~You are the reason I believe in love.
Is it difficult for you to trust me?~
သူ့ကိုသေချာကြည့်ပြီးဂျက်ခ်ကမေးလာတာကြောင့် သူငယ်ချင်းတွေကလည်းသူ့အဖြေကိုစောင့်နေကြသည်။ သူတို့တွေတော့ ထင်နေမှာပေါ့။ သူငယ်ချင်းတစ်ယောက်က သူငယ်ချင်းတစ်ယောက်စီမှာ အကြံညာဏ်တောင်းခံနေသလိုမျိုးလို့ ...မြင်နေကြမှာပေါ့။ တစ်ကယ်တော့ အဲ့လောက်မရိုးရှင်းဘူးဆိုတာသောကြာပဲသိနိုင်သည်။ ဂျက်ခ်ကိုတော်တော်ကြာကြာကြည့်ပြီး သူဘာမှမပြောနိုင်ပေမယ့် အဆုံးမှာတော့သူအဖြေပြန်ပေးလိုက်သည်။
"မင်းသူ့ကိုတစ်ကယ်ချစ်တာသေချာလို့လား" ဆိုတဲ့အဖြေမဟုတ်တဲ့ အမေးစကားတစ်ခွန်းနဲ့...။
"ကိုယ်သူ့ကိုချစ်တယ်။ သူ့ကိုထိတွေ့နမ်းရှိုက်ချင်တယ်လေ။ လုံခြုံအောင်လည်း ဖက်ထားပေးချင်သလို အပြည့်အဝကာကွယ်ပေးချင်တယ်။ ပြီးတော့ သူ့ကိုသိမ်းပိုက်ချင်တယ်လို့ပြောရင်ရော ချစ်တယ်လို့ပြောတာကိုယုံပေးမလား
သူတို့နှစ်ယောက် တစ်ယောက်ကိုတစ်ယောက်အမေးအဖြေလုပ်နေတာကို သူငယ်ချင်းတစ်စုက ပွဲကြည့်ပရိတ်သတ်ဖြစ်နေခဲ့သည်။ ဂျက်ခ်ရဲ့စကားတွေက အနှောင့်အသွားလွတ်မနေတာကိုသတိထားမိရင် သိကြမှာပါ။ ဂျက်ခ်ကသောကြာတစ်ယောက်တည်းကိုသာ ရည်ရွယ်ပြီးအပြောအဆိုတွေကပြောင်းတတ်သည်။ မယ်လွန်က အခြေအနေကိုမြင်နိုင်ခဲ့ပြီ။ သူ့လိုပဲရွှေလွန်းလည်း သဘောပေါက်နေသည်။ သောကြာကတော့ ဘာမှပြန်မပြောလာတော့ဘဲ ဂျက်ခ်နဲ့သူကတစ်ယောက်ကိုတစ်ယောက်သာ စိုက်ကြည့်နေကြသည်။
"ဂျက်ခ် မင်းတော်တော်မွှန်နေတာပဲ။ ဘယ်သူလဲဆိုတာပြောပြတော့ဟေ့ရောင်"
အင်းစက်က ဂျက်ခ်ရည်ညွှန်းနေတဲ့သူကိုဟိုးအရင်ကတည်းကသိချင်နေခဲ့သည်။ သူမေးတိုင်းဂျက်ခ်ကအမြဲငြင်းသည်။ တစ်ကယ်လို့သိသွားခဲ့ပြီးရင် သူတို့ကိုလက်ခံနိုင်ဦးမလားလို့လည်း ပြောခဲ့သေးတာကြောင့် ဘယ်သူလဲဆိုတာမသိရမချင်းတော့ အင်းစက်စိတ်မဖြောင့်နိုင်ဘူး။
"သူကငါသူ့ကိုတစ်ကယ်ချစ်တာကိုမယုံဘူး။ အဲ့ဒီတော့ ငါမင်းတို့ကိုဘယ်လိုလုပ်ပြောပြမလဲ"
YOU ARE READING
Villian Representation in🖤Romance (Completed)
Romance"I LOVE YOU" I can't lie, I miss you. I want you to be by my side and stay with me forever ~🖤 ချစ်လည်းချစ်ခဲ့ဖူးတယ်။ လွမ်းလည်းလွမ်းခဲ့ဖူးတယ်။ ဒါပေမယ့် နောင်တတော့မရခဲ့ဖူးဘူး။ Someone Special (Someone I love) My Own Creation 🖤 (3)
