتني رساله واني بالمدرسه ( اح .......... يتبع).. الپارت الجاي نار وشرار
ملاحظة.. اكو بحدود الپارتين مراح اگدر انشرهن لان حوادث معينه ومهمه بيهن ماريد تنكشف حته ممكن اگدر استمر بالنشر.. واكرر اعتذاري منكم انتو اخوتي واصدقائي عالتأخير بالنشر ان شاءالله استمررررر