اول علاقة حب حقيقيه وبكل جرائة وكل عفوية وبكل التفاصيل #القصة الاولى(اول حب)

#١٤والاخير(الشك ينهي الحكاية)

فتحت الرساله.. حبيبي اني وصلت ليضل بالك وتلگتنه وحده من اقاربنه.. ورحنه يمهم.. اخبك دير بالك ع نفسك.. كتبتلها بالي راح يضل ومراح ادير بالي ع نفسي طبعا اكتب ودموعي تنزل.. واتمنه انام وما اگعد.. بس اريدچ تخليني ع بالچ... گالتلي ليش هيج تحجي حبيبي انته متتمنالي الخير.. متريدني اكون نفسي اسوي شي.. ومنعرف الايام شضامتلنه... كلتلها تمنيت نكون نفسنه سويه.. تمنيت نبقه سويه قريبين من بعض بس هذا الي ردته.. بعد مجاوبت يمكن راحت او احد اجه يمها

استمرينه نسولف شويه وضعيتي تحسنت.. بس شفت انه من هيه هناك نسولف براحتنه.. عدا سوالف الليل الي منگدر عليها.. ع اعتبار من الحاسبه تسولف ويايه.. وبكل الاحوال.. مشت الامور.. قدمو ع ما اعرف شنو.. صار عدهم سكن.. بقينه نسولف ..

وره فتره صار عندي احساس انه دتحچي ويه احد.. واني صار عندي يقين البنيه مو الي ومراح نلتقي بعد.. والحب مو الحب الاولي..وممهتمه لنومتي بالليل.. ولا ذيج اللهفه.. ويجوز بحكم وضعها..

طبعا اني التمست شي بخصوص انه اكو شخص تحچي ويا.. بس مدا اتذكر شلون حته اذكرها بالقصه بس صار شي خلاني احس انه اكو احد.. فد يوم واحنه دنسولف... كلتلها عبير هاچ هذا الايميل مالتي والپاس دزيلي مالتچ بسرعه خلي نتبادل ونسولف... جاوبتني وره ٥ دقايق سالم اكو شي صاير شي؟؟ گلتلها بسرعه وبدون نقاش دزي اريد افتحه ونسولف وماجاوب ع اي احد يكتبلج او اسوي مخفي كلتلها اذا متريدين تخسريني.. ضغطت عليها ودزتلي ..

فتحت حسابها.. سويته مخفي... هااااااا تذكرت... كم مره من احجي وياها تجاوبني ونسولف ورها يصير اون لاين.. يعني جان حسابها يبقه مخفي .. اني ما احب اسأل لان الف عذر اكو.. انتظر لحظة احس بيها لازم اتخذ اجراء قوي واسوي.. المهم حچينه سولفنه واني ادور بالقائمه.. اني قوي بالحاسبه والايميل وهالامور.. دخلت ع الاسترجاع والارشيف.. طلعلي المحذوفات ويطلع تواريخ كولشي... من اهم المحذوفات چانت محادثه ويه ابو الاتحاد... والثانيه ويه شخص شويه چبير بالعمر....
ابو الاتحاد.. محادثه عابره ولو حته من واصله چانت حاچيه ويا.. بس ماكو لا حب ولا شي كلش قوي... بس الحساب الثاني....
اخر رساله قبل شويه.. المحادثات غريبه وبيها مكالمات صوت.. سوالف وحچي هوايه.. تلميحات بالاعجاب اكو.. بس شي اقوه ماكووو... اتذكر صورته اگرع چان.. و(مصري) حته مو عراقي.. ودققت بالاوقات شفت بوقت الي يكون مخفي چانت اكو مراسلات..من اقره كتاباته عبالك فلم مصري گدامي..اخذت سكرين للشاشه ودزيتها الها.. كلش انصدمت.. كلتلها بكل هدوء سولفيلي براحتچ... لان اني تعبان حيل.. ومتأذي...

گالتلي والله مثل ابويه وماعندي شي ويا.. بس كلش ارتاح من اسولف ويا.. وماعندي شي.... اني هنا تأذيت بعد اكثررررر.. يعني ترتاحين ويا وماكو شي بيناتكم... لعد اني شبيه؟؟؟ هم حب وكلشي ناطيچ حته دموعي الچ ومترتاحين ويايه وتسولفين ويايه هلگد.. هذا الحچي مگلتلهيا بس بداخلي ودا اشتعل.. المهم بدت الامور تخرب بس احبها يا عالم اعشقها واموت عليها..
گلتلها بعد متحچين ويا.. كالت تمام.. گلتلها راح امسحه ومسحته ومعترضت.. شويه ارتاحيت.. عدت ذيچ السالفه..
مشت الايام ونسولف ودزلي صورها ومكانها وامها وكلشي بكل تفاصيل... بس اني ممرتاح.. احس روحي معلگ.. فد يوم من الايام حچيت وياها.. گلتلها اريد اخطبچ.. لو اخطبچ وارتاح وخلي الزواج يصير بعدين لو كلمن بدربه.. ما اگدر.. گالت اني مقتنعه واريد واني احبك ومراح الكة اخد يحبني ويخاف عليه بگدك.. بس صعبه.. گلتلها وعليمن ؟؟؟ خلي افتح الموضوع ويه خالچ واگوله واكيد راح يسألج وانتي تجاوبي.. ووراها الله كريم.. اتفقنه ع هالشي.. گلتلها بس اكو شرط وغير هالشرط مراح اصدگ بأي شي يترتب ع اي رفض اسمعه.. گالت شنو؟؟؟ گلتلها شيحچي وياچ خالچ تاخذين سكرين وادزيلي اشوف المحادثه.... گالت تمام.. گلتلها عندي ثقه بيچ بس اني حاليا بوضع تعبان واريد اوصل نتيجة..