~I want you forever even when we are together~
တစ်ကယ်လည်း သူ့ကိုပြောထားတဲ့အတိုင်းပဲ ဂျက်ခ်တစ်ယောက် အထုတ်အပိုးတွေနဲ့အိမ်ကိုရောက်ချလာသည်။ သောကြာစဥ်းစားနေတာက သူဘယ်တုန်းကများ လာနေဖို့သဘောတူပြီးခေါင်းညိမ့်မိလဲပေါ့။ ဒါပေမယ့် သူမမှတ်မိဘူး။ သူကသာစဥ်းစားခန်းဖွင့်နေတာ အထုတ်အပိုးနဲ့သူကတော့ သူ့အိမ်ပေါက်ဝတောင်ရောက်နေခဲ့ပြီ။
အလုပ်ပိတ်ရက်မို့ ဒီနေ့ကိုအထုတ်အပိုး သူရောက်လာတာဖြစ်သည်။ အဘွားကိုသေချာပြောပြီး အပျော်တကြီးထွက်လာခဲ့ရလို့ သောကြာကိုအကြောင်းကြားထားဖို့ သူလုံးလုံးကြီးမေ့သွားခဲ့သည်။ သူဒီကိုမရောက်ခင်မှ သတိရလိုက်တာဖြစ်လို့ မဆက်သွယ်တော့ဘဲတန်းလာခဲ့သည်။ ဒါကြောင့်လည်း မြတ်နိုးရသူလေးက သူ့ကိုအထူးအဆန်းလုပ်ပြီးကြည့်တာကိုခံရတော့သည်။
"မင်းကိုငါသဘောတူတယ်လို့ ပြောခဲ့မိလား"
"ပြောခဲ့တယ်လေ။ မင်းလေးမမှတ်မိတော့ဘူးလား"
"ဟုတ်လား"
ဂျက်ခ်တစ်ယောက် ယောယောင်ပြီးဖြေနေသည်။ တစ်ကယ်တော့ သူစိတ်နဲ့သူရောက်ချလာတာဖြစ်သည်။ သောကြာဆီကတရားဝင်ခွင့်ပြုချက်ကို သူမစောင့်နိုင်ခဲ့ဘူး။ အဘွားကတောင် ရုတ်တရက်ကြီးသွားတော့မလို့လားဆိုပြီး အံ့သြနေခဲ့သေးသည်။ မင်းလေးဆီမှာ ကိုယ်ရဲ့ရှိသမျှအချိန်တွေအကုန်လုံးပုံအောပြီး တွယ်ကပ်နေချင်တာက အခုကိုယ့်ရဲ့အကြီးမားဆုံးဆန္ဒဖြစ်နေသည်။
သောကြာတစ်ယောက် သူမမှတ်မိတဲ့အကြောင်းကြောင့် ကြောင်တောင်တောင်လေးပဲခေါင်းညိမ့်လိုက်ရသည်။ ဂျက်ခ်ဆီကပါလာတဲ့အထုတ်အပိုးတွေကို သူနိုင်သလောက်ဝိုင်းသယ်ပေးပြီး အိမ်ထဲရောက်လာကြသည်။ ယောကျ်ားလေးအခန်းဆိုသူအခန်းပဲရှိတာမို့ အမေနဲ့ညီမလေးအခန်းကိုလည်းပေးမသုံးချင်တာကြောင့် တစ်ခန်းလွတ်နေတဲ့ ပစ္စည်းထားတဲ့အခန်းကို သောကြာသန့်ရှင်းရေးစလုပ်ဖို့ကြံတော့သည်။
"မင်းလေးအခန်းကဘယ်မှာလဲ"
"ဒီအခန်း"
သူအိမ်ကနှစ်ထပ်အိမ်မဟုတ်ဘဲ တစ်ထပ်တိုက်ကိုမှ လုံးချင်းအိမ်နဲ့အနေတော်ခြံဝန်းမျှရှိတဲ့နေရာလေးဖြစ်သည်။ သူ့အခန်းက ညီမလေးအခန်းနဲ့မျက်နှာချင်းဆိုင်ဘက်မှာရှိတာကြောင့် လက်ညိုးထိုးပြတော့ ဂျက်ခ်ကအထုတ်ကိုအဲ့ဒီကိုသယ်တော့သည်။
YOU ARE READING
Villian Representation in🖤Romance (Completed)
Romance"I LOVE YOU" I can't lie, I miss you. I want you to be by my side and stay with me forever ~🖤 ချစ်လည်းချစ်ခဲ့ဖူးတယ်။ လွမ်းလည်းလွမ်းခဲ့ဖူးတယ်။ ဒါပေမယ့် နောင်တတော့မရခဲ့ဖူးဘူး။ Someone Special (Someone I love) My Own Creation 🖤 (3)
