~kiss me, hold my hand and hug me, eat with me, watch tv with me and go to the movie with me, talk with me, curse with me, walk with me and live with me, let's do everything with me~
ရုပ်ရှင်ပြီးသွားတဲ့အချိန်မှာ အားလုံးကိုယ်စီရုပ်ရုံထဲကထွက်လာကြသည်။ ကြည့်လာခဲ့တဲ့ရုပ်ရှင်အကြောင်းတွေကိုပြောနေကြတဲ့သူတွေလည်းရှိသလို ဒါပြီးရင်ဆက်သွားမယ့်အစီအစဥ်အကြောင်းကိုပြောနေကြတဲ့သူတွေလည်းရှိသည်။ အများစုကတော့ အတွဲတွေဖြစ်သည်။ သူတို့နှစ်ယောက်လည်းအပါအဝင်ဖြစ်နေသည်။
သူသောကြာကိုဆွဲခေါ်လာတာမို့အစီအစဥ်ကသူ့လက်ထဲမှာဖြစ်သည်။ ဒါကြောင့်နေ့လည်ဘက်လည်းရောက်နေပြီမို့စားသောက်ဆိုင်တစ်ခုထဲဝင်ဖို့လုပ်လိုက်သည်။ သူတို့ရောက်သွားတဲ့ဆိုင်ကဂျပန်စာရတဲ့စားသောက်ဆိုင်တစ်ခုထဲကိုဖြစ်သည်။
"မင်းဂျပန်စာကြိုက်လို့လား"
"မဟုတ်ဘူး။ ကိုယ်ကြည့်သမျှဆိုင်တွေထဲမှာဒီဆိုင်ကပဲလူအရှင်းဆုံးဖြစ်လို့"
သောကြာဂျက်ခ်ကိုသတိထားမိတာကအမြဲတမ်းလူရှင်းတဲ့နေရာကိုရှာတတ်တာကိုဖြစ်သည်။ သူလည်းလူရှင်းတဲ့နေရာကိုကြိုက်တတ်ပေမယ့်သူ့ထက်ဂျက်ခ်ကပိုသည်။ အခုလည်းဆိုင်ထဲမှာဟိုတစ်ဝိုင်းဒီတစ်ဝိုင်းသာဖြစ်နေပြီးတိတ်ဆိတ်ပြီးထိုင်လို့ကောင်းသည်။ ဆိုင်အပြင်အဆင်လေးကလည်းလှပြီးဝန်ဆောင်မှုလည်းကောင်းပါသည်။
"မင်းလေးရောဂျပန်စာကြိုက်လား"
"ငါကဘာဖြစ်ဖြစ်ရတယ်"
ဂျက်ခ်ကလက်ပြပြီးစားပွဲထိုးခေါ်တော့ သူတို့ရှေ့အမှာစာကောက်ဖို့ရောက်လာသည်။ မီးနူးထဲကနာမည်ကြီးထဲဟင်းပွဲသုံးလေးမျိုးကိုမှာလိုက်ပြီး ထိုင်စောင့်နေရင်းဆိုင်ထဲကိုကောင်မလေးနှစ်ယောက်ဝင်လာသည်။ နှစ်ယောက်လုံးကခပ်ချောချောသန့်သန့်လေးတွေဖြစ်သည်။
သောကြာသေချာကြည့်တော့မှနှစ်ယောက်ထဲကတစ်ယောက်ကိုသူသိနေသလိုပဲလို့ခံစားနေရသည်။ တစ်ဖက်ကောင်မလေးကလည်း သူ့ဘက်ကိုပြန်ကြည့်လာသည်။ ဒါပေမယ့် သူ့ကိုတိုက်ရိုက်ကြည့်နေတာတော့ဟုတ်မနေခဲ့ဘူး။
STAI LEGGENDO
Villian Representation in🖤Romance (Completed)
Storie d'amore"I LOVE YOU" I can't lie, I miss you. I want you to be by my side and stay with me forever ~🖤 ချစ်လည်းချစ်ခဲ့ဖူးတယ်။ လွမ်းလည်းလွမ်းခဲ့ဖူးတယ်။ ဒါပေမယ့် နောင်တတော့မရခဲ့ဖူးဘူး။ Someone Special (Someone I love) My Own Creation 🖤 (3)
