~Every second every thoughts I'm in so deep, But I never show it on my face~
သောကြာအလုပ်သွားဖို့အချိန်မှီထပြီး ပြင်ဆင်လေ့ရှိသည်။ အစောကြီးတော့ သူထလေ့မရှိဘူး။ သူ့အတွက်ကသူပဲရှိတာကြောင့် သူကိုင်တိုင်သာအရာအားလုံးကိုလုပ်ရသည်။ မနက်စာစားဖို့ကတော့ အမြဲတမ်းလမ်းထိပ်ကလက်ဖက်ရည်ဆိုင်သာဖြစ်သည်။ တစ်ခါတစ်လေဆို လက်ဖက်ရည်ဆိုင်မှာမယ်လွန်အဖေနဲ့တောင်တိုးတတ်သည်။ မယ်လွန်အဖေက သဘောကောင်းပေမယ့်လို့ ရှေးရိုးစွဲသည်။ အဲ့ဒါကြောင့်လည်း မယ်လွန်ကိုဇိုးကိုသဘောမတူနိုင်တာဖြစ်သည်။ အဲ့ဒါကလွဲလို့ကျန်တာအဆင်ပြေသည်။
ဒီနေ့လည်း သူအမြန်ပြင်ဆင်ပြီးလို့မနက်စာစားဖို့ထွက်လာခဲ့သည်။ ဒါပေမယ့်ဒီနေ့တော့ မယ်လွန်ရဲ့အဖေကို သူမမြင်မိဘူး။ ဒါလည်းကောင်းတာပဲ။ မဟုတ်ရင် လူကြီးတွေရဲ့ဆုံးမစကားကိုမနက်စောစောစီးစီးကြားနေရဦးမှာမလား...။
"အစ်ကိုစားနေကြဟာပဲလား"
"အေး ထုံးစံအတိုင်းပဲ"
သောကြာကတစ်ခုခုကိုဆိုငြီးငွေ့မလွယ်တတ်သူဖြစ်သည်။အမြဲတမ်းဆိုတဲ့စကားမှာသစ္စာရှိခဲ့သည်။
လာချပေးတာကိုကမန်းကတမ်းစားနေရင်း လက်ထဲကဖုန်းကိုလည်းသည်းကြီးမဲကြီးကြည့်ရသေးသည်။ အဲ့ဒါက မနက်တိုင်းသူလုပ်နေကြအရာဖြစ်သည်။ ဒါပေမယ့် သူ့ရှေ့ကိုနှင်းကရုတ်တရက်ဆိုသလို ရောက်လာသည်။
"နှင်း"
"အင်း...ဟုတ်တယ်ငါ။ တော်သေးတာပေါ့။ မော့ကြည့်ဖော်ရသေးလို့"
"မမြင်ဘူးဟ"
"ဘယ်မြင်မလဲ။ ခေါင်းကပန်းကန်ထဲရောက်နေပြီး မျက်လုံးကဖုန်းထဲမှာစိုက်နေတာကို"
နှင်းရဲ့ပြက်လုံးကြောင့်သောကြာပြုံးစိစိဖြစ်သွားသည်။ တစ်ကယ်ပဲ သူအဲ့လိုများဖြစ်နေခဲ့လား။
"ငါအလျင်လိုနေလို့ပါ"
"ငါမြင်လိုက်တိုင်းနင်အလျင်လိုနေတာကြီးပဲ"
"အဲ့လိုဖြစ်နေလား "
"လျှော့လုပ်။ တော်ကြာ..တစ်ယောက်ထဲဂိနေမယ်"
VOUS LISEZ
Villian Representation in🖤Romance (Completed)
Roman d'amour"I LOVE YOU" I can't lie, I miss you. I want you to be by my side and stay with me forever ~🖤 ချစ်လည်းချစ်ခဲ့ဖူးတယ်။ လွမ်းလည်းလွမ်းခဲ့ဖူးတယ်။ ဒါပေမယ့် နောင်တတော့မရခဲ့ဖူးဘူး။ Someone Special (Someone I love) My Own Creation 🖤 (3)
