اول علاقة حب حقيقيه وبكل جرائة وكل عفوية وبكل التفاصيل #القصة الاولى(اول حب)

#الحظ والصدفه #٣

من شفت البنية ما اعرف شنو الصار بية.. منشفت البنيه انرعبت.. من شفت البنية انصدمت.. مدا اعرف شنو شكو ليش.. دخت.. البنيه تفوق الجمال الشعر ذهب العيون خضر الطول الجسم كلشي كلشي كلشي (البنيه تسطر) بس اني الي سوه كل هالشي بيه بعيد كل البعد عن موضوع الجمال او الهيئة.. تواردلي شي غريب .. احساس غريب.. البنيه من دتمشي والشباب كلهم عينهم عليها .. حقيقه مدا اعرف شنو الديصير بيه واني هم دا اباوع.. بس نظرتي الها تختلف عن نظراتهم .. صارت عين البنيه بعيني بأجزاء من الثانيه.. وكملت طريقها باتجاه السياره الي تنتضرها بمشيتها جان ضهرها مو كلش عليه.. واني لحظه ما شلت عيني منها.. لمن مشت تقريبا ٣ او ٤ خطوات التفتت عليه شخصيا و صارت عينها بعيني.. وجانت النظره اكثر من غريبة والنظره بيها كلام كثييييير وتساؤلات.. شويه تأخرت بالصفنه وراها مشت.. طبعا هيمن اكيد جان يسولف ويحچي بس اني مو يمه ولا دا اشوف بشر يمي او بالشارع غيربس اني وهيه.. ونظرتها الثانيه هيه الي حطمتني وهيه الي خلتني ادوخ اكثر.. حاولت اسيطر ع نفسي واراجع شنو الي ديصير.. اكو شي غريب يربطني ويه هاي البنيه والدليل نظرتها الثانيه.. غمضت عيني وصورتها گدامي.. اريد اتوصل لنتيجة.. والنتيجة چانت ( الكلام بدون اي مبالغة) حسيت بنفسي طرت او رجعت بالزمن ضليت ارجع وصورتها گدامي.. ارجع ارجع ارجع ارجع.. لگيت نفسي بالساحة مال مدرستي الابتدائية .. بالفرصه الطويله الي هيه مال الدرس الثاني.. وبزحمة الطلاب وهوهسة الطلاب والصياح.. شفتها بين الطلاب هيه .. هيه البنيه الي هسه شفتها.. ما اعرف شنو الاحساس الحسيته.. ابتدائيه وحياة حلوه وحروب والكل اطشرت.. وتجي كدامي بنت مدرستي الابتدائيه.. تمنين بس احچي وياها وافسرلها صفنتها عليه.. واذكرها انه احنه چنه بنفس الابتدائيه.. طبعا كل هذا الكلام اني ولا مره وحده حاچي وياها او اكو حته سلام.. هيه طالبه واني طالب جدا بسيط وعادي.. وما اتذكرها جانت لا بشعبتي ولا بمرحلتي.. وع كل حال.. اتمنيت انه بس افهمها انه احنه جنه بذيج المدرسه الحلوه.. استرخيت وارتاحيت ولگيت هيمن ديكولي خلي نروح ليجون الامن يسوولنه مشكله.. وخلص ماعدنه شي يم مدرسة البنات.. طبعا اني اكوله اي واي وبالي مو يمه حقيقه.. اريد بس انعزل عن الكل.. ورجعنه وبالطريق ولا كلمه حاچي ويا.. هوه نزل واني كملت للبيت.. وبنفس الوقت سعيد وحزين وخايف.... ما اعرف شلون مشه اليوم.... وثاني يوم وبالمدرسه اجاني......#يتبع