~I will be all you need, beside you, I'll stand through the good and the bad, for you~
ဒီနေ့ကအဘွားရဲ့မွေးနေ့ပွဲမို့ မွေးနေ့ပွဲကျင်းပတဲ့နေရာဖြစ်တဲ့ အဘွားရဲ့အပန်းဖြေအိမ်ယာကိုရောက်နေကြတာဖြစ်သည်။ သူငယ်ချင်းတွေအားလုံးကိုဖိတ်ဖို့ပြောတော့ ဂျက်ခ်အားလုံးကိုဖိတ်ခဲ့ပေမယ့် တစ်ကယ်တမ်းရောက်လာတဲ့သူက အင်းစက်တစ်ယောက်တည်းသာ...။ အင်းစက်လာလို့တော်သေးတာပေါ့လို့ ဂျက်ခ်တွေးမိသည်။ အင်းစက်သာရောက်မလာခဲ့ရင် သောကြာတစ်ယောက်တည်းဖြစ်နေမှာကိုသူကြိုပြီးစိတ်ပူနေခဲ့ရတာကြောင့်မို့ဖြစ်သည်။
အဘွားမွေးနေ့အတွက် သူတို့တွေရှော့ပင်းထွက်ခဲ့ပြီး ဝတ်စုံတူတောင်ရွေးခဲ့ကြတာဖြစ်သည်။ ဒါပေမယ့် သောကြာကသူ့နောက်ကိုလိုက်ခဲ့ရုံသာရှိပြီး ဘာမှမသိခဲ့ဘူး။ တစ်ကယ်တမ်းအခုလိုဝတ်စုံပြည့်နဲ့အဘွားကိုသွားတွေ့ရမယ်ဆိုရော အတင်းမလိုက်ဘူးချည်းသာပြောလို့ မနည်းချော့ပြီးခေါ်ထားရတာဖြစ်သည်။ ဇိုးတို့မယ်လွန်တို့လည်းလာမယ်လို့ကတိပေးထားတာမို့ အခုသူနဲ့အတူသောကြာရှိနေရခြင်းဖြစ်သည်။
မယ်လွန်ကသူတို့မလာနိုင်ကြောင်းဖုန်းဆက်တော့ သောကြာမျက်နှာလေးညိုးသွားတာကိုဂျက်ခ်သတိထားမိသည်။ အင်းစက်ရှိနေသေးလို့တော်သေးတယ်ဆိုပေမယ့် ဟိုတလောတုန်းကကိစ္စကလည်းရှိနေတော့ ကြည့်ရတာသောကြာကအင်းစက်နဲ့ဆို အနေရခက်နေတဲ့ပုံရှိသည်။ သူ့မှာလည်း အဘွားကအသိတွေနဲ့မိတ်ဆက်ပေးဖို့ခေါ်နေတာကြောင့် သောကြာဘေးနားမှာသူတစ်ချိန်လုံးရှိမနေနိုင်တာမို့ အင်းစက်နဲ့သာအပ်ခဲ့ရသည်။
အင်းစက်နဲ့သောကြာနှစ်ယောက်သားက တစ်ဝိုင်းထဲမှာထိုင်နေပေမယ့် ဘယ်သူ့ဘက်ကမှစကားစမပြောဘူး။ သောကြာစိတ်ထဲတွေးနေတာ အင်းစက်ကသူ့ကိုဂျက်ခ်နဲ့သဘောမတူခဲ့တာကြောင့် သူ့ကိုမုန်းနေမှာပဲလို့ထင်နေသည်။ ဘာလို့လဲဆိုတော့ သူကအင်းစက်ဆီကချစ်ရတဲ့သူငယ်ချင်းကိုလုယူခဲ့တဲ့သူမို့...။ အင်းစက်ကလည်း အစကတည်းကလက်မခံနိုင်ဘဲသောင်းကျန်းခဲ့တဲ့အနေအထားကရှိနေတော့ ဘာမှမဖြစ်သလိုခေါ်ပြောနေနိုင်ဖို့ကနည်းနည်းတော့ခက်သည်။
VOCÊ ESTÁ LENDO
Villian Representation in🖤Romance (Completed)
Romance"I LOVE YOU" I can't lie, I miss you. I want you to be by my side and stay with me forever ~🖤 ချစ်လည်းချစ်ခဲ့ဖူးတယ်။ လွမ်းလည်းလွမ်းခဲ့ဖူးတယ်။ ဒါပေမယ့် နောင်တတော့မရခဲ့ဖူးဘူး။ Someone Special (Someone I love) My Own Creation 🖤 (3)
