~Everything is starting anew?~
သတို့သားနဲ့သတို့သမီးတို့နှစ်ယောက် တစ်ယောက်လက်ကိုတစ်ယောက်ကြင်ကြင်နာနာတွဲရင်း လှလှပပခန်းမထဲဝင်လာတဲ့မြင်ကွင်းက ကြည့်နေသူမြင်နေတဲ့ဧည့်သည်ပရိသတ်အားလုံးအတွက်ကတော့အားကျစရာဖြစ်လို့နေသည်။ သတို့သားသတို့သမီးနှစ်ယောက်လုံးရဲ့မျက်နှာကိုယ်စီမှာ အပြုံးပန်းတွေဝေနေကြတာက မြင်ရတာကျက်သရေရှိလှသည်။ နှစ်ယောက်လုံးကလှလှပပလျှောက်လှမ်းပြီး တက်ရောက်ပေးလာကြတဲ့ဧည့်ပရိသတ်တွေကိုလည်း ကြင်ကြင်နာနာနှုတ်ဆက်ရင်း အချင်းချင်းကတိသစ္စာတိုင်ဆိုဖို့ရှေ့ကိုလျှောက်လှမ်းနေကြသည်။
လက်ထပ်ခြင်းဆိုတာ သတို့သားသတို့သမီးတို့နှစ်ဦးသား မတူညီတဲ့ဘဝကနေတူညီတဲ့နေထိုင်မှုဘဝတစ်ခုကို အချင်းချင်းအချစ်အခင်မပျက်ကြဘဲယုံကြည်မှုမြဲပြီး အေးအတူပူအမျှသစ္စာရှိရှိယှဥ်တွဲကျော်ဖြတ်လို့ ခိုင်မာတဲ့ဘဝအသစ်တစ်ခုကိုနှစ်ဦးသားတူတူထူထောင်ကြခြင်းဖြစ်သည်။ ကိုယ်ပိုင်မိသားစုဘဝလေးစတင်ခြင်းလို့ဆိုရမည်။
ကတိသစ္စာပြုဖို့အတွက် သတို့သားနဲ့သတို့သမီးနှစ်ယောက် ခရစ်ယာန်ဘုန်းတော်ကြီးဆီမှာ အရင်ဂါရဝပြုကြပြီး ကမ်းပေးလာသောခရစ်ယာန်သမ္မာကျမ်းစာအုပ်တစ်အုပ်စီကိုကိုယ်စီကိုင်ဆောင်ရင်း အချင်းအချင်းကတိသစ္စာပြုကြတော့မှာဖြစ်သည်။
" ကျွန်တော်.....သည် ကျွန်တော့်၏သတို့သမီး.....ကို ဇနီးအဖြစ်ဒီကနေ့ကစလို့မှတ်ယူပြီး ပျော်ရွှင်စရာအချိန်ပဲဖြစ်ဖြစ်၊ ဝမ်းနည်းစရာအချိန်ပဲဖြစ်ဖြစ်၊ ချမ်းသာတဲ့အချိန်ပဲဖြစ်ဖြစ်၊ ဆင်းရဲတဲ့အချိန်ပဲဖြစ်ဖြစ်၊ ကျန်းမာတဲ့အချိန်ပဲဖြစ်ဖြစ်၊ ဖျားနာနေတဲ့အချိန်ပဲဖြစ်ဖြစ် အမြဲတမ်းချစ်မြတ်နိုးသွားပါမယ်လို့ ကတိပြုပါသည် "
သတို့သမီးက သတို့သားတိုင်တည်တဲ့စကားတစ်ခွန်းချင်းတစ်ခွန်းချင်းကိုနားထောင်ပြီး မျက်ရည်ဝဲနေတာကိုလည်းတွေ့မြင်ရသည်။ သေချာသလောက်ကတော့ ပျော်လွန်းလို့ကျတဲ့မျက်ရည်ဖြစ်သည်။
" ကျွန်မ.....သည် ကျွန်မ၏သတို့သား.....ကိုခင်ပွန်းအဖြစ်ဒီကနေ့ကစလို့မှတ်ယူပြီး ပျော်ရွှင်သောအချိန်များ၊ ဝမ်းနည်းသောအချိန်များ၊ ချမ်းသာဆင်းရဲသောအချိန်များတွင်လည်းအမြဲတမ်းချစ်မြတ်နိုးသွားပါမယ်လို့ ကတိပြုပါသည် "
KAMU SEDANG MEMBACA
Villian Representation in🖤Romance (Completed)
Romansa"I LOVE YOU" I can't lie, I miss you. I want you to be by my side and stay with me forever ~🖤 ချစ်လည်းချစ်ခဲ့ဖူးတယ်။ လွမ်းလည်းလွမ်းခဲ့ဖူးတယ်။ ဒါပေမယ့် နောင်တတော့မရခဲ့ဖူးဘူး။ Someone Special (Someone I love) My Own Creation 🖤 (3)
