طبعا الپات الاول راح يكون قصير وتعريفي للقصة..
طبعا القصة حقيقية ١٠٠٪ وقابلة للنقاش فقط الاسماء مستعاره
اني اكيد سالم مواليد ١٩٨٩
صاحب الصدفة الصديق هيمن مواليد ١٩٩٠
الحبيبة عبير مواليد ١٩٩٠
طبعا ايام صعبة گضيتها بعد فراق بغداد والاهل والاقارب .... والمنطقة
و ايامي الاصعب من عشت غير جو وغير مستوى معيشي وغير ناس مامتعود عليهم.. صار خليط من الاصدقاء او الي يتسمون اصدقاء.. من هوايه محافظات وهوايه مناطق حته مسامع بيهن.. مشت الايام وشتغلت شغلات بسيطة حته اخلي كم فلس بجيبي من اروح للاعدادية.. طبعا هيمن تعرفت علي بالشعبه و جان من سكنة النجف بس من اصول كوردية..جنه نسولف بالظيم العايشي.. ولان اني من عشاق الشعر سولفنه ع كم قصيده حفضتها من عباس چيچان و كاظم اسماعيل الگاطع وغيرهم.. وچنه حته بالدروس نسولف.. چان اكو ولد يجي يم هيمن اسمه حمه.. يگول هذا اقاربي من بعيد بس هذا حمه چان العربي مالته مكسر.. و عقله بي شي نوعا ما هيج حسيت.. وفد يوم من الايام جنت افكر انه اتقرب من بنيه و اعيش لحظة حب واحساس بالحب حقيقي بدون تدخلات الماضي والسطوح.. فچان اكو گروب مال اتحاد الطلبة.. دائما يحچون بطاري بنية .. هاي البنية اداوم بالمدرسة العربية الوحيدة بالمحافظة الي اني بيها.. حلوه وتخبل و و و و موگفة الشباب ع طولهم.. وچانو نص الطلاب يرحون لمدرسة البنات حته يشوفون البنات ويتعرفون.. واني چنت حاير ب........ #يتبع
أنت تقرأ
اول علاقة حب حقيقيه وبكل جرائة وكل عفوية وبكل التفاصيل #القصة الاولى(اول حب)
Romanceسالم بين الجرائة والحب
