Forever[Completed]

Start this story(Kai)

-သာယာအေးချမ်းနေတဲ့ကျောင်းပတ်ဝန်းကျင်လေး။
အရင်က ထိုနေရာက နာကြည်းမှုတွေ၊ မုန်းတီးမှုတွေများပြားခဲ့တဲ့နေရာမှန်းတောင်မသိသာလှ။ သာမာန်တက္ကသိုလ်ကျောင်းသားတွေရဲ့ စကားပြောသံလေးတွေ၊ ရီသံလေးတွေ၊ အချင်းချင်းစနောက်နေကြတဲ့အသံလေးတွေ။ ဒါတွေက တက္ကသိုလ်ကျောင်းသားဘဝရဲ့ စာမျက်နှာတွေမှာ ပါဝင်နေကြ ခက်ဆစ်အဖွင့်တွေပါဘဲ။ လူရယ်လို့ဖြစ်လာပြီးရင် အထက်တန်းကျောင်းသားဘဝ၊ တက္ကသိုလ်ကျောင်းသားဘဝတွေက ပျော်ရွှင်စရာတွေအများဆုံးအချိန်ဘဲမလား။ ငယ်ရွယ်စဉ်အချိန်တွေက လိုချင်ရင်တောင် မရနိုင်တော့တဲ့ အချိန်တွေဘဲလေ။ ဒါကြောင့်လူကြီးတွေက ငယ်ရွယ်တဲ့အချိန်တွေနဲ့ ကျောင်းသားဘဝတွေက ပိုက်ဆံဘယ်လောက်ပေးပြီး ဝယ်ဝယ်ပြန်မရနိုင်ဘူးလို့ပြောကြတာနေမှာ။

ထိုအချိန်တွေနဲ့ ထိုဘဝကို ပြန်လွမ်းပြီးတမ်းတနေတဲ့သူကတော့ ဖွန်ဆန်းတက္ကသိုလ်ရဲ့ အနုပညာဆရာ Kai။ သူ၏ ငယ်ရစဉ်ဘဝကလည်း ဖွန်ဆန်းမှာဘဲ နစ်မြုပ်ထားသည်မလို့ ဒီနေရာလေးကို မခွဲခွာရက်။ အရာအားလုံးပြောင်းလဲသွားလည်း သူရဲ့စိတ်ထဲမှာတော့ တက္ကသိုလ်ကြီးက သူနဲ့ သူ့သူငယ်ချင်းတွေရှိခဲ့တဲ့အချိန်ကပုံစံကြီးကိုဘဲ သဘောကျနေဆဲ။ Kaiကအသက်ကြီးကြီးထဲကလားဆိုတော့ မဟုတ္ဘူး။ သူ့အသက်က 37နှစ်။ မထင်ရလောက်အောင်ကို နုလွန်းနေပြီး ဆက်ဆံရေးပြေပြစ်တာမလို့ ကျောင်းသားတွေက သူ့ကိုဆို ချစ်ခင်လေးစားကြရတယ်။ အနုပညာဆရာဖြစ်သည့်အလျောက် စကားပြောရာမှာလည်း နူးညံ့သလို ဥပမာလေးတွေ သာဓကလေးတွေ ပုံပြင်လေးတွေထည့်ထည့်ပြောပေးတယ်။ သူကေတာ့ ကောင်းမွန်တဲ့ ဆရာကောင်းတစ်ယောက်ပါဘဲ။~~~

-သူကျောင်းထဲကို စစဝင်ချင်းမှာဘဲ ကြုံလိုက်ရတာက ကျောင်းရဲ့လူဆိုးစာရင်းဝင် Jun Kyoungရဲ့ ရန္ပြဲ။-

-Jun Kyoungက သူ့တူလေး၊သားလေးလိုဆိုလည်းမမှားသလို သူ့အတန်းထဲက ကျောင်းသားတစ်ယောက်ဆိုလည်းမမှားပေ။ သူတွေ့လိုက်ရကတည်းက Jun Kyoungခံနေရပြီမလို့ မှတ်သားစေရန် လွှတ်ထားလိုက်မည်ဟုတွေးသော်လည်း မလုပ်နိုင်သေးသဖြင့် ဝင်တားလိုက်ရတော့သည်။